5 нче сыйныф укучылары өчен татар теленнән арадаш аттестация эше (грамматик биремле диктант)
учебно-методический материал (5 класс)

5 нче сыйныф укучылары өчен

татар теленнән арадаш аттестация эше (грамматик биремле диктант)

Укуны ташламаска иде.

Ләкин минем өчен иң авыры,  үзәкләргә ярып үткәне бу түгел – уку иде. Группадагы малайларның күбесе(кызларыбыз биш кенә бөртек) җиденчесе быел гына  бетергән. Буйга миннән бик бәләкәйләре дә русчаны чатнатып сөйли иде. Ә минем ык-мыктан узмый. Дөрес, үзләрен генә аерым әйткәндә, белгән сүзләрем дә байтак шикелле, ләкин мин аларны бер-берсенә ялгый алмыйм. Ә инде укытучы сөйләгәндә,  зиһенем бөтенләй куе томанга төрелеп, бик аңлаган берәр сүз чыкса гына,  бер як чите ачылып киткәндәй була иде. Тәүлегенә туксан тапкыр: “Әллә ташлап кына китим  микән техникумнарын – мин укымаудан гына әллә укыган кеше уннан тугызга калмас иде әле!”- дип уйлыйм. Әмма акылның икенче чаты йодрык төеп тора: “Дәрес белмәвең бер оят булса, ташлап китүең – ун оят. Хәвадис абыең чире сәбәпле укый алмады. Ә син?..”

Бирем.

Ялгый, оят, зиһенем  сүзләренә фонетик анализ ясарга.