Васедема
статья на тему

«Мокша» журналсь…Тя шра лангонь эрявикс  ялга эрь тонафтыти. Панжемок журналть,мяльхне аф кирдевихть фкя вастса, мяльце лувомс сонь педа пес. Журналонь ноляйхне старандайхть  эрь лувить кирдемс мяленц.

Аф кунара Сузгярьге велень щколаса ётафтовсь васедема кельгома «Мокша» журналонь сермадыхнень мархта. Ширезонк сашендсь Сайгин Николай Матвеевич- ученай- литературовед, «Мокша» журналть прозань отделть редактороц; Аникина Марина Владимировна- публицистикань отделть редактороц; Рая Орлова – поэтессась.

Васенда сявсь вал Сайгин Николай Матвеевич, кона азсь лама лямбе вал журналть ноляманц колга. Мон арьсян, што тяфта может корхтамс аньцек ломанць, конань сембе эряфоц сотф журналть мархта. Сяльде Марина Владимировна Аникина лувозень стихотворениянзон. Мялень салси валса азондсь идькс пингонц колга, лятфнемок шачема-касома аймаконц и маластонь ломанензон.Сяда тов Рая Орлова мялень токай вайгяльса колась аф фкя идень  седи, мзярда лувозень стихотворениянзон и азондсь шабакс пингонь дневникстонза лятфнемат.

Васедемань мероприятиять шумордазеСузгярьге велень школать оцюняц, мокшалясь Кудашов Вячеслав Евгеньевич, кона эсь идькс пингонь лятфнеманзон вельде панжезень сембе потмоёжензон. Азсь шумбрат-пархт. Башка  азсь мяльхть –надиямат, што тяфтама васетькшнематне пяк помагайхть нравственнай воспитаниянь сувафтомаса тонафнемань процессти.

Заметкать сермадыец:

Сузгярьге велень школаса покодись, мокшень кялень и мокшэрзянь литературань  тонафтысь Лукашенко Н.В.