Алмашлык ( тест)
элективный курс (7 класс) по теме

Алмашлык темасы буенча тест

1. Алмашлык нәрсәне белдерә?

а) предметны;                             б) сүз төркемнәрен алыштырып килә;

ә) предметның билгесен;           в) эш яки хәлнең билгесен

2. Алмашлык җөмләнең кайсы кисәге булып килә ала?

а) теләсә кайсы кисәге;         ә) ия, тәмамлык;        б) хәл;          в) аергыч, хәбәр

3. Алмашлыкларның ничә төркемчәсе бар?

а) 3;                ә) 5;                   б) 7;             в) 9

4.  Зат алмашлыклары килеш белән төрләнәме?

а) төрләнә;    ә) төрләнми;           б) кайберләре төрләнә;      

5. Күрсәтү алмашлыклары нәрсәгә күрсәтәләр?

а) затка гына;                     б) затка, предметка, предмет яки эш-хәл билгеләренә;              

 ә) предметка гына;           в) бернәрсәгә дә күрсәтмиләр

6. Күрсәтү алмашлыкларын билгеләгез.

а) минем, синең, безгә;              б) моңа, шуңа, тегеңә;          

ә) минеке, синеке, безнеке;       в) кемнең, нәрсәнең

7. Юклык һәм билгесезлек алмашлыклары ничек ясалалар?

а) сорау алмашлыкларыннан;           б) теләсә нинди алмашлыктан;                    

ә) зат алмашлыкларыннан;               в) рәвешләрдән

8. Билгесезлек алмашлыкларын билгеләгез.

а) кем, нәрсә, кайда;                              б) һичкем, һичнәрсә, һичкайда;

ә) беркем, бернәрсә, беркайда;            в) әллә кем, нәрсәдер, кайдадыр

9.  Тартым алмашлыкларын билгеләгез.

а) минем, синең, аның;              б) мин, син, ул;

ә) минеке, синеке, аныкы;         в) миңа, сиңа, аңа

10.  Билгеләү алмашлыкларын күрсәтегез.

а) ул, бу, шул;                                    б) барлык, барча, һәрберсе;

ә) алай, болай, тегеләй;                   в) болар, шулар, тегеләр

11.  Кайсы рәттә алмашлык булмаган сүз бар?

а) беркайда, каядыр, һичкайда;                    б) бездә, сездә, анда;

ә) монда, шунда, еракта;                               в) кемдә, нәрсәдә, кайда

12.  Кайсы җөмләдә алмашлык хәбәр булып килгән?

а) Безнең шәһәрдә Универсиада узачак.         ә) Һичкемне үзеңнән түбән куйма.

б) Шул бинокль кара тактадан ычкына да синең күзеңә килеп терәлә.

в) 6А сыйныфы укучылары шундый.

13. Сөйләгән һәрбер сүзгә ышанма җөмләсендә билгеләнгән алмашлык нинди җөмлә кисәге булып килгән?

а) хәл;              ә) хәбәр;               б) аергыч;        в) тәмамлык

14. Тегеләрне укытучы күреп алган бит җөмләсендә билгеләнгән алмашлык нинди җөмлә кисәге булып килгән?

а) хәл;              ә) хәбәр;               б) аергыч;        в) тәмамлык

15.  Кайсы җөмләдәге  алмашлык түбәндәге характеристикага туры килә: алмашлык, күрсәтү алмашлыгы, күплек санда, төшем килешендә, җөмләдә – тәмамлык, тамыр сүз?

а) Улы ничәнчене тәмамлаганны Мәрфуга апа исенә төшерә алмады.

ә) Син боларны каян беләсең соң?

б) Барысына да кулын селтәп,  ул ава-түнә өенә кайтып китте.

в) Безгә татар теленнән өй эше бирмәделәр.

Алмашлыкларны татарчага тәрҗемә итегез, 5 се белән җөмләләр төзегез.

        Каждый, кто-то, такой, его, никогда, ничто, так, сколько, по сколько, чей, ничего, никакой, никак, когда-то, откуда, зачем-то, где, они, их, тот, какой-то.