"Саас кэллэ, саас кэллэ..."
материал (средняя группа)

“Саас кэллэ, саас кэллэ...”

(Орто уонна кыра бөлөх оҕолоругар аналлаах аралдьыйыы сценарийын торума)

Сыала: Оҕолор саас туһунан билиилэрин чиҥэтии.

Алтыһар уобаластар: тыл, эт-сиин  сайдыыта, кэрэ эйгэтэ, бодоруһуу.

Бэлэмнэнии үлэ: ырыа, хоһоон тылларын үөрэтии, саас туһунан кэпсэтии, хартыына көрүү.

Туттуллар тэрил: музыкальнай центр, оонньууга туттуллар атрибуттар, самовар, нуучча норуотун иһитэ, күн макета, сибэккилээх корзина.

Методиката: кэпсэтии, оонньуу

Площадка бырааһынньыкка киэргэтиллибит, музыка тыаһыыр.

Ыытааччы: Үтүө күнүнэн, күндү оҕолор! Бүгүн  үөрүүлээх күн үүннэ, уһун кыһын кэнниттэн сандал сааһы көрсөр кэрэ кэммит кэллэ. Тула өттүбүтүн көрүөҕүн эрэ: хаарбыт ууллан эрэр, күммүт сылааһынан угуттуур. Эһиги саас кэлбитин билэҕит дуо? (Билэбит).

Ыытааччы:  Чэйин эрэ, Сааһы ыҥырыаҕыҥ! (Оҕолор бары тэҥҥэ “Саас, кэл!” диэн хаһыытыыллар)

(Музыка  тыаһыыр, Саас таҥастаах кыыс  киирэр, илиитигэр сибэккилээх корзиналаах)

Саас: Үтүө күнүнэн, оҕолор! Мин – Саасчаанабын.
Эһигини кытта оонньуу, ыллыы, үҥкүүлүү кэллим.

Ыытааччы: Билигин кыра бөлөх иитиллээччилэрэ ырыа ыллаан иһитиннэриэхтэрэ.

(Ырыа кыра бөлөх иитиллээччилэрэ)

Саас Оҕолоор, көрүҥ эрэ, Күнчээммитин былыт саппыт. Былыты үүрүөххэ наада, оччоҕо таһырдьабыт өссө сылыйыа.

Оонньуу: «Күнчээн былыттан тахсыыта»

«Күн таҕыста -үөрүөххэ!» - икии илиилэрин үөһээ уунан далбаатыыллар

«Күн киирдэ-саһыахха!» - чохчойон олороллор, илиилэринэн сирэйдэрин саба тутталлар.

Ыытааччы: Күнчээн былыттан таҕыста. (Былыты ылаллар).

Ыытааччы:Күммүт таҕыста, үөрбүччэ-көппүччэ ырыата ыллыаҕыҥ.

(Орто бөлөх иитиллээччилэрин толоруутугар ырыа ....)

Ыытааччы: Саас кэллэҕинэ чыычаахтарбыт итии дойдуттан төннөллөр. Ханнык чыычаахтар төннөн кэлэллэрин билэҕит дуо? (оҕолор көтөрдөрү ааттыыллар).

Саас: Маладьыастар, олус элбэх көтөрү билэр эбиккит дии. Оҕолоор, чыычаахтар хайдах саҥаралларын билэҕит дуо? (кыра оҕолортон ыйытар).

(Оонньуу, көр-нар саҕаланар)

1.”Күөл таһынан” – (оҕолор “ууну” (күөх таҥаһы үрдүнэн ойоллор)

2. Хаатыҥканы ыраахха быраҕыы

3. Канат тардыһыы

4. Бөтүүктэһии

Саас: Олус үчүгэйдик оонньоотубут! Күн сылааһынан сири сылыттын, бары этэҥҥэ буолуҥ!

Ыытааччы: Саас кэлбитинэн барыгытын өссө төгүл итиитик-истиҥник эҕэрдэлиибит!

(Атыы-эргиэн дьаарбаҥката саҕаланар)