Оҕо тылын сайыннарарга аналлаах үөрэтэр оонньуу
методическая разработка (подготовительная группа)

Оҕо тылын сайыннарарга аналлаах дидактическай босуобуйа

1. Оонньуу аата –«Дорҕоонноох күөл»
2. Оонньуу сыала ,соруга: Оскуолаҕа киириэн иннинээҕи саастаах оҕо сүрүн дьарыга-оонньуу буолар.Бу оонньуу соруга: оҕо дорҕоону чуолкайдык арааран истэргэ , көрөн билэргэ үөрэтэр соруктаах.Ону таһынан оҕо тылын саппааһын байытарга ,ситимнээх этии оҥорорго ,фишканан исхиэмэ оҥорор дьоҕурун сайыннарар аналлаах оонньуу буолар.
3. Сонуна (актуальность).Кэлиҥҥи сылларга оҕо тылланыыта  , тылын сайдыыта хойутуура үгүстүк көстөр.Оҕо бастакы тылланыыта төрөөбүт тылынан буолуохтааҕа , кини инники сайдыытыгар  улахан  суолталааҕа  өйдөнөр суол.Манна биллэн турар , аан бастаан төрөппүт оҕотун олох кыратыттан кэпсэтэ үөрэтэрэ наадалаах ,онтон уһуйааҥҥа киирдэҕинэ иитээччи дьарыктыыр.Онон биһиэхэ иитээччилэргэ сүдү улахан эппиэтинэс сытар.Төрөөбүт тылбыт сүппэтин туһугар , оҕо интириэһин тардар араас интириэһинэй оонньуулары айан , аныгылыы тупсаран оҕо төрөөбүт тылын билэ ,холкутук саҥара улаатарын туһугар дьулуһабыт.
4. Уһуйаан саастаах оҕолорго аналлаах дидактическай оонньуу.
5. Оонньуу ис хоһооно:Иитээччи оҕолору «дорҕоонноох күөлгэ» балыктыы ыҥырар.Оҕолор күөл тула олороллор , биир биир кэлэн күөлтэн балык туталлар.Балык туппут оҕо , ханнык дорҕоонноох балыгы туппутун көрөр ,оҕолорго көрдөрөр уонна чуолкайдык саҥаран быһаарыытын этэр (бүтэй , аһаҕас дорҕоонун).Ыарырхатар түгэнигэр олорор оҕолор көмөлөһүөхтэрин сөп.Балык туппут оҕо ханнык дорҕоонноох балыгы туппутунан тыл толкуйдуур , олорор оҕолор бары толкуйдуурга кыттыһаллар.Иитээччи оҕо эппит тылын дуоскаҕа суруйар ,оҕо  хас биирдии дорҕоону саҥаран көрө көрө фишканан исхиэмэ оҥорор.Оҕолор бары көмөлөһүөхтэрин сөп.Дорҕоонтон тахсар тыллар хас сүһүөхтээхтэрин ырытыы .Салҕыы ол тылтан этии толкуйдааһына.Ким элбэх тыллаах этии оҥорор эбитий.Элбэх тыллаах этиини толкуйдаабыт оҕоҕо иитээччи хайҕабыл смайлик туттарар.