сценарий "Харыйа5а ыалдьыттыах"
материал (младшая группа)

Кыра бөлөх оҕолоругар «Харыйаҕа ыалдьыттыах”

 Саҥа Дьыллааҕы сценарий торума

Ыытыллар күнэ:

Сыала: оҕолорго бырааһынньыктааҕы настарыйыанньаны үөскэтии; бырааһынньыктан дуоһуйууну ылалларын ситиһии.

Бэлэмнэнии үлэ: хаар, куобахчааннар үҥкүүлэрин, хоробуот хамсаныыларын үөрэтии; Саҥа Дьыл бырааһынныгын туһунан кэпсэтии; хартыыналары көрүү.

Туттуллар тэрил: улахан моркуоп, төгүрүк хаардар, музыкальнай центр.

Бырааһынньык хаамыыта

Зал иһэ бырааһынньыкка киэргэтиллибит, оҕолор муусука тыаһынан киэргэтиллибит залга киирэллэр.

Ыытааччы: Оҕолоор, көрүҥ эрэ зал иһэ бүгүн олус кыраһыабай буолбут. Бүгүн биһиэхэ бырааһынньык – Саҥа Дьыл. Харыйабыт араас өҥнөөх шариктарынан, оонньуурдарынан  киэргэммит. Ол эрэн харыйабытыгар туох эрэ тиийбэт.

• Харыйачааны кытта оонньуубут дуо?
• Биир, икки, үс харыйа уота умай. (харыйа уота умайар)
• Чэ, эрэ аны атахпытынан муостаны тоҥсуйуоҕун (харыйа уота умуллар)
• Ытыспытын таһынныбыт, ытыспытын таһынныбыт, харыйачаан уота умай (харыйа уота умайар)

Оҕолор олоппоско олороллор

Ыытааччы: Хайа, бу харыйа анныгар туох сытарый? (Моркуоп – оҕолор эппиэттииллэр).  Моркуобу туох сиирий?

Оҕолор: Куобах.

Ыытааччы: Маладьыастар, сөпкө эттигит.

Ааны тоҥсуйаллар.

Куобах: Дорооболоруҥ оҕолоор! Бүгүн бары олус кыраһыабай буолбуккут, Саҥа Дьыл бырааһынньыгар бэлэмнэммит эбиккит дии.

• Дьэ, эрэ куобахчаан уолаттар

Харыйа аттыгар туран үҥкүүтэ үҥкүүлүөҕүн.

Куобахчааннар үҥкүүлэрэ

(үҥкүү кэнниттэн оҕолор олоппоско олороллор)

Куобах: Маладьыас да оҕолоргут.

Ыытааччы: Куобахчаан, биһиги эйиигин минньигэс моркуобынан күндүлүөхпүтүн баҕарабыт, бүгүн бырааһынньык.

Куобах: Баһыыбаларын. Ням-ням мин моркуобу таптыыбын, хара тыабар сүүрдүм. Көрсүөххэ диэри.

Куобах тахсан барар.

Музыка тыаһыыр, Хаарчаана киирэр.

Хаарчаана: Дорооболоруҥ оҕолоор! Мин Хаарчаанабын, бырааһынньыккытыгар ыҥырбыккытыттан олус диэн үөрдүм. Эһиэхэ кураанах илиилээх кэлбэтим, аптаах хаардары аҕаллым.

• Биир, икки, үс былыттан аптаах хаардар түһүөн.. (үөһээттэн хаардар түһэллэр).

Оонньуу «Хаар кыырпахтарын хомуй»

Ыытааччы: Хаарчаана, билигин хаар кыргыттар эйиэхэ бэйэлэрин үҥкүүлэрин бэлэх уунуохтара, хата тэҥҥэ үҥкүүлэс.

Ыытааччы: Хаарчаана, Мооруос оҕонньор ханна баарый? Кини подароктаах кэлэрин оҕолор олус кэтэһэллэр.

Хаарчаана: Мооруос оҕонньор хаарынан мастары, талахтары, сыһыылары, толооннору киэргэтэ сылдьар. Бырааһынньыкка сир-дойду барыта киэргэниэхтээх. О5олор кэтэспит буоллахтарына бары бииргэ Мооруос оҕонньору ыҥырыаҕын.

Бары Мооруоһу ыҥыраллар

(Коридорга Мооруос саҥата иһиллэр)

Мооруос: Ау-у-у Иһэбиэээн!

Мооруос: Дорооболоруҥ кырачаан кыргыттар, уолаттар!  Барыгытын Саҥа Дьылынан эҕэрдэлиибин! Ыалдьыбакка этэҥҥэ сылдьыҥ. Чэ, эрэ илиилэртэн тутуһан харыйчаан тула туран хоробуоттан барыаҕын.

Мооруос: Оҕолоор., миигин кытары оонньуоххутун баҕараҕыт дуо?

Оонньуу “Заморожу”

Ыытааччы: Мооруос оҕонньор, биһиги оҕолорбутугар бэлэх аҕаллын дуо?

Мооруос: Оҕолорбор бэлэхтээх кэлбитим, билигин түҥэтиэм. (музыка тыаһыыр, бэлэхтэрин түҥэтэр).

Мооруос: Мин барар кэмим кэллэ, атын оҕолорго Саҥа Дьыл бырааһынньыгар бардым.

(Мооруоһу кытта хаартыскаҕа түһүү, тарҕаһыы)

Бырааһынньык түмүктэнэр.