Кызылтуш безгэ кайтты
методическая разработка по окружающему миру (старшая группа) на тему

Муниципаль  мәктәпкәчә белем  бирү учреждениесе     “Актаныш авылы гомуми  үсеш бирүче  №2  балалар                                                                бакчасы”

Кызылтүш безгә кайтты

                                                  Югары категорияле  

                                                        тәрбияче  Мингазова Г.Ә.

Тема: ”Кызылтүш безгә кайтты”- хикәя төзеп сөйләү. “Балыкчылар” дидактик уены.

Максат:

Белем бирү: Сорауларга тулы, җәенке җөмләләр белән җавап бирергә, схема буенча хикәя төзеп сөйләргә өйрәтү.  Табигать күренешләре белән балалар арасында бәйләнеш булдыру.

Үстерү: Алдагы занятиеләрдә алган белемнәрен ныгыту, дидактик уеннар аша балаларның сөйләм телләрен үстерү, хәтерләрен, иҗадилыкларын арттыру.

Тәрбия бирү:  Табигатьтәге җан ияләренә карата сак караш, шәфкатьлелек тәрбияләү. Матурлыкны күрә белергә, сокланырга өйрәтү.

 Сүзлек өстендә эш: Җәтмә, кармак,балаларның авазларны һәм сүзләрне дөрес әйтүләренә, басымны дөрес куюларына ирешү.

Материал:  Хикәя төзү өчен схема-рәсемнәр, магнитлы кармак, шигырьләр өчен рәсемнәр, “Нәрсә җитми” дидактик уенына рәсемнәр, су өчен зәңгәрсу тукыма.

Алдан эшләнгән эш: Кошлар турында әңгәмә, рәсемнәрен карау, исемнәрен ныгыту. Ф.Зыятдинова “Кызылтүш” шигырен уку.  Занятие барышы: Балалар, хәзер елның кайсы вакыты? Җылы яктан безгә нинди кошлар килә? Бер сүз белән аларны ничек атыйлар? Схема элү, сораулар:

-Күчмә кошларның берсе- кызылтүш бездә кунакта. Ул безгә каян килгән? Килгәч нәрсә ясаган? Йомыркалар салгач ул нишләгән? Кызылтүшләр өйдә юкта песи нәрсә эшләгән?

Аннары шул схемага карап балалардан хикәя сөйләтү.(3-4 бала)

Йомгаклау:Кызылтүшләр ояга кемнең дә булса кагылганын белсә, ул ояны ташлап китәләр. Шуңа күрә кош ояларына, гомумән җәнлек балаларына тияргә ярамый.

-Яз көне күп итеп балык тотарга ярыймы?

-Әйе, ярамый, чөнки яз көне балыклар уылдык чәчә, ә ул уылдыктан яңа балыклар үсә. Яз көне җәтмәләр белән балык тотарга ярамый.Ә кармак белән әз генә тотсаң ярый, чөнки балык файдалы ризык. Бераз ял итеп алыйк та балыкка барырбыз.

Физкультминут:

Агыйделкәй бар бездә, безнең авыл янында.

Шаулый куак, агачлар, аның тирә-ягында.

Көзге кебек ялтырап, җем-җем итә сулары.

Балык тотып суда йөзеп, рәхәт соң кайтулары.

(Һәр юл хәрәкәт белән бара)

-Менә сезнең алда Агыйдел елгасы (зәңгәр тукыма). Анда балыклар. Тик балыклар гади түгел, алтын, тылсымлы балыклар. Әйдәгез кармак белән тотып карыйк әле, тылсымы нидә икән.(балалар кармакка балык эләктерә, артында биремнәр):

1.”Бер сүз белән әйт” дидиактик уены.

2.”Нәрсә җитми” дидиактик уены.

3.”Кайда, кем буласың” дидиктик уены.

4.”Капма-каршысын әйт” дидиактик уены.

5.Тизәйткечләр әйтергә.

6.Занятиедә өйрәнгән шигырьләрне сөйләргә (рәсемнәр эленә)

7.”Үскәч ул кем булыр” дидактик уены.

Балыкларны  тотарга әти- әниләрегездән башка барырга ярыймы? Әйе, елга, күл буйларына уйнарга да, балык тотарга да үзегез генә барырга ярамый.