Ада-ие хуралы "Уругларны садикке чанчыктырары"
материал (младшая группа)

2-ги бичии болуктун ада-иелеринге хурал

«Уругну садикке чаңчыктырары».

Сорулгазы: Ада – иелерниң садикке уругну белеткээрин ѳѳредир болгаш чаңчыгыышкын дугайында билиин  бедидер. Уругну кижизидеринге аргаларны ажыглаарын кѳргузер. Ада – иелер – биле кады харылзааны тургузар.

Хуралдың чорудуу:

Башкы: Экии, эргим хундулуг, бистиң ада-иелеривис. Эрткен байырлалывыс «Авалар хуну» - биле силерге байыр чедирип тур бис. Шынап-ла ава дээрге чуртталганын чаяакчызы, ажы-толунун энерелдиг иези болгаш мерген-угаанныг сумелекчизи, ог-буле одунун камгалакчызы.

  Бистер силерни чыып алган ужурувус болза, хуралдың баштайгы бир дугаар кол айтырыын силер – биле кады шиитпирлээр дээш чыгган бис. Ол дээрге уругну садикке чаңчыктырып ѳѳредирде чүнү кылырыл?

    Бо хүн дыка-ла онзагай база бир байырланчыг хун. Ол силерниң ада – иениң бир дугаар баштайгы садике чыылган хуралы. Садике уругларыңар-биле школа назыны четкижеге дээр  кады боор силер. Ол үелер дургузунда силерниң уругларыңар аас – кежиктиг, солун, онзагай сактыышкыннаарлыг артары дээрге-ле ол силерден, силерниң хѳй садикке киржилгеңерден, бистиң бѳлүүвуске дузаңардан болгаш  бистиң – биле кады демниг, быжыг, найыралдыг харылзаалыг болуруңардан кончуг хамааржыр.

   Бистиң шак бо хүнгү баштайгы ужуражылгавыс «Таныш болуулам» деп,  оюндан баштай ойнаптаалыңарам. (Башкы хендир дузазы – биле оюн эгелээр).

Башкы: Кѳрүңер даан, шупту хендир – биле тудуш бис. Уругларывыс аас – кежии, кадыкшылы болгаш бистиң аравыста харылзаавыс бо дег быжыг, узулбес болур ужурлуг.

(Силернин мурнунарда столдарда  хендир биле макароннар бар, оларнын -биле дыка дурген чинчилерден дизиптээлинерем).

  Уругларывыс шору ѳскен. Ол дээрге дыка улуг аас – кежик – тир.

  Садикче эртенги шакта уругларывыс чедирер уе келген. Ава, ача, чоок кижилери аажок-ла сагыш човаар. Ава кижи улуг тынып: «Аа богда, хоокуй уруум, садикте канчап турар ирги. Ыглап турар бе? Кандыг чемненип турар ирги? Ооң-биле чүү болуп турар ирги? Уруглар – биле эки ойнап турар бе? А бир эвес ыглап турар болза, чуну канчалза экил деп, сагыш човап, дувуреп, сагыш-аарып туруп бээр болгай бис.

 Садикке уруг баргаш, чангыс аай хүн чурумунга чагыртыр, ада-иезин чоктаар, чангыс аай корум-чурумну сагыыр, эштери-биле доктаамал харылзаа тудар, уругнуң корбээн, билбес чаа чүүлдери база бар боор.

Башкы: Ада-иелеривис шылаан боор силер, шупту туруп келинер, кады танцылаар бис (сам Буги-Вуги). Эр-хейлер.

Состу садиктин улуг кижизидикчи башкызы Олча Коминаевнага берээлинер.

Башкы: Ам  кел чыдар чараш байырлалывыс чаа-чылга хамаарышкан айтырыгларны сумележип,дугуржуп аалынарам.

Башкы: Хундулуг ада-иелеривис, группавыстын хуралынга идекпейжи келгенинер дээш, четтирдивис,ада-иелер.

Тыва Республиканын Тес-Хем кожууннун

муниципалдыг районнун Самагалтай сумузунун холушкак хевиринин

«Челээш» уруглар сады

«Уругну садикке чаңчыктырары» деп,

«Чаанчыгаш»  ийиги чаштар болуунун

ада-ие хуралынын чорудуу.

Кижизидикчи башкылары:

Дарыма Ч.М.

Чайнаа У.О.

Самагалтай