"Конфет һәм кәгазьдән чәчәк бәйләме" (мастер-класс)
материал

Конфет һәм кәгазьдән                                       чәчәк бәйләме

(мастер-класс)

Саба №2 ”Әллүки” балалар бакчасының                                              

1 квалификацион категорияле тәрбиячесе

Шакирова Эльвира Альфред кызы

Максат:  педагогларның  профессиональ осталыкларын үстерү, яңа белемнәр алу һәм аларны практик эшчәнлектә үзләштерү.

Конфет һәм төсле матур кәгазьдән үз кулың белән ясаган чәчәк бәйләмен  төрле бәйрәмнәрдә бүләк итәргә мөмкин: туган көн, 8 март, һ.б.

1. Чәчәк бәйләмен ясау өчен төрле шоколад конфетлар (7 шт.), төсле матур  кәгазь, 5 мм киңлектәге юка тасма, яшел төстәге тимерчыбык,  кайчы, кусачки.

Тасманы кыска (10 см) кисәкләргә кисәргә, алар конфет саны буенча булырга тиеш. Тимерчыбыкны да  кусачки белән 10 см  озынлыкта кисәргә.

2. Төсле матур кәгазьдән 18 см га 12 см  зурлыгында турыпочмаклар кисәргә (чәчәкләр бутоны саны буенча). Килеп чыккан турыпочмактан бер ягы авыш турыпочмак кисәргә.  

3. Ике өлешне бер-берсе өстенә, аннары уртага конфет куярга.

4. Конфет һәм тимерчыбык белән бергә бөтерергә. Аннары тимерчыбыкны юка яшел кәгазь тасма белән урарга.

5. Кыска тасма белән төсле кәгазьне әйләндереп бәйләргә ләкин каты кысмаска! Кайчы ярдәмендә тасманың очларын “бөтерергә”. Чәчәкне ачарга.

6. 3 чәчәкне бер таякчыкка яшел кәгазь белән урап беркетергә.  Матурлык өчен араларына декоратив ясалма “үлән” куярга мөмкин. Һәм алга таба һәр чәчәк белән шулай эшләргә.

7. Матур чәчәк бәйләме килеп чыгарга тиеш.

8. Декоратив кәгазьгә куеп, киң тасма белән матур итеп бәйләргә. 

Конфетлар куелган бик матур, оригиналь бизәлештәге чәчәк бәйләме килеп чыга.