День чувашского языка 24.04.2021
материал

  Чăваш чĕлхи пуян та илемлĕ, янăравлă та çепĕç, паха та асамлă. Кашни çул ака уйĕхĕн 25-мĕшĕнче Чăваш чĕлхин кунне уявлатпăр. Çак чаплă уява И.Я.Яковлев çуралнă кунĕнче палăртма пуçланă.  

  Ака уйăхĕн 23 – мĕшĕнче Мăн Этмен шкул çумĕнчи «Шăнкăрав» ача садĕнче, ачасене И.Я.Яковлев ĕçĕ-хĕлĕпе паллаштарас, тăван халăх культурине хаклама тата упрама вĕрентес тĕллевпе,  «Янра, чăваш чĕлхи»  уяв иртрĕ.

   Ачасем уявра  чăвашла сăвăсем каларĕç, юрăсем юраларĕç тата ташăпа савăнтарчĕç. Унтан вĕсем «Ал татмалла» вăййа  хаваспах вылярĕç.

Уяв питĕ хаваслă та савăнăçлă иртрĕ.

    Чăваш чĕлхи малашне те кашни кун янăратăр – килте те, урамра та, хулара та, ялта та, пирĕн ача садĕнче те, шкулта та.