конспект ООД по развитию речи "Арлэн дыръёсыз" (Времена года) на удмуртском языке
план-конспект занятия по развитию речи

Арлэн дыръёсыз

5-6 аресъем  нылпиослы дышетон удысъёсты полэстыса ужрад

Азьмугез: Кузебай Гердлэн творчествоез пыр пиналъёсты арлэн дыръёсыныз тодматонэз муромытон.

Пуктэм ужпумъёс:

Дышетон: Кузебай Гердлэн гожтэм произведениосыныз тодматонэз муромытоно но дышетоно, пиналъёслэсь пойшуръёс, бакча сиёнъёс, писпуос  сярысь тодон валанъёссэс юнматоно но дышетоно.

Азинтон: саклыксэс, йырсазьзэс, малпаськыны но удмурт кылын вераськыны быгатонзэс азьланьтоно; кылтирлыксэс паськытатоно но узырмытоно.

Визьнодан: чош, кенешыса  ужаны мылкыдзэс бурдъяно, котырысь инкуазез яратон мылкыд пычатоно.

Азьвыл нуэм уж: Кузебай Гердлэн биографиеныз,  ужъёсыныз тодматским но лыдзим, «Арлэн дыръёсыныз» пазылъёсты бичам, портэм вольыт кылъёс дышетим.

Уже кутэм арбериос: «Арлэн дыръёсыз» пазл, К. Герд «Арлэн дыръёсыз» книга, удмурт шудонъёс, саламъёс, ноутбук, презентация.

Цель: закрепить и систематизировать  знания детей о временах года через творчество К. Герда.

Задачи:

образовательные: продолжать знакомить с произведениями К. Герда, закрепить представления детей  о характерных особенностях разных времен года;

развивающие: развивать мышление, внимание,  обогащать словарный запас, упражнять в регулировании темпа речи и силы голоса;  

воспитательные:  воспитывать интерес к произведениям К. Герда, воспитывать любовь  к природе.  

Ужрадлэн мынэмез.

В. Умоесь, зарни но дуно пиналъёсы, ойдолэ табере  чошен зечъяськомы.

П. Зечбуресь, зарни шунды!

Зечбуресь, чылкыт  инмы!

Зечбуресь, капчи толмы!

Зечбуресь, дуно эшмы! (кизэс ог-огзылы сето, зечъясько)

Зарниосы, туннэ мынам туж капчи мылкыды, та капчи мылкыдме  тиледлы но сетэме потэ, кулэ-а? (нылпиос кулэ каро) Василисалы чебер йыркерттоназ поно, Матвейлы нош кияз сето, Данииллы – кисыяз, Кириллы – нырвылаз, Лизалы нош чиньыяз. Ваньдылы тырмиз-а? Зечок!

Тоськоды-а, пиналъёс, мон туннэ туж тунсыко уйвот адзи: арлэн вань дыръёсыз чош люкаськиллям но ог-огенызы ченгешо, спорить каро. Кин, пе, тужгес но чебергес но пайдаёгес, визьмогес но тунсыкогес, кинэ адямиос юнгес возьмало? Ойдолэ, мусоосы, асьмеос эскером, оло, арлэн кудиз ке но вакытэз мултэс? Нош сое валаны асьмелы юрттоз Кузебай Гердлэн пичиесь веросъёсыз. Асьмеос али пуксём, монэ туж сак  кылзиськом но презентациез учком. (визьнодась веросъёссэ лыдзе, котькуд дырлы презентация мынэ, нылпиос адзо).

В. Лыдземме кылзыса но презентация  учкыса, арлэн кыче дыръёсыз сярысь тодиды?

П. Тол, тулыс, гужем, сизьыл.

В. Пиналъёс, арлэн кудиз вакытэз кулэгес? Кудиз кулэ, нош кудиз чик кулэ но овол? Мар малпаськоды?

П. Арлэн вань вакытъёсыз кулэ. Ми яратиськом гужемез но, тулысэз но, толэз но, сизьылэз но. Гужем вуэ пыриськом, великен ворттылиськом, атайёс возын чорыгаськом, тулыс шырчикъёслы кар лэсьтиськом, пукись вуости ветлиськом, нырысь потэм сяськаос бичаськом, корабликъёс лэзьяськом, толалтэ лымы-муне лэсьтиськом, тол бабаез шумпотыса возьмаськом, салазкиен, куасэн нискыласьком, сизьыл чебересь куаръёс бичаськом, бакча сиен утялтиськом.

В. Зарниосы, озьыен, арлэн котьку дырыз кулэ, пайдаё. Одигез ышиз ке, мукетъёсыз но бырозы. Соос ог-огенызы герзаськемын, чош луэмын.  Нош али  асьмеос арлэн дыръёсызлы дасямын портэм ужъёс ортчытом. Нош асьмеос быгатом меда соосты лэсьтыны, кызьы ти малпаськоды?

П. Быгатом, тыршом лэсьтыны.

В. Ойдолэ,   тыршом лэсьтыны. Нош арлэн кыче вакытэныз кутском, сое тодом, та суредэз бичаса. (Пазл тол, слайд потэ, ужзэс эскеро, шонер бичамын-а,  овол-а)

В. Нылпиос, кыче вакыт возьматэмын суредады?

П. Тол суредамын.

В. Зечок! Озьыен, тол бордысен кутском. Кылмы вольыт, чебер вераськыны мед дышомы шуыса кулэ асьмелы вольыт веранъёс дышетыны (чистоговорки)

Ро-ро-ро – сиысал али куро,

Ре-ре-ре – ми ум бертэ ай доре,

Ру-ру-ру, луи мон но кенгуру,

Ра-ра-ра, кеське мон сямен «Ура»

Туж тунсыко пормиз ук, зечок, зарниосы! Нош тол бере ма вуэ, кин тодэ?

П. Тулыс вуэ.

В. Нош тулыс асьмелы дасям таче ужпум, ойдолэ учком экран шоры, отын сетэмын суредъёс, тиледлы кулэ шедьтыны мултэссэ, кудиз уг тупа та вакытлы, тулыс дырлы.

(суредъёс слайд)

П. Додьы уг тупа, кыкетияз – нырысети суред, нош куинетияз – ромашкаос уг тупало.

В. Зечок, пиналъёсы! Тулыс бере одно ик вуэ…

П. Гужем, гужем.

В. Асьмемыз куное отиллям пойшуръёс. Ойдолэ чошен вераса мыном Кузебай  Гердлэсь тунсыко кылбурзэ Бӧчы (физкультминутка)

П. - Бз-з-з! Бз-з-з! Бз-з-з!

- Кин-о со? Оло кут, Оло лузь

Уйшорозь лоба: - Бз-з-з! Бз-з-з!

 - Иван, кут, кут! Иван бӧрсяз бызе.

- Ӧб-ӧб-ӧб! Кымесэ шуккиськиз.

Тӥни, музэ усиз. Пасе пегӟе.

 Чаляк кут! Уть-уть! - Дугдали, уром!

 Тэ-тэ-тӥ! Шедьтӥ! Шедьтӥ!

Кутӥ! - Учкали: бӧчы.

Сьӧд-сьӧд!

Тыбырыз лыз.

Куать кукъёсыз.

В. Пиналъёс, учке ай та суредэ но вералэ кыче пойшуръёс пегзиллям. (слайд пойшуръёсын)

П. Коньы, зичы, луд кеч, гондыр, чушъял, койык, сизь, вучайы…

В. Нош табере учке ай та суредэз но вералэ кыче писпуосты ти адзиськоды,  нош  кыче куакъёсты? (Слайд писпуосын)

П. Кыз, кызьпу, тыпы, пужым, яблокпу, осина-пипу, сутэр пуд, сирень пуд, шу пуд…

В. Зечок, зарниосы, визьпокъёсы!

В. Гужем ортчиз, вуиз…

П. Сизьыл.

В. Шонер малпаськоды, туж шонер! Нош сизьыл адямиос но, пойшуръёс но, тылобурдоос но толлы дасясько. Шонер малпасько-а?

П.  Шонер малпаськоды, Ирина Николаевна. Адямиос бакчаын ужало, пойшуръёс гонзэс вошто, тылобурдоос шуныт пала кошко.

В. Ойдолэ асьмеос но бакчаез утялтом. Учке али, кыче мынам чебер мешоке вань. Со буш овол, тодэмды потэ –а, маиз отын вань?  

(Мар бичамын мешокын? тунсыко мешок)

В. Тани каллен асьмеос пумаз вуим. Арлэн дырыз коня, пиналъёс? Маин соос тунсыкоесь? Кельшиз-а  Кузебай  Гердлэн  пичи веросъёсыз?

Тани нош ик асьмеос Кузебай Гердлэн арлэн дыръёсызъя коня ке ужъёсыныз тодматским. Мон тиледлы кузьмасько солэсь книгазэ, малпасько, асьмеос одно ик лыдзом но ваньзэ ик быдэстыны турттом! Нош ужамды понна зечок! Пичи гинэ салам сетисько, «Ачид буя» суредъёс нимаське.  Таза луэ, эн висе, зарниосы!