"Коела җиргә яфраклар" проекты.
материал на тему

Проект эше.

 “Коела җиргә яфраклар”

( беренче кечкенәләр төркеме өчен)

Проектның төре: практик юнәлешле уен.

Проектның дәвамлылыгы: 1 атна.

Проектның максаты: тере һәм тере булмаган табигатьтәге кайбер бәйләнешләрне ачуга шартлар тудыру.

Проектның актуальлеге: һәр ел фасылының  үзенчә матур булуын күрсәтү, аңлату.

Бурычлар:

1. табигатьнең матурлыгына соклану, аны саклаучылар булып үсү теләген уяту.
2. Чагыштыру, сәбәп һәм нәтиҗә бәйләнешләрен ачу, гади нәтиҗәләр чыгару сәләтен үстерүгә җирлек булдыру.
3. Кечкенәләргә көзге табигатьтәге үзгәрешләр турында башлангыч белемнәр бирү.

Проектны оештыру формасы:

• Танып-белү эшчәнлеге (аппликация, рәсем ясау,әвәләү, музыка, сөйләм үстерү)
• Экскурцияләр
• Дидактик уеннар
• Балаларның хезмәт эшчәнлеге

Проектның методлары:

• Эзләнүле: тәҗрибә, күзәтү
• Үзлегеңнән күзәтү
• Бергәләп күзәтү
• Күрсәтү: театральләштерү
• Сүзлек: әңгәмә, матур әдәбият уку, әти-әниләргә консультация бирү
• Аңлату, күрсәтү
• Музыка тыңлау

Проектның этаплары:

1. Әзерлек этабы.

• Проектның темасын уйлап, максатын, бурычларын кую.

• Проектның перспектив-тематик планын төзү.
• Әти-әниләрне проект планы белән таныштыру, аларга консультацияләр бирү
• Проектта кулланылачак материалларны әзерләү.

2. Төп өлеш.

• Табигатьтәге яфракларны сенсорик гамәлләр белән өйрәнү, тикшерү һәм ничек барлыкка килүләре турында гади нәтиҗәләр ясау.
• Саф һавада йөргәндә, режим вакытларында, шөгыльләрдә төрле дидактик уеннар уйнау.
• рәсем сәнгате, кул эшләре.
• Көз темасына рәсемнәр карау.
• Музыка тыңлау.
• Көз турында шигырләр уку.
• “Коела җиргә яфраклар” – әвәләү.
• “Матур яфраклар” - рәсем ясау.
• “Көзге бакчада” – сөйләм үстерү шөгыле.
• “Көз бәйрәме” – җырлы- биюле чара.
• Балалар һәм ата-аналар белән берлектә өйдә яфраклардан аппликацияләр ясау.
• Әти-әниләр эшләреннән күргәзмә оештыру.
• Төркемне бизәү.
• Балаларга көз бүләкләре – күчтәнәчләр әзерләү ( көзге яфраклардан ясалган чәчәкләр бирү).

3. Йомгаклау этабы

Ата-аналар белән берлектә өйдә яфраклардан аппликацияләр ясау ,

әлеге  эшләрдән күргәзмә оештыру.

Җиһазлау:

• Группадагы табигать почмагы
• “Ел фасыллары” турындагы альбом
• Көзге яфраклар
• Көз турында рәсемнәр
• Пластилин, төсле буяулар, төсле кәгазьләр

Көтелгән нәтиҗәләр:

1. Сабыйлар тере табигатьтә булган сезонлы үзгәрешләр турында белемнәр алдылар;

2. Аяк астында яткан яфракларның һәрберсенең үз матурлыгы барлыгына, аларның кирәклегенә, файдалы булуына инандылар;

3. Балаларның күзәтүчәнлеге, кызыксынучанлыгы үсте;

4. Матурлыкны булдыру, аны саклау теләге туды;

5. Ата-аналарда балалар бакчасы, тәрбиячеләр белән үзара тыгыз мөнәсәбәттә булу теләге барлыкка килде;

6. Әти-әниләр арасындагы дуслыкны, татулыкны ныгытты, аларны бердәм коллективка туплады.

Перспектив- тематик план   “Коела җиргә яфраклар”