Сосновских Светлана Георгиевна

О себе

Мин - татар теле һәм әдәбияты укытучысы.  Балачагым, мәктәп елларым Түбән Кама шәһәре янындагы Кызыл чишмә посёлогында- табигатьнең гүзәл җирләрендә үтте. Ә 1988 нче елда Алабуга дәүләт педагогия институтының рус теле һәм әдәбияты, татар теле һәм әдәбияты бүлеген тәмамладым. 1990 нчы елда балалар бакчасында тәрбияче булып эшли башладым.Үзенең мәшәкатьләре, борчу- шатлыклары белән нәниләр арасында 5 ел  Алабуга шәһәренең 26 нчы номерлы балалар бакчасында тәрбияче хезмәтен башкардым. 1995 нче елда Алабуга районы Танайка авылындагы урта мәктәпкә эшкә урнаштым. Үзем сайлаган һөнәремә тугры калып, бүген дә шушы мәктәптә эшлим. Үз эшемне бик яратам. Балаларны игелекле, мәрхәмәтле итеп тәрбияләргә, табигатьне яратырга, туган җирләрен сакларга омтылыш тудырырга тырышам. Гаиләм бар. Сөекле ирем белән ике ул үстерәбез.

Книги, которые сформировали мой внутренний мир

Хәсән Туфан, Шәүкәт Галиев, Фәнис Яруллин, Рәзил Вәлиев, Ленар Шәех,Эльмира Шарифуллина, Анна Ахматова, Марина Цветаева, Йосиф Бродский, Владимир Высоцкий, Роберт Рождественский  шигырьләре. Мәдинә Маликова, Нәбирә Гыйматдинова әсәрләре.

Мой взгляд на мир

Дөньяга карашым уңай. Уйлау, күптән юкка чыккан, ерагайган тавышларны тыңлау, эзләү, табу - болар барысы да безнең бу дөньяга  килү һәм яшәүнең мәгънәсе. Чөнки алар артында безнең чын туган җиребез ята.

Мои достижения

Моё портфолио

Минем методик темам: инновацион технологияләрне татар теле һәм әдәбияты дәресләрендә уңышлы кулланып укыту сыйфатын күтәрү. 

Бүгенге көндә педагогик фәндә һәм укыту- тәрбия процессында зур үзгәрешләр бара. Белем эчтәлеге яңа күнекмәләр белән баетыла, мәгълүмат белән эш итү сәләте үстерелә, шәхесне рухи яктан тәрбияләүгә, кешенең әхлакый йөзен формалаштыруга зур әһәмият бирелә. Конкуренциягә сәләтле, заман таләпләреннән чыгып эш итә белә торган, рухи һәм физик яктан камил шәхес тәрбияләү- дәресләрнең төп максаты булып тора. Ә татар теле укытучысы алдында татар телен камил белгән, татар халкының милли традицияләрен таныган, хөрмәт иткән, аны үстерүгә әзер булган балалар тәрбияләү бурычы өстәлә. Әлеге максатка ирешүдә мин  заманча укыту технологияләрен файдаланып эш итәм. Алар арасында елдан-ел уңышлырак кулланылганы, һичшиксез, мәгълүмати технологияләр булыр.

Белем һәм тәрбия бирүдә информацион технологияләрнең өстенлекле яклары күп. Материалны мультимедиа мөмкинлекләргә ия булган югары сыйфатлы күрсәтмәлелек ярдәмендә җиткерү аң үсешенә уңай тәэсир  итеп, хәтерләү сәләтен, укучының шәхси сыйфатларын үстерүгә, шулай ук укытуны интенсивлаштыруга  хезмәт итә. Төрле дәресләрнең үзара бәйләнешен булдырып, укыту формаларын һәм ысулларын төрләндерү аркасында, дәресләрнең эчтәлеге байый һәм кызыклырак була. Контроль һәм үзконтроль дәрәҗәсен күтәрергә мөмкинлекләр арта, чөнки материалны кабат укып, хатаны шунда ук төзәтергә, проблема чишүнең берничә вариантын файдаланып карарга була. Укучыларның теманы үзләштерү дәрәҗәсен тикшерү, белемнәрен бәяләү, ялгышларын ачыклау, аларны анализлау һәм төзәтү юлларын билгеләү өчен компьютер технологияләре уңайлы.

Соңгы елларда ТР Мәгариф һәм фән министрлыгы заказы буенча эшләнгән интерактив кулланмалар укытучыларыбызның алыштыргысыз ярдәмчеләренә әверелде. Мин аларны дәресләремдә, сыйныфтан тыш чараларда уңышлы кулланам. Алар  сыйныфларга тәгаенләнгән, бик күп фәнни һәм өстәмә мәгълүматларга, кызыклы күнегүләгә бай, белем бирү процессында бик зур ярдәм итә. Әмма бу дисклар гына минем ихтыяҗларымны канәгатьләндерми. 

Шуңа күрә мин мультимедиале кулланмаларны үзем әзерлим, бу эшкә сәләтле укучыларны да җәлеп итәм. Төрле дәрәҗәдәге фәнни-гамәли конференцияләрдә, семинарларда укучылар да, үзем дә үзебез әзерләгән мультимедияле компьютер презентацияләрен кулланып чыгышлар ясыйбыз, конкурсларда катнашабыз. Бүгенге көнгә мәктәптә татар теле һәм әдәбияты кабинетында шундый дистәләгән материал тупланып системага салынган.

Әйтеп киткәнчә, иң актив кулланыла торган компьютер технологияләре формаларының берсе- мультимедияле рефератлар яки презентацияләр. Мультимедияле презентацләрнең максаты -мәгълүматны күрсәтмәле, җиңел үзләштерелә торган формада бирү. Мультимедияле презентацияләрне күрсәткәндә, интерактив такта мөһим рольне уйный. Бу такта ярдәмендә дәресләрне кызыклы һәм мавыктыргыч итеп үткәреп була. Интерактив такта мультимедияле ресурсларны кулланырга, дәресне төрле өстәмә материаллар белән баетырга мөмкинлек бирә. Мультимедияле презентацияләр кыска гына вакыт эчендә мәгълүматны аудиториягә җитештерергә булыша һәм аларны дәреснең барлык төрләрендә дә кулланырга мөмкин. Информацион технологияләр укыту -тәрбия эшен оештырганда текстлы, тавышлы, график, видео мәгълүматны яңача кулланырга мөмкинлек бирә. Ә бу үзе укучыларда иҗади эшкә кызыксынуны уята һәм танып белү активлыгын үстерүгә этәргеч булып тора. 

 Соңгы өч елда татар теле һәм әдәбияты дәресләрен компьютерлы дәреслек һәм китапларны кулланудан башка күз алдына китереп булмый.Татар теле укытучысы бүгенге көндә укучыларда татар теленә карата мәхәббәт тәрбияли, аның байлыгын, матурлыгын , фикер тирәнлеген ачып бирә; аны мәдәниятле итә; һәръяклап үстерә, шәхес итеп тәрбияли. Шуңа күрә Укытучы укучының тормышта үз урынын табарга ярдәм итүче төп ышанычы булып кала да инде.

Портфолио: