5 нче сыйныфта арадаш аттестация (диктант , грам. бирем)
учебно-методическое пособие (5 класс) на тему

Арадаш аттестация материалының характеристикасы, төзелеше һәм эчтәлеге.
Максаты - укучыларның 5 нче сыйныфта татар теле фәне буенча алган белем һәм күнекмәләрен тикшерү, белемнәрен бәяләү.

Арадаш аттестация материалы 2 өлештән тора: 1нчесе – диктант, ул укучының грамоталылыгын тикшерүне күздә тота, 2нчесе – грамматик бирем, укучының татар теленнән практик күнекмәләрен бәяләргә ярдәм итә.

Ләкләк.

Ләкләкләр авыл йортының түбәсенә зур, киң оя ясыйлар. Кешеләр аның белән дуслыкны сакларга тырыша.

        Әгәр ләкләкләр сезнең йортның түбәсенә оя корсалар, һәр елның язында шунда әйләнеп кайталар. Ләкләк оясында ике яки биш нәни кошчык туа. Көзгә бу ләкләкләр көчле, зур кошларга әйләнәләр. Алар көньякка очып китә. Яз көне кешеләр ышанычлы дусларының кире әйләнеп кайтуын көтә. (55 сүз) (“Хайваннар дөньясы” китабыннан).

Грамматик бирем:

1.Тексттан ясалма сүзләрне язып алырга.

2. Бирелгән сүзләрне төзелеше буенча тикшер:

I вариант. Кошчыкны

II вариант. Дуслыкны

3.* Кошчык сүзенә фонетик анализ ясарга.

 Контроль диктантны бәяләү:

Төзәтүләр  һәм хаталар булмаса ( 1 орфографик, 2 пунктуаиоцин хата булырга мөмкин) “5” ле куела .

2 орфографик , 2 пунктуацион яки 1 орфографик , 4 пунктуацион хаталы эшкә “4” ле куела.

4 орфографик , 4пунктуацион яки 3 орфографик , 6 пунктуацион хаталы эшкә “3” ле куела.

6 орфографик , 5 пунктуацион яки 5 орфографик , 8 пунктуацион хаталы эшкә “2” ле куела.

Грамматик биремне бәяләү:

1 биемдә һәр дөрес язылган сүзгә 1 балл, 2 нче биремдә һәр дөрес билгеләнгән мәгънәле кисәк өчен 1 балл куела.

10-8 балл- “5”

7 - 6 балл-“4”

5 -4 балл “ 3”

3-0 балл-“2”