Эссе "Менам велöдöмын адзöмторъяс"
материал

                                Эссе «Менам велöдöмын адзöмторъяс».

Йöз вежöрын йöзалö: «Быд пу ён аслас вужъяснас, керышт найöс – и пу кулö». И йöз кодъяс оз тöдны ассьыныс кыв да культуралысь история, вермöны бырны. Öнiя кадö ми частö вунöдлывлам  ассьыным кыв да история. Уна – ö тöдö быдмысь войтыр предокъяслöн культуры йылысь? Тайö юалöмыс оз сет мем шойччöг, тшöктö корсьны туйяс решитöм ёся  сулалан мог серти.

Мен, коми кыв вылын сёернитысьлы да сiйöс тöдысьлы, косйыссьö, медым республикалöн муас вылын олысь йöз гöгöрвоисны кыв, тöдысны да пыдди пуктicны кöрöннöй войтырлысь культурасö. Та вöсна менам уджын  приоритетнöй направлениеöн лоö этнокультурнöй быдтöм. Менам быдтасъяслöн, дзоляник пуяс кодьöсь, зависитö аскиаыс сыысь, ёна – ö лоö йитöдыс чужан мукöд, культуракод да кывкöд, збыльмас йитöдыс вужгöрдкöд.

А кыдз челядьсö  ышöдны? Чукöстны налысь окоталун, тöдмавны мыйсюрö аслас Родина йылысь? Ассьым удж тайö  нырвизьын ме тэча сiдз,  мед ёнмöдны сернитчöм серти  челядь вежöрын югдöдан сям. Кор кагалы интреснö, сiйö ачыс кутас корсьны öта – мöд кост йитöд тiянкöд, мед тöдмавны выльтор Коми край йылысь. Менам уджын торъя  места босьтö челядьöс коми йöз культура да кыв дорö кыскöм. Таöн ыдзжыд отсöг сетö  ворсöм, кодi  и лоö медся кажитчана да сибалана уджын.

Ворсiгöн челядь кокниа велалöны шуавны коми кывъяс, кывйитлысьяс да неыджыд серникузяяс. Аслам уджын пырта таштöмпöлöс  ворсöмъяс.

- Вежъялысь: «Кӧр», «Ош», «Кык кӧр», «Руч»,  «Кӧк», «Кушак».

- Театрализованнöй: «Кöза», «Пöсь картупель», «Пышкай», «Йöй пон»,

- Дидактическöй: «Мичмöд кепысь коми серöн», «Мичмöд панно», «Тундраса пемöсъяс».

- Сюрöса-Ворсан: « Кык лун коми сиктын», «Коми пермяклöн мастеръяс».

Меӧн лӧсьӧдама сизим арӧсаяслы  методическöй ошкана вöзйöмъяс, кодi ышöдö топыд йитöд коми котырлöн традициякöд. Сiдз  жö дасьтöма коми театрализованнöй ворсöмъяс кузя картотека.

Дум вылын выль кывъяс  кутöм ради нуöда продуктивнöй деятельность:

- Рисуйтчöм «Национальнöй костюм», «Оланiн», «Коми вöр ва».

- Лапкöдöмтор: «Гортса да вöрса пемöсъяс».

- Аппликация: «Ганас черöн»,   «Сапöг Кепысь мичмöдöм».

Коми йöзлöн кывйöн да культураöн тöдмöдöмын тöдчана места бостьö художественно - эстетическöй сöвмöм. Челядькöд ми тшöтш сьылам коми сьыланъяс, кывзам коми музыка тэчысьяслысь гижöдъяс, ветлам частö  и асланым детсадйын котыртöм музейö.

Подготовительнöй группаса челядькöд велöдам коми кыв вылын кывбуръяс, лыддъям мойдъяс, легендаъяс коми войтырлысь, дастьам да петкöдлам театральнöй постановкаяс тöдса гижöдъяс серти.

 Ворсан тор  пуктöм  сöвмöдö дзоньнас кывсö пельöн велалöмöн, сöвмöдö воображение да писькöслун  выль кывъяс, кывйитлöсъяс велöдöм вылö.

Быдтаслöн бать-мам сетöны жö отсöг.  Ме найöс ышöдi  «Менам муса коми му» карса уровень конкурсын участвуйтны. Ми республикаса уровеньын участвуйтiм акцияын «Олам комиын- сернитам комиöн» акцияын. Сiдзжö пыртчим «Чолöм дзолюкъяс» праздникö.

Менам уджын татшöм системаыс этнокультурнöй быдтöмын вайö бöртас.  

Ме нимкодяся, кор менам быдтасъяс садикö воигöн чолöмасьöны коми кыв вылын, а асшöр ворсöмын шуалöны комиöн рöм нимъяс, лэбач – пемöс нимъяс, дзоридзяслысь нимъяс.

Öд челядь не сöмын кутасны гöгöрвоны коми кывсö, но и налöн сöвмö – крепаммö тöдöмлун республика йылысь.

Ме щуда думöн, мый менам быдтосъяс гöгöгрвоöны коми кыв, пыдi тöдмавны комилысь традиция. Сiдзкö, енджыка вужъясьöны ас чужан муö.

Ме ог сувт шедöдöм – вермöмвылö, водзö кута корсьны выль туйяс да позьанлунъяс, мед колананог уджъяс дасьтöмöн  кыскыны дошкольнöй возраста челядьöс кыв да культура дорö.