Сценарий праздника "Цаhан Сар" в средней группе.
материал (средняя группа) на тему

Цаhан Сарин нәр «Җолм»

(Дунд баг № 9)

Орлцчанр:  Хавр, Моhас, Зурмд, Зара, Харадас, Гөрәсн.

Нүүрләч: Мендвт, бичкдүд! Эн ирсн Цаhан Сар

Өлзәтә байрта-бахта болтха!

Күнд үвләс менд һарсн

Күүкд-көвүдән,

Мал герән өскҗ-өргҗүлҗ,

Җирһх болтха!

Цаhан Сарин нег шинд hазр дор үвлдсн моhас, зурмд, нань чигн әмтә-киитә юмн ичәнәсн босад hарна.

Хавр: Орҗах Цаhан Сар

Өлзәтә цаhан хаалhта

Үсн-тосн элвг-делвг болтха

Цандг усн элвг болад

Көк ноhан шавшҗ урhтха

Деед Олн Бурхд өршәтхә!

Өргн теегән магтад, еңсг дууhан дуулхмн.

Дун: «Бичкн биич»

(Хавр җолмдан орад цә чанна. Моhас мөлкч ирнә)

Моhас: Җолм, җолм юн җолмд бәәнә?

Хавр:  Би, сәәхн дулан Хавр.

Моһас: Бидн, мөр уга йовдг Моhас.

Артем (моһа): Бидн малн туск үлгүрмүд меднәвидн.

Хавр: Келтн.

Моhас үлгүрмүд келнә.

Даяна: «Ноха - эзндән, шовун - бийдән ». 

Хавр: Күүкд, кен меднә үлгурмүд?

Эрдня: «Моһа гертнь орад, эзинь  көөҗ».

Альмина: «Мал күн хойрин әмнь холвата».

Айта: «Һаха теңгр үздго».

Ангелина: «Барсиг медә бәәҗ, мөринь бичә мөрд».

Хавр: Нә, сән, ортн. Эндр Цаhан Сар эн байрт, гиич болтн.

Моhас: Теегәр мөлкҗ йовад, хаалhдан нег соньн юм олҗ авв.

Хавр: Энчн илвтә маля. Мана күүкд наадхдан дурта.

Наадн «Малята наадлhн»

(Көгҗмин айсар Зурмд орҗ ирәд, биилнә)

Зурмд:  Җолм, җолм эн җолмд юн бәәнә?

Хавр: Би, дулан сәәхн Хавр.

Моhас: Бидн, мөр уга йовдг Моhас, чи юмбвч?

Даяна (моһа): Тадн ю меднәт?

Зурмд: Бидн, хаврин зәңгләчнр – Зурмд.

Давид (зурмн):Бидн шүлгүд келнәвидн.

Зурмд шүлг келнә.

1-гч  Зурмн: Цаһан сарин герлд

                       Цаһан цасн хәәлв.

                       Үвлин теңгр суняҗ,

                        Теегм көкрҗ .

2-гч Зурмн:  Цаһан сар ирнә,

                       Шикр-балта  элвг болна.

                       Көгшдүд йорәл тәвнә,

                       Күүкд бииләд, дуулна.

3-гч Зурмн: Мана Цаһана нәр

                      Мөңкинд герлтә болтха!

                      Делкән олн бичкдүд

                      Делгү җирһл олтха!

Хавр, Моhас: Сән, ортн, ортн эндр Цаhан Сар, гиич болтн.

(Көгҗмин айсар зара дуулна орҗ ирнә)

Зара: Җолм, җолм,эн җолмд юн бәәнә?

Хавр:  Би, сәәхн дулан Хавр.

Моhас:  Бидн, мөр уга йовдг Моhас.

Зурмд:  Бидн, хаврин зәңгләч-Зурмд. Чи юмбвч?

Зара:  Би таднд тәәлвр туульс келән?  Баавhр өвгн шовhр җидтә. Эн юмб?

Күүкд:  Зара!

Зара:   Чик, би – Зара.

Күүкд:  Ода тәәлвр туульсн тәәлвр ол.

Күүкд тәәлвртә туулин тәәлвринь олулна (Зарад).

Алтана: Һазр көндәлдг, махн бөглә. (Зурмн)

Катя: Шарлҗн дотр, шар тосн. (Арат)

Алтана: Һал шил нүдтә, һанцарн йовдг баатр. (Чон)

Катя:  Йиртмҗ йир әәмтхә. (Туула)

Цугтан:  Ор, ор эндр Цаhан Сар, гиич бол. 

Дун: «Зара»

(Көгҗмин айсар Харадас нисч ирнә, үүд цокна)

Харадас:  Җолм, җолм, юн җолмд бәәнә?

Хавр:  Би, сәәхн дулан Хавр.

Моhас:  Бидн, мөр уга йовдг Моhас.

Зурмд: Бидн, хаврин зәңгләч-Зурмд.

Зара: Би, шовhр җидтә Зара. Чи юмбвч?

Харадас: Би, альвн Харада.

Цугтан:  Наартн, маднла бәәтн. Эндр Цаhан Сар, гиич болтн.

Харадас: Байрлҗанав, таднла бәәнәвидн не, нааран hарад, Цаhан Сард нерәдәд ду дуулнавидн.

Дун: «Альвн харадас»

(Харадас биилнә,күүкд дуулна. Көгҗмин айсар Гөрәсн гүүҗ ирнә)

Гөрәсн: Җолм, җолм, юн җолмд бәәнә?

Хавр: Би, сәәхн дулан Хавр.

Моhас: Бидн, мөр уга йовдг Моhас.

Зурмд: Бидн, хаврин зәңгләч-Зурмд.

Зара: Би, шовhр җидтә Зара.

Харадас: Би, альвн Харада. Чи юмбвч?

Гөрәсн: Би, хурдн көлтә Гөрәсн.

Цугтан: Ор, ор, гиич бол. Эндр Цаhан Сар.

Гөрәсн: Би байрлҗанав, таднд Цаhан Сарин боорцг авч ирүв. Эн целвг.

Гөрәсн целвг боорцг келҗ өгнә. Күүкд Цаhана боорцгин шинҗинь келх.  

Целвг: Хавр ирв,

            Хаврин нарн

            Ноһан урһмл өгнә,

            Хаврин нарта, дулан болтха гиҗ,

            Хавтха боорцгт орулна.

Шовун: Хаврин цаг ирхлә,

             Шовуд нисч ирнә.

             Хаврин темдг болад,

             Цаһана боорцгт орна.

Хуц: Хөн чинртә мал,

        Өсҗ, өргҗ йовтха,

        Тер учрар цаһанла кедг боорцг.

Тоһш: Хаша дүүрң хөөтә,

           Хаша тоһш дүрстә,

           Хөд дала болтха гиҗ,

           Цаһана боорцгт орна.

Хавр: Мини иньгүд, дун уга, нәр уга, дууhан дуулхм.

Дун: «Цаһан сар”