Къэдгъэсэбэпа нормативнэ документхэр:

1. Урысей Федерацэм «Щ1эныгъэ егъэгъуэтынымк1э» и унафэ №273 29.12.2012 гъэ.

2. Къэбэрдей – Бэлъкъэр республикэм «Щ1эныгъэ егъэгъуэтынымк1э» и унафэ №23-РЗ 24.04.2014 гъэ;

3. Сабийм и щхьэхуитыныгъэр хъумэнымк1э конвенцэ;

4. ФГОС-ым сабий садым ипкъ итк1э    щ1эныгъэ егъэгъуэтынымк1э ящ1апхъэхэр, унафэ

№1155 октябрым и17 2013гъэ;

5. САНПиН 2.4.1.3049-13, маим и 15.05.2013г № 26;

6. Мы программэр къызэгъэпэщащ Ацкъан Р. И тхылъ «Анэбзэ»-м ипкъ итк1э, сабий садым ФГОС-м хуигъэув къалэнхэр хэпщауэ.

1.2 Программэм къигъэув къалэнхэр (цели и задачи программы):

• адыгэбзэм и макъ псори ягъэ1уфу къалэнхэр;
• тэмэму псалъэмакъыр яухуэн;
• дыкъэзыхъурейхь дунейм хащ1ык1ыр нэхъ куу щ1ын;
• художественнэ литературэм щыгъэгъуэзэн;
• псалъэ къэс мыхьэнэ зи1эр я акъылым къегъэубыдын;
• псалъэухам гупсысэ пыухык1а къызэри1уатэм гу лъегъэтэн;
• сабиим и гупсысэм зегъэужьын;
• зыхуей псалъэхэр къагъэсэбэпыфу егъэсэн.

Дэтхэнэ зы лъэпкъми и бзэ и1эжщ - и анэдэлъхубзэ, иризэпсалъэу, иризэгуры1уэу, ц1ыху: и гупсысэхэр, и гурыгъу-гурыщ1эхэр къыри1уатэу. Анэдэлъхубзэрщ лъэпкъым и лъэпкъыгъэр зыхъумэр - и тхыдэ гъуэгуанэр, и л1ыгъэр, и къарур, и хабзэ-нэмысыр, и

зэхэщ1ык1ыр, и экономикэ, политикэ, культурнэ зыужьыныгъэр здынэсыр зыгъэбелджылыр, а псори гъуджэм хуэдэу 1упщ1  къэзыщ1ыр.

Бзэр къулеигъэшхуэщ. Ар, нэр нап1эм зэрихъумэм хуэдэу, хъумэн хуейщ. «Бзэ зимы1эм - лъэпкъ и1экъым», - же1э ижь-ижьыж лъандэрэ къыддэгъуэгурык1уэ адыгэ псалъэжьым. Адыгэ лъэпкъым и1эжщ и бзэ - адыгэбзэ. Ар ди республикэм щызек1уэ къэралыбзэхэм ящыщ зыщ. Абы иригушхуапхъэщ. Ауэ нобэ, ди жагъуэ зэрыхъущи, адыгэхэм ди бзэм хуэтщ1 гулъытэр нэхъ мащ1э хъуащ. Абы иригузэвапхъэщ.

1эмалу щы1эр къэгъэсэбэпын хуейщ, анэдэлъхубзэр хъума хъуным, абы адэк1э зегъэужьыным папщ1э. Псом нэхърэ нэхъапэр ар къытщ1эхъуэ щ1эблэм егъэщ1энырщ, ф1ыуэ егъэлъэгъунырщ, егъэджынырщ. Адэ-анэхэм я ужьк1э, абык1э къалэнышхуэ я пщэ къыдохуэ егъэджак1уэхэм. Псом хуэмыдэу сабий садхэм щылажьэхэм. Абы къыхэк1к1э, дэ программэщ1э зэхэтлъхьащ. Ар, сабий садым к1уэхэм я ныбжь елъытауэ, 1ыхьэ- 1ыхьэурэ гуэшащ: илъэси 3—4, илъэси 4-5, илъэси 5-6, илъэси 6-7 зи ныбжьхэм папщ1э. Ар 1ыхьэ зыбжанэу зэхэлъщ:

хэзыгъэгъуазэ;

еджап1эм хуагъэхьэзырхэм сабий садым къыщыщ1эк1к1э грамматикэмк1э, анэдэлъху- бзэмк1э ящ1апхъэхэр;

методическэ чэнджэщхэр; махуэрыбжэ (календарнэ) планхэр;

Егъэджак1уэхэм анэдэлъхубзэр сабийхэм зэрыбгъэдалъхьэм елъытащ я бзэр ф1ыуэ ящ1эу, абы и пщ1эр я1эту, щалъхуа щ1ып1эр ф1ыуэ ялъагъуу, дыкъэзыухъуреихь дунейм щыгъуазэу, 1еймрэ ф1ымрэ къагуры1уэу, нэхъыжьри нэхъыщ1эри зэхащ1ык1ыу, гулъытэ я1эу, хьэл-щэн дахэ яхэлъу тэмэму гъэсауэ ахэр балигъ гъащ1эм хэша хъуныр.

Егъэджэнымк1э мурадхэр: задачи

Зызымыхъуэж мураду адыгэбзэр егъэджыным сытым дежи иIэр абы къызэфIигъэкIын хуейуэ гъащIэм къыхуигъэув къалэнхэр гъэзэщIэнырщ, икIи ар техуэу щытыпхъэщ «адыгэбзэ» предметым хуаIэ еплъыкIэм, бгъэдыхьэкIэм, абы нэхъыщхьэу хэлъ гупсысэхэм. ЦIыхухэр иризэпсалъэу, зэрызэпыщIауэ щытыным бзэр хуэунэтIынымкIэ мурадыр псоми зэхуэдэу (общеобразовательнэ) ягъуэтын хуей щIэныгъэхэмкIэ щыIэ Iэмалхэм я

зы хэкIыпIэу ар увынырщ, абы езым къыхэкIыжу щытщ сабийхэм бзэмкIэ нэгъуэщI IуэхущIафэ гуэрхэми щаIэ зэфIэкIхэм хэгъэхъуэн, зегъэужьын, зэпыщIа зэрыхъу Iэмэпсымэу бзэр къызэрагъэсэбэп щIыкIэхэр егъэфIэкIуэн, балигъхэр зыхэт (зыхэпсэукI) гъащIэм жыджэру хэтыфын папщIэ, зыхуеинум хуэдиз зыужьыныгъэ я бзэм игъуэтауэ зэрыщытыпхъэри. Нэхъ пыухыкIауэ а мурадхэр мыпхуэдэу бгъэбелджылы хъунущ:

сабийм псэкIэ зыхищIэхэр, и гурыгъу-гурыщIэхэр, зыхущIэкъур (зыхуэпабгъэр), къэзыухъуреихь дунейм хуиIэ еплъыкIэр псалъэм иIэ зэфIэкIхэмкIэ къэгъэлъэгъуэфын, къэIуэтэфын, нэхъыбэрэ къигъэсэбэп псалъэхэми нэхъ мащIэрэ къигъэсэбэпхэми я бжыгъэм хэгъэхъуэн;

• нэмыс яхэлъу, хабзэр, адыгагъэр, адыгэ напэр псалъэм къыщымынэу,                                                                                   яхьэл – щэн дахэхэмк1э, я дуней тетык1эмк1э къагъэлъэгъуэфу сабиййхэр гъэсэн;