Лэпбук "Күңелле сөйләүче тел"
методическая разработка по развитию речи (младшая группа)

Татарстан Республикасы Биектау муниципаль районының

“Ямаширмә “Йолдыз” балалар бакчасы”

мәктәпкәчә белем бирү муниципаль бюджет учреждениесе

 “СӨЙЛӘҮЧЕ КҮҢЕЛЛЕ ТЕЛ”

ИСЕМЛЕ ЛЭПБУКНЫҢ ПАСПОРТЫ

                                           Төзеде: тәрбияче

                                                                  Мифтахова Алсу Әдхәм кызы

2018-2019 нчы уку елы

Лэпбукның яшь үзенчәлеге: 2-3 яшь

Лэпбукның максаты: балаларга туган телне өйрәтүне һәм сөйләм үстерү юнәлешен  тормышка ашыруны дәвам итү.

Лэпбукның бурычлары: сүзлек эше, сөйләмнең грамматик төзелеше өстендә эш, аваз культурасы тәрбияләү, бәйләнешле сөйләм үстерү, матур әдәбият һәм халык иҗаты белән таныштыру, балага үзбелем үстерүдә активлык күрсәтергә шартлар тудыру.

Лэпбукны куллану вакыты: режим вакытларында, уен эшчәнлегендә.

Лэпбукның актуальлеге: Федераль дәүләт стандартларына туры китереп белем бирү өчен, балалар бакчасында да, өйдә файдаланырга мөмкин өр-яңа, кызыклы методик кулланма.

Лэпбук – ана телен өйрәтүнең бер ысулы дисәк тә була.

Лэпбукның эчтәлеге:

Өстәл театры

Максат: өстәл әкиятләре аша балалар сөйләменең дөрес һәм  сәнгатьле булып формалашуына йогынты ясау; сорауларга тулы җаваплар бирергә күнектерү; аралашу күнекмәләрен үстерү; балаларда кул гәүдәнең әһәмиятле өлеше булуы турында күзаллауларын үстерү; кул хәрәкәтләрен камилләштерү, белемнәрне аңлап, җиңел үзләштерү; балалар  иркен аралашырга, үз фикерләрен дөрес жөмләләр төзеп җиткерергә өйрәнәләр; туган телнең матурлыгын, образлылыгын тоялар; аларның иҗади кузаллаулары үсә; иң мөһиме балалар яхшыны яманнан аера белергә өйрәнәләр һәм әкиятнең эчтәлеген җиңелерәк узләштерәләр.

Уен тәртибе: балалар белән әкият сайлыйбыз, әкиятнен исемен атыйбыз, сәхнәләштерүдә катнашырга тәкъдим ясыйбыз, балаларга әкият геройларын сайлап алырга тәкъдим итәбез, әкиятне сөйлибез, балалар үз рольләренә кереп әкиятне дәвам итәләр.

Паравоз

Максат: төсләрне белдерә торган  сыйфатлар хисабына балаларның сөйләмен баетырга (кызыл, яшел, сары), [ү] авазының дөрес әйтүдә күнектерергә, балаларның игътибарын, кабул итүләрен, төсләрне тану һәм атау осталыгын үстерергә.

Уен тәртибе: паровоз рәсемен карыйбыз. Сораулар бирәбез: паровоз ничек итеп гүли?: (ү-ү-ү); Паровозның нәрсәләре бар? (вагоннары бар); Паровозның вагоны нинди төстә? (Сары һ. б.). Шигъри юлларны укып, бергә кабатлыйбыз.

Сюжетлы картина буенча әңгәмә

Максат: бәйләнешле сөйләм телен үстерү.

Уен тәртибе: сюжетлы картина сайлап алына, сораулар бирелә: 1. Рәсемдә кемнәр сурәтләнгән? Бер сүз белән аларны ничек дип атыйлар? Ә синен исемен ничек? һ. б. 2. Рәсем буенча көз (яз) билгеләрен ата, тасвирлама төзе. һ. б.

Дидактик уен: “Тере рәсем”

Максат: кыргый һәм йорт хайваннарын таный, атый белүләрен үстерү, алар ничек кычкыра икәнлеген әйтә һәм күрсәтә белү осталыгын ныгыту.

Уен тәртибе: балага урман һәм йорт төшерелгән сюжетлы  картинка күрсәтелә һәм сораулар бирә: Бу нәрсә? (урман, ишек алды).  Анда нәрсәләр бар?  (агачлар һ. б .).  Шуннан соң балалага хайваннар, кошлар төшкән сурәтләр бирелә, алар аны кайсы кайда яшәгәнен әйтеп урнаштыралар. Сораулар бирәбез: Бу нәрсә? (Әтәч). Әтәч ничек кычкыра? (Кикрикүк). - Бу нәрсә? (Сыер). Сыер ничек мөгри? (Му-у).

Дидактик уен: “Дөрес җый?”

Максат: хайваннарның гәүдә өлешләре турында белемнәрен, килеп чыккан хайванны атый һәм аның турында сөйли белүне, кул чукларын үстерү.

Уен тәртибе: баш, гәүдә, койрыкны берләштереп тулы рәсемне җыябыз. Бу нәрсә? Ничек кычкыра? Ул нинди? сорауларына җавап бирәбез.

Дидактик уен: “Кем нәрсә эшли?”

Максат: сөйләмнең грамматик ягын үстерү.

Материал: пешекче, табибә, шофёр, сатучы, төзүче, полиция хезмәткәре  сурәтләнгән барабан.

Уен тәртибе: барарбанны әйләндереп җибәрәбез, ачык тәрәзәдә нинди сурәт кала шунын буенча сораулар бирәбез. Мәсәлән: табибә төшерелгән сюжетлы  картинка күренә ди. Бу кем? (Табибә).  Ул нәрсә эшли?  (Тыңлый). Ул кемне дәвалый? (Малайны дәвалый) һ.б.

Дидактик уен: “Рәсемне җый”

Максат: ике өлештән торган кисмә рәсемнән бер бөтен төзү, логик фикер йөртү сәләтен, кул чукларын үстерү. Предметны танып анын турында сөйләргә өйрәтүне дәвам итү.

Уен тәртибе: кисмә рәсемнәр балалрга таратыла, алар аны туры китереп, дөрес төзергә һәм нәрсә икәнлеген атарга тиешләр.

Дидактик уен: “Бу нәрсә?”

Максат: балалның сүзлек запасын баету.

Материал: уенчыклар, җиләк-җимеш, яшелчәләр сурәтләнгән предметлы картинкалар.

биремнең эчтәлеге:

Уен тәртибе: балага уенчыклар (машина, курчак, туп) сурәтләнгән картинкалар күрсәтәбез һәм андагы уенчыкларны атарга кушабыз: - Бу нәрсә?  Аннары предметларның өлешләрен күрсәтергә тәкъдим итәбез. Мәсәлән: машинаның кабинасын күрсәт әле. – Кузовын күрсәт. - Тәгәрмәчләрен күрсәт.

Дидактик уен: “Кайсы артык?”

Максат: сөйләм телен, логик фикер йөртүне үстерү.

Уен тәртибе: балага бер рәткә тезелгән рәсемнәр күрсәтәбез, сораулар бирәбез:  - Бу нәрсә?, – Ә монсы нәрсә?  Ничек уйлыйсын бу рәттә кайсы артык һәм ни өчен?

Мнемотаблица

Максат: баланың хәтерен яхшырту , фикер йөртү сәләтен һәм сөйләм телен үстерү. Таныш булган әкиятләрне, шигырьләрне сюжетлары буенча истә калдыруны ныгыту.

Уен тәртибе: балалага рәсемнәр ясалган таблицаны күрсәтәбез һәм беренче рәсем аңа нәрсәләрне искә төшерүен сорашабыз, шулай итеп барлык рәсемне анализлыйбыз. Нәтиҗәдә эндәшне сөйлибез.

Шигырьләр

Максат: Балаларга шигырьнең эчтәлеген аңларга ярдәм итәргә; кайбер сүзләрне әйтергә өндәргә; бирелгән сорауларга җавап бирергә өйрәтергә. Игътибарын үстерергә.

Тәртибе: балага рәсемне күрсәтеп шигъри юлларны сөйләргә тәкъдим итү.

Артикуляцион гимнасика

Максат: авазларны дөрес әйтү өчен артикуляция аппараты органнарының аерым бер торышының тулы кыйммәткә ия булган хәрәкәтен тәэмин итү.

Тәртибе: күнегүләрне кабатлау.

Тел шомарткыч

Максат: балаларның телен ачтыру, авазларны дөрес әйтергә өйрәтү.

Тәртибе: авыр әйтелешле юлларны кабатлау. Балаларга да кабатлату.

Юаткычлар, эндәшләр, такмаклар.

Максат: такмакның, юаткычның, эндәшнең эчтәлеге белән таныштырырга; билгеле бер  авазны ачык итеп әйтүдә күнектерергә; аваз ияртемнәрен әйтү хисабына балаларның сүзлекләрен үстерергә; фольклор әсәрләренә кызыксыну тәрбияләргә.

Тәртибе: такмакны, юаткычны, эндәшне кабатлау, үзлектән сөйләргә өндәү.

Буягычлар

Максат: сөйләм телен, кул чукларын, карандашны дөрес тотып эш итүне үстерү.

Тәртибе: балаларга үзләре буярга теләгән рәсемне алырга тәкъдим итәбез, сораулар бирәбез. – Бу нәрсә?  Ул нишли? Нинди төстә? һ. б.

Безнең балалар бакчасы Татарстан Республикасы, Биектау муниципаль районы, Ямаширмә авылы, Совет урамы,  2 нче а йорты буенча урнашкан.

Игътибарыгыз өчен рәхмәт!

 Паровоз