Тууль "Долда"
план-конспект занятия (средняя группа) на тему

Тууль: «Долда»

Тууль: «Долда» («Колобок»)

Нааднд орлцҗахнь:

Ɵвгн       Туула     Арат

Эмгн       Чон  

Долда     Аю

Гер дотр. Тустан орн бəəнə. Орна барунь хаҗүднь – авдр, зүн  хаҗүднь – ширə. Ширəн нег талнь – hанз татсн ɵвгн сууна, нег талнь – ноос ээрсн эмгн сууна.

Нүүрлəч: Нег дəкҗ ɵвгнə геснь ɵлсəд бəəхлə, ɵвгн эмгндəн келнə.

Ɵвгн: Гесм ɵлсəд бəəнə, Эмгн, долда болхмн бəəҗ.

Эмгн: Нə, нə ɵвгн! Нег долда болhх hуйр олдх.

Нүүрлəч: Эмгн бəəсн hуйртан элдəд, долда болhад, терүгəн кɵргəхəр терз    

                 деер тəвнə. Долда кевтҗ – кевтҗ, кɵлвəдəд йовҗ одна. Хаалhар

                 кɵлвəдəд йовхлань Туула харhна.

Туула: Менд!

Долда: Менд!

Туула: Танла таньлдҗ болхий?

Долда: Нанла таньлдлҗ болх.

Туула: Нернтн кемб?

Долда: Мини нерн Долда. Тана нерн?

Туула: Мини нерн Туула. Чамд ɵрк-бүл бəəнү?

Долда: Бəəнə. нанд ээҗ – аав бəəнə. Чамд кен бəəнə?

Туула: Ээҗ – аав, эк – эцк, ахнр – дүүнр бəəнə. Дала чи альд бəəдвч?

Долда: Би ишкə герт бəəдв. Чи альд бəəдвч?

Туула: Би теегт бəəдв. Нə, күүндсн болх. Би чамаг идчкнəв.

Долда: Уга, уга, бичə ид! Би чамд ду дуулнав.

             Би долда, Долда долдалад

             Бичкн күүкд хəргүлəд

             Би аавас зуллав

             Би ээҗəс зуллав

             Чамас, Туула, би бас зулнав.

Нүүрлəч: Тиигəд Долда цааранднь кɵлвəдəд одна. Дарунь хаалhднь чон

                 харhна.

Чон: Менд!

Долда: Менд!

Чон: Тана таньлдлҗ болхий?

Долда: Нанла таньлдлҗ болх.

Чон: Нернчн кемб?

Долда: Мини нерн Долда. Чи кемчн?

Чон: Мини нерн Чон. Чамд ɵрк – бүл бəəнə?

Долда: Нанд аав – ээҗ бəəнə. Чамд кен бəəнə?

Чон: Нанд дала кичгүд бəəнə. Нə болҗ би чамг идчкнəв?

Долда: Уга, уга бичə ид намаг. Би чамд ду дуулнав.

             Би долда, Долда долдалад

             Бичкн күүкд хəргүлəд

             Би аавас зуллав

             Би ээҗəс зуллав

             Би Туулас зуллав

             Чамас, Чон, би бас зулнав.

Нүүрлəч: Долда цааранднь кɵлвəдəд йовҗ одна. Йова – йовтинь Аю харhна.

Аю: Менд!

Долда: Менд!

Аю: Тана таньлдлҗ болхий?

Долда: Нанла таньлдлҗ болх.

Аю: Тана нерн кемби?

Долда: мини нерн Долда. Тана нерн?

Аю: Мини нерн Аю. Долда, Долда  чи шар, тɵгрг, əəмтəхн би чамаг идчкнəв.

Долда: Уга, уга бичə ид. Би чамд ду дуулнав.

             Би долда, Долда долдалад

             Бичкн күүкд хəргүлəд

             Би аавас зуллав

             Би ээҗəс зуллав

             Би Туулас зуллав

             Би Чон зуллав

             Чамас, Аю, би бас зулнав.

Нүүрлəч: Долда цааранднь кɵлвəдəд йовҗ одна. Йова – йовтинь Арат харhна.

Арат: Менд!

Долда: Менд! Чи кемчн? Нернчн кемби?

Арат: Би Арат? Чи нерн?

Долда: Мини нерн Долда.

Арат: Нанд эврəннь дууhан дуулчкич.

Долда: Дууhан дуулна.

Арат: Дуунчнь йир сəəхн бəəҗ. Нанд таагдв. Бас нег дуулад ɵгич.

Долда: Дуулн гиҗ кɵшəд бəəвүв. (күүкдт келнə). Нанд цуhарн дɵӊ болтн.

             Хамдан дуулий.

             Би долда, Долда долдалад

             Бичкн күүкд хəргүлəд

             Би аавас зуллав

             Би ээҗəс зуллав

             Би Туулас зуллав

             Би Чон зуллав

             Би Аю зуллав

             Чамас, Арат, алдрхд – күчр болх бəəдлтə.

Күүкд дуӊhра кенə, дотрнь Долда бəəнə. Арат Долдиг бəрхəр седнə, дуӊhра дотр орна. Ааратт тəвҗəхш. Шахад авчкад, цуhарн келнə.

Цуhар: Би, чи, тер, эн

             Ни – негн, элгн – садн.