Стихи и тахпахи для маленьких
материал по развитию речи (средняя, старшая, подготовительная группа)

Тахпағастар

Адам  чирі Тӧӧ суғ,

Алғым чирде турчадыр.

Анда ӧскен чир-суғҷыларым,

Аймах чирге сабланзын.

Инем чирі Тӧӧ суғ,

Истіг чирде чатчадыр.

Иптіг ӧскен  чир-суғҷыларым

Илбек чирге сабланзын.

Чайхал турған чахайах,

Чарылып ӧссін чазыда.

Чайааннар пирген чуртазың,

Часкалығ ползын хаҷан даа.

Кӧлбейіп турған чахайах,

Кӧгеріп ӧссін чазыда.

Кӧбӧк туған чағыннарың,

Кӧгліг чуртазын хаҷан даа.

Кӧк чазыда, кӧӧк тапсапча,

Кӧп чылларны ол сӧлепче.

Кӧпті кӧрген минің іҷеҷеем,

Кӧгліг тахпағын иптіг читірче.

Ах чазыда ат кістепче,

Амыр кӱннер ол алғыпча.

Ай тыс пілбеен, минің пабаҷаам,

Аймах сарынын иптеп салча.

Кічіглерге стихтар

Харағастар кӧрерге,

Хулағастар истерге,

Тумзуғастар тынарға,

Азағастар чӱгӱрерге,

Холыҷахтар хуҷахтирға,

Хынған минің іҷемні!

Iҷем

Іҷеме мин тың хынчам ,

Чахайахтар сыйлапчам.

Іҷеҷемні мин хуҷахтап,

Чылығ сӧстер чоохтапчам.

Пабам

Пабаҷама морсынчам мин,

Чарых хоостар сыйлапчам.

Пабаҷамны мин махтап,

Сіліг сарын сарнапчам.

Хозанах

Хайран хозанах атыхча,

Хазың ағас ибіре.

Азахтары тітіресче,

Ачын аңнаң хорығып.

Чапчаң хозанах чӱгӱрче,

Чалбах чазы ӧтіре.

Узун халағын чатырып,

Улуғ аңнаң ол чазынча.