Алтн намр. Дунд баг.
методическая разработка (средняя группа)

АЛТН НАМР.

ДУНД БАГ

Орлцачнр: Нүүрлгч, Зурмн, Зара, Туула , Алтн намр

Нүүрлгч: Алтн ширән намр

               Әрә моднд күргв.

               Нимгн шар хамтхасн

               Нисҗ һазр бүркв.

Би: «Хамтхасд»

(Күүкд һартан хамтхасд бәрәд, вальсин айсд эргәд биилнә)

Нүүрлгч: Бичкдүд, тәрәчнр намрт ямаран тәрә-темс хурана?

(Бичкдүд зер-земшин болн темсин нерд келнә)

Наадн: «Кен шулун».

Наадна йовд: Бичкдүд хойр багд хувагдна, нег багнь мәңгрс түүх зөвтә, дарук

багнь боднцг түүх зөвтә.

(Наадын хөөн зурмн, зара, туула орҗ ирнә)

Зурмн: Намрин серүн салькн

             Нарт Делкә әәлһнә.

Туула: Даарсн аңгуд сөөд

            Дулан орм хәәлднә.

(Зара долдалад сууна)

Нүүрлгч: Бичкдүд, хәләтн, зара мадниг үзчкәд, әәҗәх бәәдлтә. Зара, бичә ә, бидн  чамд ду дуулҗ өгнәвидн.

Дун: «Зара». Үгнь: Буджала Е. Көгҗмнь: Пүрвән С.

Нүүрлгч: Зурмн, мана бичкдүд чамд би белглҗәнә.

Би: «Шарка-барка»

Туула: Би бас ду соңсхар бәәнәв.

 Нүүрлгч: Нә, бичкдүд, туулад бас дууһан нерәдий.

Дун: «Бор туулан дун»

Нүүрлгч: Бор туула, үвл өөрдҗ йовна, чини девл ода чигн бор. Гү, девлән соль!

(Вальсин айсар Алтн намр орҗ ирнә,

бичкдүдлә мендләд, тәәлвртә туульс келнә)

Алтн намр:   Көөв, көөв күцгдхш,

                     Атхв, атхв бәргдхш. (Салькн).

                     Аавин маңна миркинә,

                     Аршан нульмсн асхрна. (Хур).

Алтн намр: Йир сән. Ода дууһан дуулҗ өгтн.

Дун: «Салькн» Үгнь: Санҗин Т. Көгҗмнь: Санҗин Т.

Нүүрлгч: Алтн намр, мана бичкдүд шүлгүд келҗ өгх.

                   Нарна халунь бууҗ,                              Нарна күчн баһрна.

                   Намрла негдҗ шарлна.                        Ниргҗ керәс нислднә.

                  Дууһан дуулад шовуд,                          Теегт шуугҗ буулдна,

                    Дулан һазрур нислднә.                        Теҗәлән энд олна.          

Алтн намр: Зәрм шовуд дулан һазрур нисхш. Ямаран шовуд мана теегт үвлзнә?

(Бичкдүд үвлздг шовудын нерд келнә)

Алтн намр: Эн тәәлвртә тууль тәәлтн.

                   Эн шовун дулан һазрур нисхш,

                   Ээҗин хаша дотр бәәнә.

                   Улан залата,

                   Көлдән шпорта

                   Күүкдиг эрт серүлнә. Эн юмб?

Бичкдүд: Эр така.

Дун: «Такас»

Нүүрлгч: Алтн намр, ода мана бичкдүдлә наад наадхмн.

Наадн: «Элә».

Наадна йовуд: Күүкдәс негнь элә болна, негнь така, наадкснь һууҗмулмуд болна. Күүкд такан ард нег-негнәннь белкүснәс бәрлдәд зогсна. Така эләһәс һууҗмулмудан харсна.Элә сүүлин һууҗмулмудас зәрминь бәрҗ авх зөвтә. Наадна эклцин өмн элә така хойр хоорндан иим  күүндвр кенә:

Така: Элә, ю кеҗәнәч?

Элә: Нүк малтҗанав.

Така: Нүкнд ю хәәҗәнәч?

Элә: Чолу хәәҗәнәв.

Така: Чолуһар ю кенәч?

Элә: Хоңшаран бүлүднәв, чини һууҗмулмуд чоңкнав.

(Алтн намр күүкдт илв (фокус) үзүлнә.Бичкдүд байрлад, Алтн намрт «Цуунг» гидг тууль үзүлнә)

Алтн намр: Бичкдүд, мини цаг чилв, Киитн үвл намаг көөҗәнә. Би таднд белг    

                   белглҗәнәв. (Ик зембләс зер-земш, темсн һарһад өгнә). Мини урһц

                    таднд ик чидл  өгх. Киитн үвләс әәлго, гем-шалтг уга һартн.

Байрта харһий!!!