Праздник: "Джеоргуыба"
материал (подготовительная группа)

Сценарий утренника» Джеоргуыбайы барагбон хистæр къорды.»

          Он был и он есть

          И он будет

          Праздник Великий

                                Джеоргуба!    

 Разамонæг:   Фарн уæм бадзурæд æмæ фæрнæй дзаг ут нæ зынаргъ уазджытæ, хъомылгæнджытæ æмæ хъомылгæнинæгтæ.

Алы адæмы историйы дæр ис йæхи бæрæгбæттæ.Ирыстон дæр хауы уыцы историмæ æмæ уы хъæздыг йæ бæрæгбæттæй. Сты тынг бирæ, уыдонмæ хауынц ахæм бæрæгбæттæ зæгъæм Хетæджы дзуары бон, Хуыцауы дзуары бон, Уацилла, Хоры бæрæгбон, Джеоргуба.

 Ацы бæрæгбæттæм адæм тынг фенхъæлмæ кæсынц, сæхицæм фæцæттæ кæнынц. Махдæр нæ рæвдауæндоны абон бæрæг кæнæм нæ уарзондæр, кадджындæр бæрæгбæттæй иу-«Джеоргуыба».

Бакæсут æмæ байхъусут сывæллæттæ сæхи куыд бацæттæ кодтой ацы бæрæгбонмæ. 

 Зарæг: «Æмдзæгъд кæнæм цæй».

  Разамонæг: Нырта сывæллæттæ бандæттыл æрбадут æмæ уын æз радзурон цы бæрæгбон бæрæг кæнæм уый тыххæй.

 Раджы кæддæр цардысты ус æмæ лæг-Джер æмæ Гуыба. Иу фæззыгон бон сæ куыстытæ куы фесты, уæд сфæнд кодтой скæнын куывд. Фæхуыдтой сыхæгты, хиуæдты, æмæ сæ куывд ахаста къуыри. Уæдæй фæстæмæ ирон адæм алы аз дæр фæззыгон бæрæг кæнынц «Джеоргуыбайы» бæрæгбон. Уыцы бæрæгбонмæ бацæдтæ кæнынц сæхи:

1. Скæнынц æртæ уæлибæхы.

2. Сфыцынц бæгæны.

3. Аргæвдынц галтæ.

 Æнæхъæн къуыри фæкæнынц минас. Æмæ мах дæр абон уемæ сбæрæг кæндзыстæм фæззæджы бæрæгбон.  

Æмдзæвгæ «Фæззæг»  ( Хетæгкаты Коста) .

 Разамонæг: Сабитæ уæдæ ма зæгъут:-Сымах уарзут нæ бæстæ, нæ хæхтæ, нæ Ирыстон?

Разамонæг: Байхъусæм сабитæ куыд уарзынц сæ бæстæ, сæ хæхтæ,сæ Ирыстон. (Сабитæ кæсынц æмдзæвгæтæ)

             ИРЫ  БÆСТÆ.            (Тохты Иван)

Иры бæстæ – уатау,

Хур та йын – цырагъ.

Уарзынæй мæ мадау

У мæнæн зынаргъ.

Уд рæвдаугæ нывтæ –

Уаты къулыл конд:

Сау хъæды тæлмытæ….

Цъититæ бæрзонд.

 Иры дзыллæ – кусаг,

Се уæнгты цæхæр.

Иры бæстæ- рухс уат.

Цæр æмæ дзы цæр.

                              РАЙГУЫРÆН  БÆСТÆ.                 (Баситы Зæлинæ)

Мæ райгуырæн бæстæ,

Мæ фыдæлты зæхх,

Дæ фæзтæ, дæ хæхтæ

Цæмæн уарзын, зæгъ?

Да суадæттæн уарзын

Сæ уылæнты хъæр.

Мæ зæрдæйы зæлы

Сæ хъæлдзæг уынæр.

Куыд бирæ дын уарзын

Дæ мæргътæн сæ зард!

Гъе афтæ фæзары

Йæ хъæбулæн мад.

Куыд бирæ дын уарзын

Дæ быдырты цъæх.

Мæ зæрдæ мын тавыс,

Мæ фыдæлты зæхх.

                        ИРЫСТОН.    (Абойты Зарæ)

Æз райгуырдтæн Иры,

Уæлладжыр -  йæ ном.

Тæхудйаг æрбауæд

Нæ диссаджы ком.

Уæлладжыр,Уæлладжыр,

Мæ мад дæ, мæ фыд.

Кæсы мæм:Уырызмæг

Уым цуаны цыд.

 Кæсы мæм: Сатана

Æрвыстай уым цард.

О, макуы æрхуысса

Нæ къонайы арт!..

Разамонæг:Тынг хорз сабитæ, йермæ уырны кæй уарзут нæ Райгуырæн бæстæ.

Зарæг: «Абон Ирыстоны циндзинад».

Разамонæг: О, нæ Ирыстон уы тынг рæсугъд. Ис нæм рæсугъд хæхтæ, суадонтæ,фæзтæ. Цæры дзы алыхуызон националон адæм. Зæгъæм: уырыссæгтæ, сомихæгтæ, кæсгæттæ, гуырдзийæгтæ æмæ æндæр нацитæ. Æмæ дзы цæрынц тынг хæларæй, дзæбæхæй, хъæлдзæгæй, кæрæдзийы уарзгæйæ.

 Æмдзæвгæ «Кавказские горы».

 Кавказские горы покрыты снегами

 Что может быть краше,

 Чем горы над нами?

  В Осетии танцы над нами парят.

Разамонæг : Ныр та уын нæ чызджытæ акафдзысты уæздан кафт.

 Кафт « Чызджыты кафт».

Разамонæг: Сабитæ чи мын зæгъдзæн кафын æмæ зарынæй фæстæмæма ирон адæм сæхи куыд ирхæвстой, бæрæгбоны рæстæджы? ( Алы хуызон хъæстытæй хъазыдысты, сæ тыхтæ иумæ барстой, дугъы бæхтыл уадысты.…) Разамонæг: Уæдæ махдæр ныртæккæ нæ тыхтæ абардзыстæм кæрæдзийымæ.

Хъаст    «Бæндæнæй хъаст».

 Разамонæг: Уæ тыхтимæ сабитæ ничи абардзæни уæхи.

Фæлæ ма мæ цыдæр рох кæны. Ахъуыды йыл кæнон . О, мæ уæлибæхтæ! Афонмæ мын ныууазал сты. Цон æмæ цæ рахæсон.( Хъомылгæнæг æрбахаста æртæ уæлибæхы, дзидза æмæ бæгæны.) Ирон адæмы гъдаумæ гæсгæ, хæдзары фынгыл æртæ уæлибæхы куы æрывæрынц уæд сæ хистæртæ скувынц. Мах нырма гыццылтæ стæм ,кувыны бар нæ нæй, фæлæ нæ фæнды хистæртæ нын цæ куы акувикой уый.( Хистæр уазджытæй иу райста бæгæныйы къус æмæ скувта).

Разамонæг: Бузныг уын уеппæтæндæр. Нæ бæрæгбон æрхæццæ кæронмæ. Ирон бæрæгбæттæ райгуырдысты адæмы зондæй, адæмы фарнæй, адæмы гъдауæй æмæ уæ алкæй хæдзармæ дæр фарн бадзурæд. Фыдбылыстæй хæст куыд уат. Ирон адæм кувынц æмæ кувдзысты нæ дзуæрттæм, зæдтæм æмæ уын æххуысгæнæг уæнт.

Махæн та нæ равдыст кæронмæ æрхæццæ æмæ та уын зæгъæм: «Нæ ног фембæлдмæ».

Зарæг: «Мах æстæм нæртон талатæ».

                     ФÆНДАРАСТ.