конспект урока по коми языку в 7 классе по теме "Наречие"
план-конспект урока (7 класс) на тему

Этап урока

Действия учителя

Действия ученика

Велӧдчысьясӧс урок кежлӧ организуйтан здук

Видза оланныд, дона челядь! Кутшöм тіянлöн настроение? Дасьöсь-ö ті урок кежлö? Öд талун миян абу прöстöй урок, талун миян урок – туялöм.

Тöданныд-ö ті мый сійö туялöмыс?

(Велöдчысьяс сетöны вочакывъяс).

Тӧдӧмлунъяс актуализируйтӧм

Тіян партаяс вылын куйлöны карточкаяс, кытчö гижöмаöсь кывъяс: тöв, котöртны, еджыд, матын, мелі, талун, керка, сьылö, чери, зэв, паськыд, босьтны. Тайö кывъяссö колö юкны кывсикасъяс вылö.

Челядь юклöны кывъяссö кывсикасъяс вылö. Эмакывъяс:  тöв, керка,чери. Кывбердъяс: еджыд, мелі, паськыд.
Кадакыв: котöртны, сьылö, босьтны.
??? -  матын, зэв, талун.

Мытшӧда ситуация лӧсьӧдӧм. Туялӧм вылӧ петӧм.

Кутшöм сьöкыдлунъяс тіян чужисны? Мыйла эн вермö сикасавны став кывсö?

Эг вермö сикасавны став кывсö кывсикасъяс серти, сы вöсна мый огö тöдöй кутшöм кывсикасöн лоöны матын, зэв, талун.

Туялӧм тема гӧгӧрвоӧдӧм.

Медым тöдмавны кутшöм кывсикас кутам талун туявны, бергöдöй парта вылын куйлысь карточкаяс

Туялӧмлысь мог формулируйтӧм.

Кыдзи чайтанныд, кутшöм талунъя туялöмлöн мог?

Тöдмасьны выль кывсикасöн, тöдчöдны сылысь аслыспöлöслунсö.

Гипотеза пуктӧм.

Кыдз ті чайтанныд, кутшöм кывсикас шуöны кадакывбердöн? Гашкö, ті мыйкö тöданныд нин кадкакывберд  йылысь?

Вермас лоны, мый кадакывберд асшöр кывсикас, сы дінö ми вермам пуктыны юалöм, сійö вермö вежласьны, сёрникузяын рольыс ыджыд.

Туялӧмлӧн юалӧмъяс.

Мый кöсъянныд тöдмавны кадакывберд йылысь?

Кутшöм тайö кывсикас: асшöр либö отсасян?

Кутшöм юалöмъяс  вылö вочавидзö?
Кыдзи вежласьö?
Кутшöм сёрникузя юкöдöн лоö?

Гипотеза прӧверитӧм (эксперимент нуӧдӧм)

уджъяс:

1 группа –кутшöм юалöмъяс вылö вочавидзöны сетöм кывъяс?
вылын, быдлаӧ, талун, лунтыр, тшыгла, скӧрла, тшапа, ӧдйӧ, выввті, ёна, уна, кыкӧн.

2 группа – кыдзи вежласьӧ тӧрыт кыв.

3 группа – кутшӧм сёрникузяса юкӧдӧн лоӧ кадакывберд, мыйла колӧ сёрникузяын?. Сёрникузяясӧн удж:

Вылісянь кодзув уси, а киын сылі.

Сибирын комияс медводз овмӧдчисны ӧнія Ивановка сиктын. Книгаыс уна. Ме котрала зэв ӧдйӧ.

Велӧдчысьяс уджалӧны группаясӧн.

Мунӧ туялӧм.

Туялӧм серти кывкӧртӧдъяс

Удж петкӧдлӧм. Быд группаысь петкӧдчӧ ӧти морт.

1 группа- кӧні?, кор?, кыдзи?, кытчӧ?, дыр-ӧ?, мыйла?

2 группа – кадакывберд оз вежлась

3 группа – сёрникузяын ногапас либӧ юӧрпас, гӧгӧрвоӧдӧ кадакыв да кадакывберд.

Выль тӧдӧмлунъясӧн вӧдитчӧм.

 Лӧсьӧдӧй сёрникузяяс кадакывбердъяс пыртӧмӧн, визьнитӧй кадакывбердъяссӧ кыдзи сёрникузяса юкӧдъяс.

.

Челядьлӧн асшӧр удж

Урок серти кывкӧртӧдъяс.

Висьталӧй ставсӧ, мый тӧдмалінныд кадакывбердъяс йылысь.

Велӧдчан небӧгӧн удж

Восьтӧй 243 л.б. да орччӧдӧй

Асьнысӧ донъялӧм

Кыдз чайтанныд, артмис – ӧ миян кадакывберд туялӧмыс? Мый выльторсӧ тӧдмаліныд?

Кадакывберд – асшӧр вежласьтӧм кывсикас,  йитчӧ кадакывъяскӧд да кадакывбердъяскӧд, петкӧдлӧ, кӧні, кор, кыдзи, кытчӧ, дыр-ӧ, мыйла мунӧ действиеыс, либӧ стӧчмӧдӧ предметлысь признаксӧ.

Велӧдчысьяс юксьӧны урок-туялӧм серти мӧвпъясӧн.

Гортса удж

Аддзӧй да гижӧй коми литература небӧгысь 10 сёрникузя, кӧні эмӧсь кадакывбердъяс.