Открытый урок родной литературы 7 класс
план-конспект урока (7 класс) по теме

Оҕо  толкуйугар олоҕуран үөрэх дьарыгын тэрийиигэ аһаҕас дьарык  бэйэҕэ эргиллиитэ.

Предмет: Саха литературата

Оскуолата, кылааһа: МОБУ ЯГНГ “Айыы Кыһата”  7  “а” кылаас

Дьарыгым   ис хоһооно: «Оҕо бэриллибит айымньы ис өттүн   ырытан, “Тыыннаах Тыл”  өйдөбүлүгэр  тахсыытыгар  бырайыактааһын дьарыгын тэриниитэ”

Тас өттө: “ О5о  Платон Ойуунускай “Сүрэх”  айымньытын ис хоһоонун ырытан бырайыактааһын дьарыгын тэриниитэ”

Сыала-соруга: Оҕо Платон Ойуунускай “Сүрэх” айымньытын ис хоһоонун ырытарыгар айымньы күлүүс тылларын ис, тас өйдөбүллэрин быһаарыы, айымньыттан  суруйааччы уус - уран ойуулуур ньыматын булан ырытыы , геройдар уонна автор  ис-тас  санаалара алтыһыытын бэлиэтээһин, айымньы суруллубут кэмин тэҥҥэ тутан бэйэ санаатын нөҥүө ырытан санаа суругун оҥорон Тыыннаах Тыл өйдөбүлүгэр тахсан  бырайыактааһын ньыматын тэриниитэ .

Тоҕоостооҕо: Оҕо сааһын  ирдэбилигэр олоҕуран (орто сүһүөх – чинчийии дьарык кыттааччыта, тэрийээччитэ) дьарыгы тэрийии. Аахпыт айымньыны ырытарга айымньы ис – тас өрүтүн үөрэнээччи арааран өйдүүрүн ситиһии. Айымньы ис өттүн ырытыы маннык ис хоһооннонуон сөп. 1. Айымньыттан күлүүс тыллары булан, ис-тас өйдөбүллэрин быһаарыы. 2. Суруйааччы уус -уран ойуулуур ньымаларын булуу. 3. Айымньы суруллубут историческай кэмин быһаарыы. 4. Айымньы геройдарын ис санааларын, туруктарын ырытыы. Оҕо айымньы ис өттүн ырытан, суруйааччы Тыыннаах Тылын  өйдөбүлүгэр тахсан,  ылбыт билиитин,  бэйэтин сатабылын  туһанан бырайыактааһын ньымаҕа сорунуута. Бырайыактааһын ньымаҕа кыһал5аны быһаарар, толкуйдуур,  таба суолу көрдуур, чинчийэр, ырытар, айар, бэйэ5э эргиллэн түмүк оҥорор  сатабыллар барыта түмүллэллэр. Үөрэнээччи учуутал биэрэр бэлэм билиитин ылбакка, билиини бэйэтэ үлэлээн, көрдөөн булунар. Сыралаһан булбут билиитин олоххо туһана үөрэнэр. Уруокка бэриллэр 40 мүнүүтэҕэ хаайтарбакка үлэлээһин. Оҕо бэриллибит тематын уруок таһынан булар, ырытар чинчийэр. «Улуу дидактика» бириинсиптэригэр олоҕуран, оҕо сааһын учуоттаан судургуттан уустукка сыыйа киирии. Холобура үлэ маннык бэрээдэктээхтик барыан сөп: холобурдары булуу-иллюстрация оҥоруу, тэттик өйтөн суруйуу - иһитиннэрии – дакылаат – реферат – бырайыак. О5о сыралаһан булбут үлэтин түмүгүн бэйэтэ көрөр. Айар бырайыак оҕо айар кыаҕын дьоҕурун сайыннарар.

Дьарык тиибэ:(Урок совершенствования знаний, умений и навыков) Оҕо билиитин, үөрүйэҕин  уонна сатабылын сайдар суолун төлө ыытыы  дьарыга.

Учуутал: Липатова Светлана Афанасьевна

Дьарык хаамыытын тутула :

1. Умсугутуу, угуйуу
2. Тобулуу
3. Сорунуу
4. Соруммуту олоххо киллэрии,
5. Бырайыакка  тахсыы, былааннааһын
6. Былааннаммыт үлэ чэрчитин көмүскээһин
7. Бэйэҕэ эргиллии

Дьарык  кэмигэр араас сатабыллар үөскүүллэр:

1. Бэйэҕэ эргиллии сатабыла (рефлексивное умение);
2. Көрдүүр чинчийэр сатабыллар (поисковые, исследовательские умения);
3. Сатаан алтыһар үөрүйэҕэ (умение и навыки работы в сотрудничестве);
4. Салайар сатабыл (менеджерские умение и навыки);
5. Культура, традиция, этикет сатабыла (коммуникативные умения);
6. Сатаан көрдөрөр,  кэпсиир,  көмүскүүр сатабыллар (презентационные умения и навыки):