Кар бөртеге турында әкият
материал (старшая группа)

Кар бөртеге турында әкият

(Зурлар төркеме)

Катнашалар:        Кар бөртеге

Куян

Төлке

Керпе

Аю

Балалар

Алып баручы:   Кыш килде.

                            Урман-кырлар өстенә

                            Ак мамыктай күбәләк кар

                            Төшә дә, төшә генә.

 (Музыка яңгырый) Чыршы әйләнәсендә Кар бөртеге әйләнә, бөтерелә, бии - бии залга керә.

Кар бөртеге:   Мин - Кар бөртеге,

                        Мин кемгә кирәк?!

                        Уйныймын, очамын,

                        Әйләнеп төшәмен.

Алып баручы:  Шулай дигән дә Кар бөртеге,  Куян алдына килеп кунган, ди.

Куян:  Мин - Куян, куян

            Кечкенә генә,

             Бик йомшак кына,

             Бик куркак кына.

             Син миңа кирәкмисең-

             Син иссез дә, тәмсез дә.

 (Куян чыгып китә, Кар бөртеге әйләнә-әйләнә юлын дәвам итә)

 Кар бөртеге: Мин - Кар бөртеге,

                        Мин кемгә кирәк?!

                        Уйныймын, очамын,

                        Әйләнеп төшәмен.

Музыка астында Бүре керә.

Алып баручы: Шулай дигән дә Кар бөртеге, Бүре алдына килеп кунган, ди.

Бүре:   У-у-у!

         Минем исемем –Бүре.

        Сорыдыр төсем,

       Үткендер тешем,

       Урманда йөрим,

       Җәнлекләр аулыйм.

       Син миңа кирәкмисең -

        Син шундый салкын.

(Бүре чыгып китә, музыка астында Төлке керә)

Кар бөртеге:   Мин - Кар бөртеге,

                        Мин кемгә кирәк?!

                        Уйныймын, очамын,

                        Әйләнеп төшәмен.

Алып баручы:  Шулай дигән дә Кар бөртеге Төлке алдына килеп кунган, ди.

Төлке:  Мин -төлке, мин- төлке.

             Сары тунымны киеп,

             Койрыкны сыртка салып,

             Хәйләләр корып йөрим.

             Син - иссез, тәмсез,

             Кирәкмисең миңа.

 (Төлке чыгып китә. Керпе керә)

  Кар бөртеге:  Мин - Кар бөртеге,

                        Мин кемгә кирәк?!

                        Уйныймын, очамын,

                        Әйләнеп төшәмен.

Керпе:  Миңа син бик кирәк,

            Өемә җылы кирәк,

             Инәләргә куярмын,  

            Рәхәтләнеп йоклармын.

Алып баручы: Моны ишетеп торган аю да Кар бөртеге янына килгән, ди.

Аю:  Миңа да кар бик кирәк,

         Өемә җылы кирәк,

         Өнемне казырмын,  

         Рәхәтләнеп йоклармын.

(Балалар чабып керәләр)

Балалар:  Безгә дә кар бик кирәк.

1бала:   Тау ясап шуарбыз.

 2бала:   Кар бабай ясарбыз.

3бала:     Кар атышып уйнарбыз.

(Барсы да җыелып басалар)

“Әйлән-бәйлән уйныйбыз” җырын ( Л. Батыр-Болгари муз., Р. Батулла сүзләре) бергәләп башкаралар.

                                                  Төзеде: Әхмәтшина Ләйсән Мансуровна,

                                                  МБМББУ «Апас  « Салават күпере»      

                                                        гомуми үсеш бирүче балалар бакчасы»

     тәрбиячесе