конспект Праздник "Сабантуй " .
учебно-методический материал (окружающий мир, старшая группа) по теме

Сабантуй бәйрәме.

Мәйдан шарлар, флаглар белән бизәлгән.Колгаларда чиккән сөлгеләр, бүләкләр җилферди .Матур бию көенә балалар мәйданга уза.

1 бала: Шатлыклар күңелебездә,

Ал кояш күгебездә.

Әйдәгез, дуслар, кунакка,

Сабантуй бүген бездә!

2 бала: Сколько радости и счастья

Нам приносит этот час

Сабантуй- весенний праздник

И для взрослых и для нас.

3 бала:Җилферди чиккән сөлгеләр,

Бүләкләр күбебездә.

Көрәшик тә , узышыйк та,

Сабантуй бүген бездә!

4 бала: күңелле Сабан туйлары,

Бүген бәйрәм, зур бәйрәм.

Матур җырлар җырлый-җырлый

Уйныйбыз әйлән-бәйлән.

Җыр : “Сабан туе”.

Алып баручы: Сабантуй бәйрәмен ачып җибәрү өчен сүзне бакчабызның мөдире Рушания Илькамовнага бирәбез.

Алып баручы:Кадерле ,балалар! Хөрмәтле кунаклар!Сабантуйны башлап җибәрәбез.

5 бала: Сабан туе, сабан туе

Шундый кызык күңелле.

Ник чыкмаска көрәшергә

Мин соң егет түгелме?

Көрәш уеннары башлана.

6 бала:Кемнәр өлгер,кем җитез

Минем янга килегез.

Әйдә,карыйк ярышып-

Капчык киеп чабышып.

Капчык киеп чабу.

Алып баручы: Бәйрәм кунакларсыз булмый ич инде ул! Безнең Сабантуй бәйрәменә дә кунаклар килгән.

Аборигеннар биюе.

7 бала: Мактана дип уйламагыз,

Мин урынлы мактанам.

Чөнки менә бу чүлмәкне

Күрмичә дә ваталам.

Күз бәйләп чүлмәк ватыш.

8 бала:Кашык кабып йөгерәм дип

Мактанырга ашыкма.

Син менә йөгереп кара

Күкәй салып кашыкка.

Йомырка салган кашыкны авызга кабып йөгерү.

Алып баручы:Уеннар дәвам итә. Ә хәзер ат чабышларын башлыйбыз.

Балалар уенчык атларга атланып чабалар.

Алып баручы: Хәзер аркан тартышыйк,

Өлгерлектә ярышыйк!

 Аркан тартышу.

Калош киеп чабу.

Обруч әйләндерү.

Скакалка сикерү.

Алып баручы: Хәзер, дуслар, әйдәгез,

Бии-бии әйләник.

Җырлап-биеп үтсен безнең

Сабан туе бәйрәме.

Концерт номерлары.

Үтеп китте Сабантуй.

Гөрләттек  без мәйданны.

Җитезләр җиңеп чыкты.

Көчлеләр батыр калды.