Сомоҕолоһуу күнүгэр аналлаах аралдьыйыы сценарийа
материал (младшая группа)

Сомоҕолоһуу күнүгэр аналлаах аралдьыйыы сценарийа

Ыытыллар күнэ: 06.11.2024

Сыала: Норуот сомоҕолоһуутун күнүн туһунан билиһиннэрии; төрөөбүт дойдуга тапталы иҥэрии; бэйэ бэйэҕэ истиҥ сыһыаны иитии; бииргэ үлэлииртэн дуоһуйуу ылалларын ситиһии.

Бэлэмнэнии үлэ: хартыыналары көрдөрүү, мас конструкторынан дьиэ туттарыы;

Туттуллар матырыйаал: төгүрүк ойуулаах ватман кумааҕы, араас өҥнөөх илии омоонунан кырыллыбыт кумааҕылар, килиэй, салфетка, демонстрационнай матырыйаал, кымырдаҕас маскарада.

Аралдьыйыы хаамыыта:

Ыытааччы: Оҕолоор, бука бары төгүрүччү туруоҕун, илии илиибититтэн ылсыаҕын уонна минньигэс мичээрдэ бэлэхтэһиэҕин.

• Эһиги бырааһынньыктыыргытын сөбүлүүгүт дуо? Бүгүн биһиэхэ бырааһынньык - Сомоҕолоһуу күнэ. Билигин бу бырааһынньык туһунан кылгастык эһиэхэ билиһиннэриэм. (хартыына көрдөрүү, кылгастык кэпсээһин)
• Истиҥ эрэ, ааны тоҥсуйаллар, көрүҥ эрэ биһиэхэ туох кэллэ? (кымырдаҕас киирэр)
• Кымырдаҕас, бүгүн оҕолорго бырааһынньык оттон тоҕо санаарҕаатын?  Туохтан хомойдуҥ? (кымырда5ас туохтан хомойбутун оҕолорго кэпсиир).
• Оҕолоор, кымырдаҕаска көмөлөһөн бука бары саҥа дьиэ тутан биэрэбит дуо? (оҕолор кубиктартан дьиэ туталлар).

Кымырдаҕас: баһыыбаларын, олус үчүгэй дьиэни тутан биэрдигит. Эйэлээх, үтүө санаалаах оҕолор эбиккит, мин эһиэхэ аптаах илиичээннэри (ытысчааннары) бэлэхтиибин.

Иитээччи: бырааһынньыкпытыгар ыалдьыттаа, биһигинниин оонньоо.

• Оҕолоор, бу илиичээннэртэн аптаах күн оҥоробут дуо?
• Күммүтүн оҥоруохпут иннинэ тарбахчааннарбытын эрчийиэҕин:

Биир, икки, үс, түөрт, биэс

Доҕотторбун ааҕабын

Саша, Камилла, Дархан

Оттон бу Алина, Айхаан

Тарбахтарбын хам туттум

Хаттаан ааҕан саҕалыыбын.

Иитээччи: бука бары илиичээннэрбитин (ытыстарбытын) ылыаҕын уонна бэйэ бэйэлэригэр сыһыары тутан күнү төгүрүччү килиэйдиэҕин. Илиичээнэрбит (ытыстарбыт) күн сардаҥата буолан биһигини, тулабытын итиинэн илгийиэхтэрэ, сылытыахтара.

Кымырдаҕас: олус үчүгэй кунчээн буолла дии. Мин дьиэбэр бардым, көрсүөххэ диэри.

Түмүк: иитээччи оҕолорго бүппүт үлэни көрдөрөр, бука бары бииргэ түмсэн, эйэлээхтик үлэлээн маннык кыраһыабай аптаах күнү оҥордугут диэн бэлиэтээн этэр.