Развлечение в детском саду "День рождения"
план-конспект занятия (старшая группа) по теме

Пайрем сценарий (телым шочшо йоча-влаклан пӧлеклалтеш).

Залым сӧрастарыме. Йоча-клак мотор чиен, залыш пурат, пӱкеныш шинчыт.Вудышо кидышкыже онай атым кучен пура.

Вӱдышо: Ончалза, йоча-влак, мыйын кидышкем,

                 Могай мотор атым муынам эрден,

                 Ала иктаж-кӧ йомдарен коден?

Атым ӧрын ончыштеш, савыркала.

                  Атым петыреныт,

                  Тушко ала-мом шылтеныт.(рӱзен онча)

                  Почын ончалаш кӱлеш…(почаш точа)

                  Но ок лий, векат чотак петыреныт.

                  Чу, те шыпак шинчыза.

                  Мый умылен толам сейчас,

                   Кузе тудым почаш.

Вӱдышо омсам лектеш. Тушто пудештме гай йӱк шокта. Лудшо семын, вӱдышо уэш пура да ойла:     Ну, йоча-влак ! Ӧрыктарыше паша

                   Лийын кайыш ате ден.

                   Пропкам кучышым гына

                   Почылт кайыш, шикш нӧлтен.

                   Тушеч лекте пондашан,

                   Пеш оҥай Старик  Хотабыч.

                   Пайремнаш шона толаш,

                   Йоча-влак, кӱлеш ӱжаш?

                   Огеш лӱд гын кӧ, мийза,

                   Ты кочам ӱжын толза.

2-3 йоча ӱжаш кайымышт годым Старик Хотабыч омса воктен коеш.Ончыч йоча-влак, вара ӱудышо деч йодеш:

Старик Хотабыч:  О, колой-влак! О звезда!

                     Мыйым те утарышда.

                     Шакше юзо ондален,

                     Ате кӧргыш петырен.

                     Шӱдо ий ден киенам,

                     Тау, ынде утленам.

                     Мые вет улам волшебник,

                     Мом шонем чыла ыштем.

                     Ала иктаж-мо кӱлеш?

                     Кӱштыза, чыла шуктем!

Хотабыч пулвуй ӱмбак шинчын сӧрвала. Вӱдышо тудым  кынелта.

Вӱдышо:      Ой, кынелза писынрак!

                      Таче мемнан йоча-влак

                      Шочмо кечым пайремлат.

                      Уна лийыда теат.

Хотабыч:      Пайрем?

                      Лийын омыл шукертсек

                      Мый тыгай пайремыште.

                      Вет оҥай пален налаш,

                      Кӧн гын шочмо кечыже?

Вӱдышо:      Кӧ шке шочмо кечыжым телым(шыжым, шошым) палемда.

                      Толза тышке лишкырак.

Сылне сем шокта, йоча-влак совым кырат.

                       Ончалза, могай нуно мотор улыт.

                      Ик ий жапыште мыняре кушкыныт.

                      Нунылан 5 ий темын тиде тылзыште.

                     А кызыт нунын лӱмеш ме

                     Коман киндым пыштена.

Йоча влак кругыш кид кучен шогалыт. «Коман кинде» мурым мурат.

Вӱдышо:      Старик Хотабыч, тыланда уло мемнан ик паша.

                      Весела пайрем лӱмеш ыштенна ыле медальым,

                      Но ала куш йомын, шаҥысек кычалына, муын она керт.

Хотабыч:      Тиде йодышым тӧрлаш

                      Мыланна полша пондаш (пондашыжым ниялтен).

                      Ох, тый юзо пондашем

                      Полшо-ян тый мыланем.

                      Медаль-влакым йоча-влаклан

                      Пӧртылте шке верышке.

                      Ончалза, ынде туштак мо?

Вӱдышо медаль-влакым луктеш да ойла:

Вӱдышо:      Чынак верыште кия. Кугу тау тыланда.

                      Тений 5 ийым темышда,

                      Вес ий кудыт, вара шымыт.

                      Йоча садым шарнашда

                      Медаль-влакым пуэна.

Вӱдышо кажне именинниклан медальым пуа.          

Вӱдышо:       Ынде йолташда-влак саламлыме мутым ойлат тыланда.

Весела, куан пайрем ден

Саламлем йолташ-влакем.

Сай отметкылан гына

Тунемаш мый тыланем.

А эше тыланена ме

Авалан эре полшаш,

      Изиракым чаманаш,

Кугуракым пагалаш.

Ямдыленна йолташ-влаклан

      Ме сӱретым сӱретлен.

Пуэна пӧлек шотеш

Лачак сайым тыланен.

Йоча- влак именинник-влаклан пӧлекым кучыктат.

Вӱдышо: Айста весела кумылым пурташ мурым муралтена. «Крокодил Генан мурыжо» мутшо А. Тимофеевскийын, семже В. Шаинскийын.

Вӱдышо: Пагалыме Хотабыч, ме палена, те пеш тале фокусник улыда. Ала иктаж оҥайым ончыктеда.

Хотабыч: О-о, кертам ӧрыктарен, ончыктен ик фокусем.

                 Теве тиде шоҥшо игым савырем мый пырысигыш.

Фокусышто кок пӧлеман коробкам кучылтыт: ик могырышто шҥшо иге, вес велыште-пырысиге).

                Тиде юзо коробкаш шоҥшо игым чыкена. (Пондашыжым ниялтен)

                Ох, тый юзо пондашем

                Полшо-ян тый мыланем.

                Изишак вучалтена, а ынде пӧрдыктена…

                Почын ончалына-а, а тушто… пырысиге.

Вӱдышо: Чынак ӧрыктарышда .Кузе ик минутышто шоҥшо иге пырысигыш савырнен кертын?

Хотабыч: Тиде мо? Мыйын эше ик оҥай уло, ончыкташ мо, йоча-влак?

Йоча-влак:    Ончыктыза, ончыктыза.

Хотабыч:      Тугеже кум яра стаканым, вӱдан атым пуыза.(Вӱдышо 3 стаканым конда.Ик стакан пундаште марганцовка, весыште- синька, кумшышто-фурацилин, йоча-влаклан огеш кой).

Хотабыч:     Трах-тиби-дох, тиби-дох

                     Стаканласе вӱд тӱрло тӱсым нал. (стаканлаш вӱдым тема, вӱд чиялга).

Хотабыч:     Уло эше ик фокус-мокус.

                     Чыланат кынелын савырнен шогалза.

                      Ох тый, юзо пондашем

                      Полшо-ян тый мыланем.

                      Трах тиби-дох, тиби-дох.

(пӧлекым ӱстембаке луктын пышта).

                     ӱстембаке луктын пыште .

                     Ынде савырнен ончалза.

Вӱдышо, Хотабыч пӧлекым пуэдат.

Хотабыч:    Ынде кайыман мылам,

                    Тендан дек эше толам.

                    Чеверын!

Вудышо:    Фокуслан да пӧлеклан

                    Кугу таум ойлена.

                    Да тендам, Старик Хотабыч,

                    Садикнаште вучена.

Хотабыч кая.

Марла куштымаш.