Күһүнү атаарыы сценарийаТыа саҕатыгар аптаах түгэн
план-конспект занятия (младшая группа)

“Тыа саҕатыгар аптаах түгэн”

Кыра бөлөххө Күһүнү атаарыы бырааһынньык сценарийа

Оруолларга (улахан дьон):

Мааһыҥка

Куобах

Саһыл

Эһэ

Туттуллар маллар:

Улахан тэллэй макета

Корзинкаҕа отон, балык, моркуоп

Талах макета

Араҕас күһүҥҥү сэбирдэхтэр оҕо тутарыгар сөптөөх

Колокольчиктар оҕо ахсаанынан

Оҕо ахсаанынан яблоко эбэтэр кэмпиэт.

Музыкальнай саала күһүҥҥү тиэмэнэн симэммит. Талах макета саал ортотугар турар, аттыгар улахан тэллэй турар.

Оҕолор музыка доҕуһуолунан иитээччи кэнниттэн саалга киирэллэр, төгүрүккэ сиэттиһэн эбэтэр ыһыллан тураллар.

1 Иитээччи-Күһүн:

Көрүн эрэ оҕолоор,

Саалабыт олус киэркэйбит

Остуоруйа курдук тупсубут!

2 Иитээччи:

Бүгүн биһиэхэ бырааһынньык!

Бүгүн биһиги Көмүс Күһүнү атаарабыт!

Билигин күһүн туһунан ырыабытын ыллыахха!

Ырыа “Это значит Осень”

1 Иитээччи:

Оҕолор кырдьык даҕаны

Дьыл кэмэ – Күһүн

Олус элбэх бэлэхтээх, кэһиилээх буолар.

2 Иитээччи:

Ол курдук элбэх алыптаах остуоруйабыт салҕыы салҕанар.

Музыка тыаһынан саалга Маашенька киирэр.

Маашенька:

Дорооболорун оҕолоор!

Мин Маашенька диэн ааттаахпын!

Тыаҕа дьаарбайа кэллим.

Оой, наһаа улахан тэллэй үүммүт дии!

Хаһан даҕаны маннык улахан тэллэйи көрбөтөҕүм!

Оҕолоор, эһиги олоро түһүн

Тэллэйи харабыллаан

Онтон мин корзинка аҕала бардым

Миигин күүтүн!

Маашенька сүүрэн тахсар.

1 Иитээччи:

Оҕолоор, Маашенька корзинка аҕалыар диэри тэллэйи харабыллыахха, чуумпуран олоруохха.

Музыканан Куобах ыстанан киирэр уонна мас кэннигэр саһар.

2 Иитээччи

Оҕолоор, көрүн, көрүн

Ким эрэ мас кэннигэр олорор!

Маашеньканы ыҥырыахха!

Машенька! Машенька! (оҕолор эмиэ ыҥыраллар)

Машенька саалга сүүрэн киирэр.

Машенька:

Туох буолла?

Тоҕо миигин ыҥырдыгыт?

1 Иитээччи:

Машенька ити эйиигин оҕолор ыҥырдылар!

Ким эрэ мас кэннигэр саһан олорор! (илиитинэн ыйан көрдөрөр)

Машенька (мас кэннигэр тиийэн көрөн баран):

Аа, уһун кулгаахчаан

Мин эйиигин көрөбүн!

Кэл таҕыс, биһиги эйиигин атаҕастыахпыт суоҕа.

Куобах:

Мин, мин, кырачаан Куобахпын.

Өссө да оҕочооспун.

Тыаҕа соҕотох сылдьарбыттан

Бөрөттөн уонна Саһылтан олуус куттанабын!

Мин хонуу устун сүүрэн иһэн

Тэллэй булан көрдүм.

Кыратык ыстаан ылыам этэ.

Олус диэн аччыктаатым.

Машенька:

Тугу, тугу этэҕин Куобахчаан!

Уоскуй, олус долгуйбуккун (куобаҕы төбөтүттэн имэрийэр)

Эн оҕолортон ыйыт! Кинилэр барытын билэллэр.

Эйиэхэ этиэхтэрэ

Иитээччи уонна оҕолор:

Куобах тэллэй сиэбэт! (сөмүйэлэрин чороҥнотоллор)

Машенька:

Оннук Куобахчаан!

Билигин эн оҕолору кытары

Бэһиэлэйдик үҥкүүлээ

Оччоҕо биһиги эйиэхэ

Моркуоп биэриэхпит!

Куобах:

Оннук, оннук, сөпсөһөбүн!

Үҥкүү “Сэбирдэхтэр”

Үҥкүү кэнниттэн оҕолор олоппоско олороллор.

Машенька:

Куобахчаан мэ, бу, эйиэхэ моркуоп биэрэбит!

Билигин эн ойуоккалаан дьиэҕэр барыаххын сөп!

Онтон мин оҕолоор, тыаҕа бардым

Тэллэйи харабыллаарын (сөмүйэтин көрдөрөр)

Куобахчаан моркуобун туппутунан музыканан тахсан барар.

Машенька эмиэ тахсан барар.

Музыканан Саһыл киирэр уонна мас кэннигэр саһан олорор.

Иитээччи

Оҕолоор, көрүн, көрүн

Ким эрэ мас кэннигэр олорор!

Маашеньканы ыҥырыахха!

Машенька! Машенька! (оҕолор эмиэ ыҥыраллар)

Машенька саалга сүүрэн киирэр.

Машенька:

Туох буолла?

Тоҕо миигин ыҥырдыгыт?

Иитээччи:

Машенька ити эйиигин оҕолор ыҥырдылар!

Ким эрэ мас кэннигэр саһан олорор! (илиитинэн ыйан көрдөрөр)

Машенька (мас кэннигэр тиийэн көрөн баран):

Ааа, манна Саһыл олорор эбит!

Көрөбүн! Көрөбүн!

Кэл таҕыс, биһиги эйиигин атаҕастыахпыт суоҕа.

Саһыл: (тахсар, унаарытан саҥарар)

Мин Саһылбын! Сыыдам сырыылаахпын!

Ммм, минньигэс тэллэй сытын

Ыраахтан билэммин

Оҕолорго ыалдьыттыы кэллим!

Сарсыардаттан тугу да аһыы иликпин!

Тэллэйи сиэхпин олуус баҕарабын!

Машенька:

Тохтоо, Саһыл!

Биһиэхэ бырааһынньык буола турар.

Эн оҕолортон ыйыт

Кинилэр барытын билэллэр!

Иитээччи уонна оҕолор:

Саһыл тэллэй сиэбэт! (сөмүйэлэрин чороҥнотоллор)

Машенька:

Оннук Саһылчаан!

Билигин эн оҕолору кытары

Бэһиэлэйдик оонньоо

Оччоҕо биһиги эйиэхэ

Минньигэс балык биэриэхпит!

Оркестр “Чуораанчыктар”

Оркестр кэнниттэн оҕолор олоппоско олороллор.

Машенька:

Саһылчаан мэ, бу, эйиэхэ балык биэрэбит!

Билигин эн дьиэҕэр барыаххын сөп!

Онтон мин оҕолоор, тыаҕа бардым

Тэллэйи харабыллаарын (сөмүйэтин көрдөрөр)

Саһыл балыгын туппутунан музыканан тахсан барар.

Машенька эмиэ тахсан барар.

Музыканан Эһэ киирэр уонна мас кэннигэр саһан олорор.

Иитээччи

Оҕолоор, көрүн, көрүн

Ким эрэ мас кэннигэр олорор!

Машеньканы ыҥырыахха!

Машенька! Машенька! (оҕолор эмиэ ыҥыраллар)

Машенька саалга сүүрэн киирэр.

Машенька:

Туох буолла?

Тоҕо миигин ыҥырдыгыт?

Иитээччи:

Машенька ити эйиигин оҕолор ыҥырдылар!

Ким эрэ мас кэннигэр саһан олорор! (илиитинэн ыйан көрдөрөр)

Машенька (мас кэннигэр тиийэн көрөн баран):

Ким эрэ кутуруга көстөр.

Кэл, таҕыс, биһиги эйиигин атаҕастыахпыт суоҕа!

Эһэ:

Мин Эһэ Миисэ буолабын!

Дорооболорун.

Мин күнү быһа аһаабакка

Хам аччык сылдьабын!

Мин бу улахан тэллэйи сиэм!

Кини наһаа минньигэс сыттаах!

Ммм...

Машенька:

Тохтоо, Эһэ Миисэ!

Биһиэхэ бырааһынньык буола турар.

Эн оҕолортон ыйыт

Кинилэр барытын билэллэр!

Иитээччи уонна оҕолор:

Эһэ тэллэй сиэбэт! (сөмүйэлэрин чороҥнотоллор)

Машенька:

Оннук Эһэчээн!

Билигин эн оҕолору кытары

Бэһиэлэйдик оонньоо

Оччоҕо биһиги эйиэхэ

Минньигэс отон биэриэхпит!

Оонньуу “Ардах”

Оонньуу кэнниттэн оҕолор олоппоско олороллор.

Машенька:

Эһэчээн мэ, бу, эйиэхэ отон биэрэбит!

Билигин эн арҕаххар киирэн минньигэстик утуйаар!

Онтон мин оҕолоор, эһиэхэ махтанабын!

Эһиги мин тэллэйбин көрбүккүтүгэр-харыстаабыккытыгар.

Бу борустуой тэллэй буолбатах

Аптаах тэллэй!

Мин эһиэхэ бу аптаах тэллэйи бэлэхтиибин!

Манна элбэх минньигэс кэмпиэт баар!

Аптаах музыканан кэмпиэт түҥэтэллэр.

Иитээччи:

Оҕолоор Машенькаҕа махтаныахха!

Баһыыба диэххэйин!

Машенька:

Оҕолоор, минньигэстик аһаан!

Билигин мин дьиэбэр бардым!

Көрсүөххэ диэри!