Сыбзи с1орэлъ, сихабзи схэрэлъ
классный час (подготовительная группа) по теме

Ныдэлъфыбзэм имафэ фэгъэхьыгъэ мэфэк1.             Зезыщэрэр:Шъуимафэш1ух,тихьэк1э  лъап1эхэр!  Ныдэлъфыбзэм имафэ фэгъэхьыгъэ мэфэк1эу   зэхэтщагъэм  тигуапэу  шъукъетэгъэблагъэ. Илъэс   заулэ  хъугъэу  ныдэлъфыбзэм имафэ тиреспубликэ   щыхагъэунэфык1ы.  Тэри  мы  1офыгъом  тыхэлажьэ  тш1оигъу. «Зыбзэ  зыш1ок1одрэм   янэ  ш1ок1одыгъ» - а1о. Ау  мы  гущы1эжъыр  тэ  къытэмыхьыл1агъэу тэлъытэ, сыда п1омэ ти  республикэ  гъэзетэу «Адыгэ  макъ», журналэу  «Зэкъошныгъ», сабыйхэм  апае  журналэу  «Жъогъобын»  ык1и  нэмык1хэр  тиныдэлъфыбзэк1э  къыщыхаутых. Тыбзэ тш1омык1одыным  ишъыпкъэу  дэлажьэх  титхак1охэр   ык1и  бзэм  дэлэжьэрэ  ц1ыфхэр. Ахэм  ащыщ  непэ  къедгъэблэгъэгъэ  хьак1эр. Филологие  ш1эныгъэхэмк1э  кондидатэу, Адыгэ Къэралыгъо Университетым  идоцентэу, адыгабзэм, жэбзэ  къабзэм  ягъэфедэн  1оф  дэзыш1эу, усак1оу  Блэгъожъ  Асият.

      Непэрэ  мэфэк1ыр  «Шъукъеблагъ»  зыфи1орэ         орэдымк1э            къызэ1утхы  тш1оигъу.

Орэдэу «Шъукъеблагъ».

Зезыщэрэр:Блэгъожъ Асият чылэу Хьатыгъужъыкъуае  къыщыхъугъ. Мак1эп  мы  чылэм  ыц1э  дахэк1э  язгъэ1уагъэу  къыдэк1ыгъэр. Ахэм  ащыщ  Асияти. Хэта  зикъуаджэ  ш1у  зымылъэгъурэр? Ащ  идэхагъэрэ  и1эш1угъэрэ  исабый  -  к1элэгъурэ  ыгу  къэдгъэк1ыжьынэу  орэдэу «Сикъуадж»    зыфи1орэр  тиорэды1о  ц1ык1ухэм  къыпфа1ощт.

Орэдэу «Сикъуадж».

Зезыщэрэр: К1элэц1ык1ухэм Асият афэтхэнэу  зыщыригъэжьагъэр  еджап1эм  к1элэегъаджэу  зы1охьэр  ары. Ащ  ытхыгъэхэр  журналэу  «Самгъур», «Жъогъобын», гъэзетэу «Адыгэ макъ» къыщыхиутыгъэх. Ахэм  ащыщэу  псэушъхьэхэм  яхьыл1агъэу  ытхыгъэр  мак1эп.

«Чэтыу  тхьагъэпц1ыжъ» къеджэрэр-Хъок1о  Сабин.

Зезыщэрэр: Анахь  ц1ык1оу тинепэрэ  мэфэк1  къыхэлажьэхэрэм  «Си  Нэт1эф»  зыфи1орэ  усэ  ц1ык1ум  къытфеджэщтых (Зар, Алин, Аминэт).

Зезыщэрэр: Джы ш1ухьафтынэу тик1элэц1ык1умэ  къышъуфагъэхьазырыгъэмэ  ащыщэу  орэд  ц1ык1оу «Тхьак1умк1ыхь» зыфи1орэр  къышъуфа1ощт  ык1и  къышъуфагъэлъэгъощт.

Зезыщэрэр: Блэгъожъ Асият иусэхэм сабыйхэм  заплъыхьэнэу,  къэзыуцухьэрэ  дунаим  щыхъурэ-щыш1эхэрэм  гулъытэ  адыря1энэу  еп1ух. Ар   къыушыхьатыщт  Шухэстэнэ  Камилэ «Пхъэгулъ  чъыг»  зыфи1орэ усэмк1э.

Усэу  «Сальбый  ц1ык1у» къытфэзы1орэр - Болэкъо Албин.

Зезыщэрэр:   Лъэшэу  тыгу  рихьэу  журналэу «Жъогъобын» зыфи1орэр  къитэтхык1ы. Тш1огъэш1эгъонэу  тисабыйхэм  пшысэ  ц1ык1оу, къэбар  к1эк1эу,  усэ  ц1ык1ухэу  дэтхэр  зэрагъаш1э. Журналым  фэгъэхьыгъэу  Асият  ытхыгъэ  усэ  ц1ык1у  къытфеджэ  тш1оигъу  Пхэнэе  Камилэ.

Усэу «Жъогъобын».

Зезыщэрэр:  Адыгэ  усэ  ц1ык1ухэм, орэдхэм  анэмык1эу  тисабыйхэм  къэшъонри  як1ас. Ар  «Пшъэшъэ  къэшъо  дахэмк1э» къышъуфиушыхьатыщт  ти  Мариет.

Зезыщэрэр:«Чэтэхъо  ц1ык1мэ  яорэд» зыфи1орэр  тимэфэк1    ягуапэу  апшъэрэ  группэм  ис  пшъэшъэжъыехэм  къытфа1ощт.

Зезыщэрэр: «Адыгэ  къэшъо  дахэм» адыгэгум  илъыр  къыре1отык1ы. Ар  къаушыхьатыщт  анахьыжъ  группэм  ис  к1элэц1ык1ухэм.

Зезыщэрэр: Непэрэ  зэ1ук1эм  ехьыл1агъэу  «Уц  къэгъагъэм сэ сыфэд» зыфи1орэ  орэдыр  типшъэшъэжъыехэм  къышъуфа1ощт.

Зезыщэрэр: Непэ  тиныдэлъфыбзэ  имафэу  къэблагъэрэм  ехьыл1эгъэ зэ1ук1эм, тигуапэу  къедгъэблэгъэгъэ  Блэгъожъ  Асият  гущы1э  етэты.

………………………………………………………………………………

Зезыщэрэр:  Упсаоу, уузынчъэу,  адыгабзэм  гъэхъэгъэш1ухэр  щыпш1ыхэу, птхыхэрэм  ахэбгъахъоу, илъэсыбэ  къэбгъэш1энэу тыпфэлъа1о  ык1и  «Тхьауегъэпсэу» отэ1о.

Мыщ  дэжьым,  тиныдэлъфыбзэ  имэфэк1эу  къэблагъэрэм  пае  зэхэтщэгъэ  мэфэк1ыр  ык1эм  фэк1уагъ. «Хъярк1э» зэк1эми  шъотэ1о.