"Йорт хайваннары" 2нче сыйныф
план-конспект урока по теме

         Дәрес этаплары

Этапның эчтәлеге

I   Оештыру моменты:

Укучыларның дәрескә әзерлеген тикшерү.

Укытучы өчен максат: балаларда яхшы кәеф, эшлисе килү халәте тудыру. Моның өчен укучылар белән әңгәмә үткәрү.

Укучылар өчен максат: дәрескә игътибар булдыру.

1. − Исәнмесез укучылар, утырыгыз.

Дежур  укучы белән әңгәмә:

-Бүген класста кем дежур? 

-Класста кем юк?

-Хәзер нинди ел фасылы?

-Кышын көннәр нинди була?

− Кәефләрегез әйбәтме?“Көнне яхшы сүз белән башласаң, бөтен көнең яхшы үтәр”, - диләр. Әйдәгез әле,    бер-беребезгә карап,елмаеп, яңа көн белән котлыйк. 

 Артикуляцион гимнастика:-Бүген дәрестә бик матур итеп сөйләшер өчен телебезгә, авызыбызга гимнастика ясап алыйк, татар теленең специфик сузык авазларын кабатлап китик  (1 слайд).

Ә -  әни, әби

Ө -  өн, төн

Ү –  үс, үсә

II  Актуальләштерү.

Укытучы өчен максат: Үткән теманы аңлау дәрәҗәләрен ачыклау, үзләштерү.

Укучылар өчен максат: рәсем буенча кыргый хайваннарның атамаларын әйтү.

Алымнар:

Кыргый хайваннарның атамаларын дөрес әйтү. Хаталарны ачыклау, төзәтү

2.Кереш әңгәмә:

-Балалар,без сезнең белән узган дәрестә кыргый хайваннарның атамалары белән танышкан идек,әйдәгез,искә төшерәбез.

- Бу нәрсә?(рәсемнәр күрсәтелә) (2 слайд).

III  Яңа теманы аңлату

Укытучы өчен максат:. Кыргый хайваннарның йорт хайваннарыннан аермасын ачыклау өстендә эшләү.

Укучы өчен максат: Кыргый хайваннарның йорт хайваннарыннан аермасын ачыклап, сорауларга җавап бирүләренә ирешү.

3.- Укучылар, карагыз әле, без слайдта (3) нәрсәләр күрәбез?

(Слайдта  кыргый хайваннар һәм сыер рәсеме бирелгән)

• Экранда  кыйсы хайван артык?
• Ни өчен?
• Димәк, безнең бүгенге дәреснең темасы: “Йорт хайваннары”(4 слайд)
•  Нигә аларны  йорт хайваннары  дип атыйлар?

Яңа тема аңлатуга максат:

Укытучы өчен максат: : Йорт хайваннарының исемнэре белэн таныштыру; хайваннарның кайда яшәвен әйтергә өйрәтү.

Укучылар өчен максат: : Йорт хайваннарының исемнэре дөрес әйтү ; хайваннарның кайда яшәвен әйтү.

4. Яңа теманы аңлату

а) - Балалар, без сезнең белән йорт хайваннарының исемнәре белән танышырбыз(5 -10 слайдлар).

- бу ат.

-бу песи.

- бу кәҗә

-бу сарык

-Бу сыер

• -Бу эт...(укучылар йорт хайваннарының атамаларын бергә һәм аерым кабатлыйлар).

б) -укучылар без әйтеп киткән идек-кыргый хайваннар урманда яши, ә без өйрәнгән йорт хайваннары кайда яши?

- Әйдәгез, хәзер рәсемнәр буенча сөйләп китик.

- сыер кайда яши?

- ә төлке кайда яши?

Физминут. “Күрсәтегез балалар, хайваннар ничек йөри?”

IV Ныгыту

 Укытучы өчен максат: яңа теманы үзләштерүдә активлыкка һәм мөстәкыйльлеккә юнәлтү.

Укучы өчен максат: яңа үзләштерелгән сүзләрне мөстәкыйль рәвештә сөйләмдә куллана белү

Метод:

Сорауларга җавап бирү.

Сүзләрне һәм җөмләләрне уку, тәрҗемә итү. 

5.Ныгыту.

1.Индивидуаль карточкалар буенча эшләү.

а) Һәрбер укучыга йорт хайваны төшкән һәм  сүзләр язылган карточкалар бирелә.

 Бирем :йорт  хайванының дөрес атамасын табарга .

б)  Укучыларның җавапларын тыңлау,хаталарын төзәтү.

 в) Бирелән сүзләр белән җөмләләрне уку, тәрҗемә итү; кисмә хәрефләр белән сүзләр төзү.

• Йорт хайваннары безгә ни өчен кирәк?
•  Укучылар, йорт хайваннары үзләре генә яши алалармы?

          -Аларга кемнәр кирәк? 

-Алар безгә нәрсәләр бирәләр?

-Без аларны нишләргә  тиешбез?

-Без аларны безнең дусларыбыз дип әйтә алабызмы?

6. Рефлексия.

Балалар мин сезгә бүген хайваннар өчен йорт алып килдем, тик бу йортка яхшы кәефлесе генә урнаша ала, әйдәгез аларга ярдәм итик.

7. Бәяләү.

Дәрестә актив катнашкан, тактада эшләгән укучыларга һәм мөстәкыйль эшләр өчен көндәлеккә билгеләр кую.

V. Өй эше бирү.

Укытучы өчен максат: йорт хайваннарының исемнәренең дөрес әйтелүен   ныгыту, Укучылар өчен максат: йорт хайваннарының исемнәрен дөрес әйтү.

 7. Өй эше бирү

 Йорт хайваннарының исемнәрен кабатларга.

8.Йомгаклау. 

- Балалар, кем әйтә ала, без бүген нәрсә белдек?

 -Бүген алган белемнәрегезне киләчәктә дөрес кулланырсыз дип ышанып калам. Сау булыгыз.