Чоръясько чор-чор
план-конспект занятия (подготовительная группа)

Муниципальное дошкольное образовательное учреждение общеразвивающего вида

«Узей-Туклинский детский сад»

Конспект

организованной образовательной деятельности по ознакомлению

с удмуртским языком для детей 6-7 лет на тему

«Чоръясько чор-чор!»

(Радужный петушок)

Составила:

воспитатель первой

квалификационной категории

Колесникова

Галина Александровна

д.Узей-Тукля, 2022 год.

Тема: Чоръясько чор-чор!

Образовательная область: Познавательной развитие, речевой развитие, художественно-эстетической развитие, физической развитие.

Возрастная группа: подготовительная группа (6-7 лет)

Форма проведения: интегрированное занятие

Азьмугез: пиналъёсты Рашид Хайдарлэн книгаез сярысь тодон-валан сётоно.

Пуктэм ужпумъёс:

Дышетон: гурт тылобурдоос сярысь тодэмзэс муромытоно:

кыӵыртӥз, туздыро, могӟиз, сайкатӥсько, ивортӥсько кылъёсты вераны быгатэмзэс юнматоно;

Азинтон: выль тодон-валан басьтыны мылкыдзэс ӝутоно;

мнемотаблицаен ужаны быгатэмзэс азьланьтоно.

Визьнодан: гурт тылобурдоосты гажан но яратон, инкуазез утён мылкыд пыӵатоно.

Азьвыл нуэм уж: кылбурчи сярысь вераським, «Чибори атас» книгаеныз тодматским, кылбуръёссэ лыдӟим. Гурт тылобурдоосты тодамы вайим. Гжель, хохлома но дымковской роспись темая атасъёсты буям.

Уже кутэм арбериос: пӧртэм атасъёсын туспуктэм, шаблонъёс атасъёсын, гуашь, кисточка, стакан-непроливайка, ву, мнемотаблица «Визьмо атас», шелеп

Методической приёмъёс: адӟон материал, вераськон, юанъёс, мадиськон, кутэмын шудон технологийёс.

Словарной уж: кыӵыртӥз-стрекочет, туздыро-набью, могӟиз-прервался, сайкатисько-бужу, ивортӥсько-извещает, сазьтэ-будит, черекъя-кесяське

Ужпорлэн мынэмез.

Визьнодась. (В.) Ӟечбуресь, пиналъёс. Асьмеос туннэ Рашид Хайдарлэн книгаез сярысь азьланьтом вераськонмес. Кин сярысь меда? Сак кылзэ мадиськонэз но собере гинэ вералэ.

Мадиськон.

Кин ӵукна адамиез сазьтэ? (атас)

Нылпиос. Атас.

В. Кызьы нимыз книгаезлэн?

Н.Чибори атас

В. Туж усто. Та книгаын вань ньыль аспӧртэмлыко кылбур, атас сярысь. Рашид Хайдарлэн пичи дыръяз азбараз трос тылобурдоосыз вылэм. Соос пӧлын ньыль атасэз вылэм.  Со атасъёсыз шоры котьку паймаса учке вылэм. Отысь ик кылдиллям кылбуръёсыз. Маин пӧртэмесь атасъёсыз кылбуръёсаз? Мон тӥледлы дэмласько соосты кылзыны.

В. Тимофей али лыдӟоз кылбурзэ.

Н. (Тимофей) «Чибори атас»

 Чибори быжо атас

Кенере тубем огназ,

Чоръялтэм ньылон тыраз,

Куараез лобӟем эрказ:

- Мон чибор,

Туж мотор,

Куараез задор –

Чоръясько чор-чор!

Шундыез сайкатӥсько,

Лымшорез ивортӥсько,

Уйшор уйин но куддыр

Кылоды: ко-ко-ко-ри-ко! [1 c. 32]

В. Умой. Уноез атасъёс адямиослэсь ӵукна кӧлонзэс куспетӥ каро, нош таиз бурдо «шундыез сайкатӥсько» шуэ. Тӥни со кыӵе ассэ дунъя!

Ма каре атас та кылбурын?

Н. Чоръя, сайкатэ, ивортэ.

В. Шонер. Кылбурын гожтэмын «Чоръялтэм ньылон тыраз» кызьы валаськоды? Ӟуч сямен вералэ. (Закукарекал во все горло.)

Сайкатэ шундыез (Будит солнышко)

Лымшорез но, уйшор уйез но ивортэ (Оповещает обед и ночь)

В. Кыӵе луэмзэ атаслэсь возьматэ автор?

Н. Атаслэсь йӧно чоръяны быгатэмзэ возьматэ.

В. Табере кылбурзэ лыдӟоз Кирилл.

Н. (Кирилл) Рашид Хайдар «Монъяськись»

Монъяськись йӧно атас

Азбарын кузё огназ.

Чибор бурдъёсыныз шоназ,

Куараез могӟиз эрказ:

Кӧ-кӧ-кӧ!

Сереме усем бераз,

Палэнэ лобӟиз,

Люгы куар пӧлы соку

Дыртыса пегӟиз.

Тык-тык-тык!

Огшапсэ отын кыллиз,

Чалмытак пукиз,

Ньылонзэ сузяз-мараз,

Лысвуэн гылтӥз:

Гы-гы-гы! [1 c.4]

В. Ӟечок. Ойдолэ, тайзэ но кылбурез сэртом-пертчом.

Кыӵе таиз атас?

Н. Таиз атас ушъяськись. Чортыкуз куараез могӟе но, юмоке усе.

В. Кытчы со ватське?

Н. Люгы куар пӧлы… пегӟе.

В. Таиз атас кыӵе шуыны быгатӥськом.

Н. Ушъяськись.

В. Али ваньдэс шудыны ӧтисько «Ю-тысь бичаськом.»

(Лыдъяськыса быръем пинал, группалэн ог палаз сылэ. Мукет палаз пиналъёс – тылобурдоос. Лыдъяськыса быръем пинал «Тылобурдоос ю-тысь бичало!» шуэ. Визьнодась шуэ: «Ойдолэ лыдъялом, кин кӧня шелеп бичаз. Кинлэн шелепез ваньмызлэсь трос, со ик вормись луоз.») [2 c.19]

В. Туж усто шудыны быгатӥськоды вылэм.

Табере кылбурзэ Слава вералоз.

Н. (Слава) Рашид Хайдар «Мультик»

Азбар шорын ик атас,

Черекъя ук гадь тыраз:

- Ко-ко-ко, ко-ко-рик!

Бабеме кылем Юрик! –

Быз-з! бӧрдэ, бызе Юра:

- Садике ӧй ву дыраз.

Нош янгыш ӧвӧл мон чик.

Уйвӧтын… сайкан азьын

Возьматӥзы мультик. [1 c. 6]

В. Нош таиз, кыӵе меда атас?  

Н. Таиз атас исаське.

В. «Бабеме кылем Юрик» - кызьы валаськоды та чурез?

Н. Юрикез иса кема ыземез понна.

В. Ӟечесь. Табере кылбурзэ лыдӟоз Владик мнемотаблицая.

Н. (Владик) Рашид Хайдар «Визьмо атас»

- Крык-крык! –

Вазе курег.

- Чиёп-чиёп!

Чипыос бызё.

Пазьгисько кырым тари –

Кокчало тури-пари.

Кыӵыртӥз куӵо-коӵо:

- Одӥгзэ коть кокчалто!

Чибори быжо атас

Лёгаське ини вӧзаз:

- Туздыро ай котырдэ,

Бӧрысь лыдӟод тылыдэ! [1 c. 7]

В. Тау, Владик. Ӟеч.

В. Малы тайзэ атасэз Рашид Хайдар визьмо шуэм?

Н. Таиз атас – семьязэ уте. Со чипыоссэ обидьыны уг сёты.

В. Кызьы валатскиды атаслэсь семья утемзэ?

Н. Атас легаське. Туздыро ай котырдэ, бӧрысь лыдӟод тылыдэ шуэ.

В. Пиналъёс, табере мон тиледлы дэмласько буяны асьтэлэсь атастэс. Кыӵе сямо меда луоз тӥляд буям атасты? Ойдолэ, ужаны кутскеммылэсь азьло чиньыосынымы шудом.

«Чипыос»

Чипыосты сюдӥсько (азьчиньыез но пӧлыез сяна, вань чиньыосты мыжыке куасалтоно, куасалтымтэ чиньыосты ваче карылоно но вайялляно)

Йыды кеньыр пызьнасько (пӧлы пумез азьчиньы но шорчиньы йылэ зырано)

Бызьыса соос лыкто (азьчиньыен но шорчиньыен ӝӧк вылтӥ «бызёно»)

Вань кеньырез кокчало (чиньыосын ӝӧк вылтӥ йыгано) [2 с.58]

В. Кисточкаостэс кияды кутыса, буяськоды асьтэлэсь чибори атастэс.

(Котыртэме султыса котькудӥз пинал вера буям атасэзлэсь сямзэ.)

В. Кыӵе чебересь луиллям атасъёсты.

Пиналъёс, вералэ кинлэн книгаезъя туннэ ужам?

Н. Туннэ Рашид Хайдарлэн книгаезъя ужам.

В. Озьыен туннэ ужрадамы Рашид Хайдарлэсь кылбуръёссэ лыдӟим. Кылбуръёсты лыдӟыса атаслэсь кыӵе луыны быгатэмзэ тодӥм. Тау.

Литература

1. Хайдар Р.О. Чибори атас: Нылпиослы кылбуръёс / Люказ Н.В.Хайдарова. Суредъёсын. – Ижевск: Шелест, 2020. – 40 бам.

2. Кузнецова Р.А. Жильыртӥсь ошмес = Журчащий родник. Подвижные, пальчиковые, музыкальные, компьютерные игры: сборник / Р.А. Кузнецова, Г.Н. Минниахметова, А.Н. Калашникова [и др.]; под общ. ред. Р.А.Кузнецовой. – Ижевск: АОУ ДПО УР ИРО, 2018. – 116с.+ ICD-ROM.