сценарий новогоднего праздника
методическая разработка (младшая, старшая группа)

Саҥа дьыл утреннигын сценарийа

“Эрэлчээн”, “Мэникчээн” бөлөхтөр

Куобах – Татьяна Николаевна

Саһыл – Айыына Васильевна

Ыт –

Эһэ –

Оҕус –

Ыытааччылар – Анастасия Анатольевна, Людмила Гаврильевна

Тымныы оҕонньор, Хаарчаана

   Туттуллар матырыйааллар:  мас дьиэ, хаар дьиэ, мастар, чөҥөчөх.

1 ыытааччы:  Үтүө күнүнэн күндү оҕолор, убаастабыллаах ыалдьыттар, биһиги бүгүн бары кэлэн иһэр Саҥа дьылы көрсөр үөрүүлээх тэрээһиммитигэр муһуннубут.  Эҕэрдэ тыллара...

2ыытааччы: Баҕарыа этибит эһиэхэ кэлэр сылга туох баар бары үчүгэйи, кытаанах доруобуйаны, элбэх үөрүүлээх түгэннэри, ситиһиилэри, дьолу.

Билигин эһигини барыгытын остуоруйа дойдутугар ыҥырабыт.

1ыыт: Ыркый ойуур быыһыгар мас дьиэ турбут, бу дьиэҕэ куобахчаан олорор эбит.

     Музыка тыаһыыр, куобах киирэн ыстаҥалаан дьиэтир киирэр.  

2ыыт: Бу тыаҕа чугас соҕус куобах дьиэтин аттыгар саһылчаан хаарынан дьиэ туттан олорбут. Бу икки кыыллар томороон тымныыны эйэ дэмнээхтик  олорон туораан испиттэр.

     Музыка, куобах уонна саһыл үҥкүүлүүллэр.

1ыыт:  Арай биир күн күүстээх тыал үрэн, силлиэ буурҕа түһэн, саһыл хаар дьиэтин үрэйэн, ыһан-алдьатан кэбиспит. Дьэ туран, саһыл дьиэтэ суох хаалан баран, куобахха күүлэйдии кэлбит уонна куобах барахсаны дьиэтиттэн үүрэн таһаарбыт. Бэйэтэ киирэн куобах дьиэтин дьиэ гынан олорбут.

2ыыт:  Куобах барахсан тыа устун баран иһэн чөҥөчөххө олорон ытаабыт.

     Музыка. Ыттар киирэллэр, сүүрэллэр, оонньууллар. Куобаҕы көрө түһэллэр.

Ыт:  Хайа куобахчаан, тоҕо ытаатын

Куобах: Саһыл хаар дьиэлээх этэ, ол дьэитин тыал түһэн алдьатан кэбистэ, мин дьиэбэр киирэн олорор, миигин үүрэн кэбистэ. (Ытыыр)

Ыт: Ытаама куобахчаан, биһигини кытта барыс, саһылы үүрүөхпүт (ав-ав).

     Ыттар, куобах дьиэҕэ кэлэллэр.

Ыт: Саһыл, түргэнник куобах дьиэтиттэн таҕыс! (ав-ав)

Саһыл: Тахсыбаппын, тахсыам даҕаны бэйэҕитин кэһэтиэм.

     Ыттар үрэ-үрэ куоталлар (олоппоско олороллор)

1 ыыт: Ити курдук саһыл куобахчааны дьиэтигэр киллэрбэт, куобахчаан барахсан ытыы-ытыы тыа устун баран иһэр.

     Музыка. Эһэ киирэр, үҥкүүлүүр. Иһиллиир – ким эрэ ытыыр. Куобаҕы  көрө түһэр: Куобахчаан, тоҕо ытаатын, ким атаҕастаата?

Куобах: (ытыыр) Саһыл хаар дьиэтэ сууллан хаалан, мин дьиэбин былдьаан ылла, миигин киллэрбэт.

Эһэ: Оо, ытаама куобахчаан, мин кинини үүрүөм.

Куобах: Сатаан үүрбэтин буолуо, ыттар үүрбүттэрэ да, тахсыбат.

Эһэ: Мин туохтан да куттаммаппын, үүрүөм!

1ыыт: Дьэ ити курдук эһэлээх куобах саһылга тиийэллэр.

Ээ: Рррр, саһыл түргэнник куобах дьиэтиттэн таҕыс!

Саһыл: Тахсыбаппын, тахсыам даҕаны бэйэҕин кэһэтиэм!

2ыыт: Эһэ куттанан тыа диэки ыстанар. Куобах барахсан эмиэ соҕотох хаалан, ытыы-ытыы тыа устун баран иһэр.

     Музыка. Оҕус киирэр, хамсанар, үҥкүүлүүр. Куобаҕы күрү түһэр (ытыыр).

Оҕус:  Мууу, куобахчаан, тоҕо ытаатын?

Куобах: Хайдах ытыам суоҕай оҕусчаан. Мас дьиэбин саһыл былдьаан ылла, кини хаар дьиэтэ сууллан хаалбытыгар миэхэ кэлэн киирбитэ уонна тахсыбат, миигин дьиэбэр киллэрбэт.

Оҕус: Санааҕын түһэримэ куобахчаан, саһылы эн дьиэҕиттэн үүрүөм.

Куобах: син биир үүрбэккин, ыттар да, эһэ да үүрэ сатаатылар да, кыайбатылар.

Оҕус: Суох, мин үүрүөм, барыах!

     Иккиэн дьиэҕэ чугаһыыллар.

Оҕус: Мууу, саһылы муоспунан кэйиэм, туйахпынан тоҥсуйуом, таҕыс түргэнник куобах дьиэтиттэн!

1ыыт: Саһыл оҕус саҥатын истэн куттанар, таҥаһын таҥнар.

Саһыл: Таҕыстым, таҕыстым, таҥаспын таҥнабын, уоскуй дуу, оҕусчаан.

     Саһыл тахсан чөҥөчөххө олорор, буруйдаммыттыы туттар.

Куобах: Улахан махтал оҕусчаан! Дьиэбэр киирэн олоруом, эн миэхэ ыалдьыттыы кэлэр буолаар.

2ыыт: Тит курдук оҕусчаан саһылтан куобах дьиэтин быыһаан биэрбит. Куобах олус үөрбүт уонна доҕотторун үҥкүүгэ ыҥырбыт.

Куобах: Доҕотторуом, бары кэлиҥ, бары көрүҥ, хайдах курдук кэрэчээн харыйа турарый! Харыйабыт уотун уматан, бары бииргэ хоробуоттаан хаамсыаҕыҥ.

1ыыт: Оҕолоор, бары тэҥҥэ этиэҕиҥ, харыйабыт уота умай!

                      Хоровод “В лесу родилась елочка”

Хоровод бүтэр, тыал тыаһыыр (хаар тыаһа). Тымныы оҕонньор киирэр:

Саҥа дьылынан, саҥа дьолунан, барыгытын эҕэрдэлиибин.

Тымныы о5онньор:  Мин манна саһыл куобаҕы дьиэтигэр киллэрбэт диэн истэн кэллим. Оннук дуо?

1ыыт: Быйылгы дьылбыт бэлиэтэ Оҕусчаан көмөтүнэн куобах бэйэтин дьиэтигэр киирэн олорор. Оҕолоор, саһылы манна ыҥырын эрэ.

                     Саһылы оҕолор сиэтэн таһаараллар.

Тымныы о5онньор: Дьэ саһылчаан, аны куһаҕаны оҥорума, чиэһинэй буол!

Саһыл: Суох, аны хаһан даҕаны куһаҕаны оҥоруом суоҕа, тылбын биэрэбин.  

2ыыт: Моруос кырдьаҕас, кэлэн манна олор, уһун айантан сылайбытын буолуо. Олорон сынньан. Хаарчааналаах эһиэхэ анаан биһиги кыргыттарбыт хаар үҥкүүтүн үҥкүүлүөхтэрэ.

              Музыка. Кыргыттар толорууларыгар “Хаар үҥкүүтэ”

Тымныы оҕонньор: Оҕолоор, хоһоон, ырыа истиэхпин баҕарабын, үөрэттигит дуо?

Хоһоон “Саҥа дьыл” – Тимофеева Мия

Хоһоон “Хаатыҥка” – Семенова Сайнаара

Ырыа “Моруос кэллэ” – “Эрэлчээн” бөлөх

Хоһоон “Мээчик” – Карпова Виктория

Хоһоон “Харыйа таҥынна” – Петров Харысхан

Хоһоон “Харыйа” – Пономарев Байдам

Тымныы оҕонньор: Маладьыастар, наһаа үөрдүм, миэхэ  ырыа, хоһоон анаабыккытыгар олус долгуйдум.

Хаарчаана: Үчүгэй да оҕолор, ырыа, хоһоон бөҕө билбиттэр, мин эмиэ үөрдүм.

Оҕолоор, бары бииргэ харыйа тула туран хороводтаан хаамсыахайын!

                           Хоровод “Маленькой елочке”

Подарок туттарыы, быраһаайдаһыы.

• Оҕолорум маладьыастар, эһиил эмиэ саҥа ырыа, хоһоон билэн тоһуйаарыҥ. Билигин мин атын уһуйааннарынан ыалдьыттыы бардым.

Эһиилги Саҥа дьылга көрсүөххэ дылы!

1ыыт: Оҕолоор, эһиги төрөппүттэргитин кытта Саҥа дьыллааҕы харыйа уонна хаар киһи арааһын олук кэрэтик оҥорбуккут, кыттыбыт оҕолорго барыгытыгар бу маннык махтал суруктары туттарарбытын көҥүллэҥ!

2ыыт: Манан бүгүҥҥү бырааһыҥҥыкпыт түмүктэнэр кэмэ тиийэн кэллэ, барыгытын кэлэн иһэр 2021 сылынан истиҥник эҕэрдэлиибит! Бары үчүгэйи, кэрэни, кытаанах доруобуйаны баҕарабыт! Көрсүөххэ дылы!  

“Ханыытын бул” – оонньуу

“Мороженое” - оонньуу