Праздник, посвященный ко дню рождения писателя Габдуллы Тукая
статья (средняя группа) по теме

Безнең “Петушок”  балалар бакчасында төрле яшьтәге балалар тәрбияләнә.Бакчабыз бик матур,якты,балалар да монда бик теләп йөриләр.Балалар төрле яшьтә булуларына карамастан бик дус яшибез.Бакчада төрле уеннар уйныйбыз,доньяны танып белелергә өйрәнәбез, җырга-биюгә булган сәләтебезне үстерәбез,кыскасы тулы тормыш белән яшибез.

Бакчада булган бәйрәмнәребез дә бик күңелле үтә.Төрле яшьтә булсак та матур биюләрне,күмәк җырларны бергәләп башкарабыз.

    25 нче апрель көннеГ.Тукайның тууына 126 ел тулу уңаеннан “Тукай яши безнең йөрәкләрдә” исемле балалар иртәсе үткәрдек.Бәйрәмгә алдан ук әзерләндек.Г.Тукайның тормыш юлы, иҗаты белән таныштык,шигырьләр ,җырлар өйрәндек,шигырьләренә багышлап рәсем конкурсы үткәрдек.

     Бәйрәмебезне    “Шүрәле аланында”дәвам иттек.Татар киеменнән киенгән малайлар һәм кызлар һәммәсе бу бәйрәмгә бик теләп катнашты.”Кызыклы шәкерт”,”Бала белән күбәләк”,”Су анасы” шигырьләрен балалар шулкадәр оста итеп сәхнәләштерделәр.Бәйрәмгә килгән Шүрәле дә күңелләребезне тагын да ныгырак күтәреп җибәрде.

Бәйрәмебез  биюләр,уеннар,җырлар белән үрелеп барды.

Ә иң ахырдан барыбыз да яратып башкара торган “Туган тел” җырын  башкардык.Шулай итеп “Шүрәле аланы”ндагы бәйрәмебез искиткеч күңелле үтте.