Илиинэн оноhуллубут остуол оонньууларын ненуе о5о толкуйдуур дьо5урун сайыннарыы
проект по математике (средняя группа) на тему

Неустроева Наталья Яковлевна, Таатта улууhун Уус-Тааттатаа5ы «Харыйачаан» о5о саадын иитээччитэ (89640775002)

Илиинэн оҥоһуллубут остуол оонньууларын нөҥүө оҕо толкуйдуур дьоҕурун сайыннарыыга ыытыллар үлэ проега

Проект ыытыллар сирэ: Уус-Тааттатааҕы «Харыйачаан» оҕо саада

Проект ааптара: Неустроева Наталья Яковлевна, иитээччи

Проект бириэмэтэ: Биир сылга суоттаныллар.

Проект 3 кэрчигинэн барар:

1 кэрчик – тэрээһин – ыытыллыахтаах үлэ ис хоһоонун арыйыы, билиҥҥи ирдэбиллэри уонна оҕо толкуйдуур дьоҕурун кыаҕын учуоттаан туран анал педагогическай усулуобуйаны тэрийии.

2 кэрчик – диагностааһын – оҕо толкуйдуур дьоҕурун сайдыыта хаалыытын, кэһиллиитин билии

3кэрчик – практическай – оҕо күннээҕи олоҕор оҕо толкуйдуур дьоҕурун туһанарын, проект ис тутулун олоххо киллэрии, оҕо толкуйдуур дьоҕурун сайыннарыы, чочуйуу.

Проект кыттааччылара: оҕолор, иитээччилэр, музыкальнай салайааччы, оҕо саадын сэбиэдиссэйэ, төрөппүттэр.

Кыттар оҕолор саастара: 4-5 саастаах оҕолор.

Проект сонуна: оҕо толкуйдуур дьоҕурун илиинэн оҥоһуллубут остуол оонньууларын ньыма быһыытынан туттуу

Проект проблемата: кэлиҥҥи кэмҥэ компьютер, телевизор балысханнык сайдыбыт кэмигэр оҕо толкуйдуур дьоҕурун сайдыыта бытаарыыта, оскуолаҕа бэлэмнээх буоларыгар мэһэйдэри үөскэтэр.

Проект сыала: илиинэн оҥоһуллубут остуол оонньууларын нөҥүө оҕо толкуйдуур дьоҕурун сайыннарыы

Сабаҕалааһын: оҕо толкуйдуур дьоҕурун сайыннаран кини оскуолаҕа бэлэмнээх буолара ситиһиллэр.

Проект оҕолорго соруктара:

• толкуйдуурга үөрэтии;
• болҕомтотун сайыннарыы;
• билиитин хаҥытыы;
• оҕо социальнай туругун бөҕөргөтүү
• оонньуу быраабылатын тутуһарга үөрэтии

Проект түмүктүүр мероприятиетын ыытар көрүҥэ: күрэхтэһиилээх оонньуу-сынньалаҥ

Проект оҥоһуута (үлэтин түмүгэ):

Оҕолорго:

• бэйэ оҥоһуута остуол оонньуулара;
• методическай инструментарийдар (оонньуулар картотекалара, толкуйдуур дьоҕуру сайыннарыыга аналлаах альбом, оонньуурдар)
• бөлөх иһигэр «Бил-сатаа» остуол оонньууларын муннуга;

Иитээччилэргэ:

• «Илиинэн оҥоһуллубут остуол оонньууларын нөҥүө оҕо толкуйдуур дьоҕурун сайыннарыы» семинар
• «Кыра саастаах оҕо толкуйдуур дьоҕурун сайыннарыыга остуол оонньууларын туһаныыга төрөппүттэр уонна оҕо саада хардарыта дьайсыылара» практикум ыытыы.

Төрөппүттэргэ:

• Араас тиэмэлэргэ бэйэ оҥоһуута остуол оонньуулара;
• «Бүттүүн дьиэ кэргэнинээн»(остуолоонньууларыгар) оҥоһуктар;

Проект көһүтүллэр түмүгэ:

Оҕолорго:

• Илиинэн оҥоһуллубут остуол оонньууларын тутта үөрэнэр, кинилэргэ интэриэһэ үрдүүр
• Оҕо толкуйдуур дьоҕура, тарбаҕын моториката сайдар;

Иитээччилэргэ:

• Бэйэ олорор эйгэтигэр сөп түбэһиннэрэн илиинэн оҥоһуллубут оонньуулары туһанан, оҕо толкуйдуур дьоҕуругар үлэ систематын тэрийэр;
• Үлэ араас ньымаларын, көрүҥүн нөҥүө айар-тутар дьоҕурунан иитээччи бэйэтин педагогическай маастарыстыбатын үрдэтинэр;
• Илиинэн оҥоһуллубут оонньуулары ньыма быһыытынан туттар;

Проект ис хоһооно