"Ийэ күнэ" аралдьыйыы сценарийа
материал (младшая группа)

“Ийэ күнэ”

 2 ранняя группа “Татыйык”

Буолар күнэ: 15.11.2023

Сыала: оҕолорго Ийэ күнүн түһүнан өйдөбүлү үөскэтии; ийэҕэ тапталы, убаастабылы иҥэрии.

Туттуллар тэрил: киэргэтиллибит зал, колонка, икки таас, ньуска 4, чааскы 4, тэриэлкэ 4, кыыллар ойуулара (сылгы, ынах, куурусса, сибинньэ, ыт, куоска), килиэй, бэлэм оноьуллубт открытка уонна сибэккилэр.

Оҕолор наҕыл муузыканнан киирэн олороллор.

Ыытааччы:

Күн курдук мичээрдээх,

Сып - сылаас илиилээх,

Нап- нарын сүрэхтээх, уоскутар алыптаах.

Амарах дууһалаах

Көмүскэс санаалаах

Сымнаҕас майгылаах - ити барыта биьиги күндү ийэлэрбит!

Ырыа “Мин маамам” Надежда Макарова тыла уонна матыыба. (Оҕолор ырыа тылынан сүптүбэһиннэрэн хамсанан көрдөрөллөр)

• Бүгүн биьиги кырачааннарбыт “Мин маамам” ырыаннан хамсанан көрдөрүөхтэрэ.

Ыытааччы: 

Оҕолоор, билигин биьиги оонньуохпут.

Биьиги ийэлэрбит өрүү миинньигэс астаах буолаллар. Онон биьиги ийэлэбитигэр көмөлөһөн аһаабыт иһиттэрбитин хомуйабыт дуо?

Оонньуу “Көмө киһитэ” (корзинаҕа туттар иһиттэри бэлэмниибит. Оҕолор чааскы, тэриэлкэ, ньуоска диэн наардаан хомуйаллар. Ырыа тыаһыыр)

Ыытааччы: маладьыастар оҕолор, түргэнник да хомуйдулар.

• Ийэ диэн киьиэхэ эрэ баар буолбатах. Ийэ кыылларга уонна көтөрдөргө эмиэ баар.  Холобур - ынах оҕото тарбыйах, сылгы оҕото - кулуунчук, куурусса оҕото чоппууска...

Оонньуу “Кыыллар уонна оҕолоро” (оҕолорго хартыынкалар бэриллэллэр, ону кыыллар оҕолорун уонна ийэрин булан бииргэ холбоон уураллар).

Хамсаныы: “Маама тугу гынарый?” (оҕолор киьи санатынан Ийэ тугу гынарын  көрдөрөллөр)

Маама тугу гынарый? (ас астыыр)

Маама тугу гынарый? (иһит сууйар)

Маама тугу гынарый? (таҥас сууйар)

Маама тугу гынарый? (таҥас өтүүктүүр)

Маама тугу гынарый? (баттах өрөр)

Маладьыастар!

Ыытааччы:

Чээлэй күөх сибэкки

Кэрэтин талан

Ийэбэр бэлэхтиэм

Истиҥник иэйэн.

Бэлэх оҥоруу “Ийэбэр бэлэх” (Оҕолор ийэлэригэр бэлэх оҥоруу. Бэлэм кырыллыбыт сибэккилэри сыьыарыы)

• Үчүгэйиин! бу курдук кэрэ бэлэҕи биьиги тапталлаах ийэкээммитигэр бэлэх уунуохпут.

Хаартыскаҕа түһүү.