сценарий праздника ко дню рождения КЛ Хетагурова в старшей группе
учебно-методический материал (старшая группа)

Муниципалон бюджетон скъолаагъоммæйы  ахуырадон уагдон «Беслæны хъæуы №5- æм рæвдауæндон».

Сценарий

 Хетæгкаты Къостйы райгуырæн бонмæ.

хистæр къорд

Бацæттæ кодта ирон

æвзаджы хъомылгæнæг:

 Дзгойты М.К.

2021

Залы хъуысы ирон музыкæ. Астæуæй Къостайы портрет ,йа разы дидинджытæ. Чингуыты равдыст»Нæ дзыллæйы зæрдæ» ,газеттæ,журналтæ, къултыл нывтæ.

1. - Æвæццæгæн,  Фæззæг нæ зæрдæтæм хæстæгдæр уымæн у, æмæ мах кадджын уавæры фæбæрæг кæнæм , йæ ном æгас дунейыл дæр кæмæн айхъуыст, нæ уыцы уарзон æмæ номдзыд поэт Хетæгкаты Къостайы райгуырæн бон.

Сабитæ :

1 сыв :    Сыгъзæрин фест, бæркадхæссæг фæззæг!

               Æз дæу æппындæр ницæимæ барын…

               Ды Ирæн радтæй зæдыхуызæн лæг…

               Нæртон хъæбул - ирон гени – Къостайы!

2 сыв :   Къостайы бон æрцу та нæм æгас

              Дæ комулæфтæй а дуне фæхъæстæ.

              Сыгъзæрин доны сæвдæлди нæ бæстæ

              Нæ хæхбæстæ налхъуыт æмæ налмас.

              Къостайы фарнæй байдзаг уæнт нæ бæстæ.

              Æгас нæм цу Къостайы хур, æгас!

3 сыв:   Æнус æмæ æрдæджы размæ

             Хуыцауæй стыр лæвар æрцыд.

             Нæ уыдис ахæм лæг йæ размæ,

             Къоста нæм стъалыйау фæзынд!

Зарæг «Гыццылæй фосы хызта»

(сабитæ сбадтысты сæ бынæтты)

2.-  Ныр та бакæсæм  Къостайы тыххæй киномæ.

( Равдыст)

Хетæгкаты Леуаны фырт Къоста у ирон литерæтурæйы бындурæвæрæг,Ирыстоны адæмон фыссæг.Райгуырд 15-æм октябры 1859 азы,Нарыхъæуы,Уæлладжырыкомы.Йæ мад ГуыбатМæрийæ ,амард Къостайы райгуырды фæстæ.Схаста йæ се `рвадæлты ус Чендзе.Чендзе Къостайы уарзта йæхи хъæбулау.

Къостайы фыд Леуан уыд æфсæддон,арæх цыди балцыты.Къостайыл 5 азы куы сæххæст,уæд Леуан æрхаста ног ус,Сухиты Хъызмыдæйы.Фыдыус нæ бауарзта лæппуйы-арæх æвзæрста æфхæрд æмæ над.

Райдиан скъола каст фæци Нары.Стæй ахуыр кодта Дзæуджыхъæуы реалон училищæйы.Йæ фæстæ бацыд Стъарополы гимназмæ.Ам раргом йæ фыссæджы курдиат.Баххуысын кодтой уыцы хъуыддаджы йæ ахуыргæнджытæ:Неверов æмæ Смирнов.Иу аз-ма куы баззад ахуыр кæнынæн,уæд Къоста бацыд Бетъербухы Аивæдты академимæ.Кæронмæ йæ каст нæ фæци,уæззау царды уавæрты тыххæй.Æрцыд фæстæмæ Ирыстонмæ.Дыууæ хаты Къоста хаст æрцыд Ирыстонæй.

1899 азы рацыд «Ирон фæндыр» Сывæллæттæн æмæ сывæллæттыл фыст æмдзæвгæтæ фыццаг рауадзынмæ хъавыд хицæн чиныгæй, «Мæ лæвар Иры сабитæн».  

-Цы хуинынц ацы нывтæ?

Йæ цард–цæрæнбонты Къостатох кодта мæгуыр адæмы сæраппонд,сæ бартыл.

Амард 1906азы 1-æм апърелы.Ныгæд у ирон аргъуаны кæрты

- Цæмæй цæрæццаг кæнæм Къостайы абон? Цыт хæссы йæ ном? Къостайы ном рох нæу йæ номыл ис бирæ цыртдзæвæнтæ нæ горæты.

3. -Сабитæ, « Ирон фæндыр»-æй кæй фæнды  æмдзæвгæтæ радзурын?

(сабитæ дзурынц æмдзæвгæтæ)

4. -Сабитæ,Къоста чысылæй уарзта зарын æмæ хъазын!Сымах та уарзут?

(Ирон хъæзтытæ)

5.  Къостайы уацмысты хъусæм æххормаг сидзæрты кæуын, уынæм дзы сылгоймаджы фыдцард..Мæнæ куыд зары тых куыстæй цы мад бастад йæ хъæбулæн :

А-ЛОЛ-ЛАЙ!

Къух дæ ауызын фæразы…
Мæй дæ авдæнимæ хъазы.
Стыр лæг мын ысуай!..
А-лол-лай!..

Ракæндзынæн дын мæ зарæг…
Искуы кæд ысуис мæ дарæг,
Урс уæрыкк дын уон!..
о, мæ бон!..

Бадзурин дæм: уарз нæ бæстæ,
Ма цæ суæлдайкæ нæ фæстæ,
Ма цæ бафæллай!..
А-лол-лай!..

(Инсценировкæ .Чызджытæ зарынц )

 6.Нæ рæсугъд бæрæгбон æнæ кафтæй æххæст нæ уыдзæн! Хонгæ кафт

7.Нал ын бантыст бирæ хъуыддæгтæ :   йæ хæдзар æрдæг арæзтæй баззад, йæ уарзон чызг – куырдуаты, йе скъола – æхгæдæй. Фæлæ йе*ппæт сфæлдыстадæй абон дæр лæггад кæны Иры дзыллæтæн , рухс кæны фæлтæрты фæндæгтæ амонд  æмæ  рæстдзинадмæ,  кад æмæ намысмæ.Макуы ферох кæнут Къостайы!

Зарæг «О,Къоста»