Мастер - класс Сюжетлы – ролле уйын : “Умарталыҡта” ( Сюжетлы –ролле уйын аша балаларҙың телмәрен үҫтереү)
методическая разработка (средняя группа)

                  Муниципальное автономное дошкольное образовательное

                     учреждение Детский сад №17 "Шатлык" муниципального

                      района Мелеузовский района Республики Башкортостан

                                               Мастер - класс

       Сюжетлы – ролле уйын : “Умарталыҡта”

    ( Сюжетлы –ролле уйын аша балаларҙың телмәрен үҫтереү)

                                                                                          Әҙерләне: Исмәғилова Ф . Н.

      Сюжетлы – ролле уйын : “Умарталыҡта”

Маҡсат:

         -         Бал ҡорттары тураһында төшөнсәне асыҡлау һәм уларҙың ҡайҙа йәшәүен һәм нисек бал йыйыуын өйрәнеү  ;

-         Башҡорт балының файҙаһы тураһында белемде нығытыу, ҡайҙа һәм нисек ҡулланылыуын өйрәнеү;  

-         Балалар менән ниндәй балдың тәмле булыуын һәм уның улар өсөн нимә икәнен асыҡлау.  

Үҫтереүсе маҡсат : 

-         Балаларҙың телмәр әүҙемлеген арттырыу; 

-         Һүҙлекте     байытыу:    бал    ҡорттары,   бал,   умартасы,   ҡортсолоҡ, солоҡсолоҡ, кәрәҙ, умарта, һуттар, балауыҙ,

 Тәрбиәүи маҡсат :

-         сюжетлы уйын  барышында балалар араһында яҡшы мөнәсәбәт тәрбиәләү;

-         Тыуған яҡты өйрәнеүгә, башҡорт кәсептәренә һөйөү һәм ҡыҙыҡһыныу уятыу.

Йыһазландырыу:костюмдар, умарта,сәскәләр, кәрәҙле бал,

 Уйын алдынан тәрбиәсе балалар менән  әңгәмә үткәрә, һүрәттәр күрһәтә, атрибутика менән таныштыра.

Ойоштороу мәле: Һаумыһығыҙ, балалар. Бөгөн беҙ һеҙҙен менән умарталыҡҡа барабыҙ.  Балалар,  һеҙ уйында кем булырға теләйһегеҙ, ролдәрҙе нисек бүлеүебеҙ хаҡында уйлашайыҡ (ролдәрҙе бүлеү, хеҙмәт хәрәкәттәрен нығытыу,  бейджиктар тағыу , костюмдар кейеү, ролдәрҙе бүлеү).

Һанашмаҡ ярҙамында ролдәр бүлеү.

(Балаларға уҙҙәренә оҡшаған ролде алыу мөмкинселен биреү ҙә хуплана).

 Тәрбиәсе:

 Сәскәнән сәскәгә

Бал ҡорто оса

Һиңә,минә,уға

Тәмле бал йыйа.

Бер,ике,өс

Һин сығып ос.

Эҙәрмән бал ҡорто(разведчик),бал ҡорттары, умартасы,айыу.

Уйын барышы: 

Уйнарға  бөтәбеҙ ҙә яратабыҙ,әйҙәгеҙ куҙҙәрҙе йомдоҡ, һәм йәмле йәйҙе  күҙ алдына килтерҙек,сәскәле ялан,ҡояш көлә,бал ҡорттары сәскәнән сәскәгә ҡунып бал йыя. Шул яланда барғығыҙ киләме, әйҙәгеҙ күҙҙәрҙе йомдоҡ һәм урындарҙа әйләнәбеҙ.

-Әйләндек, әйләндек

 Сәскәле аҡланға

Беҙ килеп сыҡтыҡ.

Ә аҡланда бал ҡорттары эш менән мәшғүл. Разведчик(Эҙләүсе) бал ҡорто ҡайһы урында ин  шәрбәтле һутлы сәскәләр барлығын тикшереп сыға . Аҙаҡ эшсе бал ҡорттарын саҡыра.

Разведчик(Эҙләүсе) бал ҡорто:

(без-без без)

Килегеҙ,килегеҙ

Сәскәләрҙе күрегеҙ.

Шәрбәтле һут йыйығыҙ,

Эш менән һеҙ булығыҙ.

( бал ҡорттары булып кейенгән балалар, сәскәнән сәскәгә ҡунып нектар йыйа).

 Аҡланға айыу сыға,умарта тирәләй йөрөй.

Айыу:

Мин тайыш табан айыу,

Мин яратам тәмле бал.

Бал ҡорттары ҡасығыҙ,

Бында хужа ағағыҙ.

Умарта тирәләй йөрөй, бал ҡорттары күмәкләп һөжүм итәләр,айыу ҡаса.

Бал ҡорттары эш менән мәшғүл була.

Бал ҡорттары:

Беҙ,беҙ,беҙ генә

Беҙ үҙебеҙ шуҡ ҡына

Сәскәләрҙән һут йыябыҙ,

Матур кәрәҙ ҡоябыҙ.

Кәрәҙҙәргә мөлдөрәмә

Бал тултырып ҡуябыбыҙ.

Аҡланға умартасы сыға.Умарта тирәләй йөрөй. Бал ҡорттары уратып осалар, сағырға теләйҙәр. Умартасы төтәткес ярҙамында  уларҙы ҡыуа.

Умартасы:

Тәмле балды алайым,

Ауыҙ итеп ҡарайым.(Ашай)

Рәхмәтемде әйтәйем,

Яны кәрәҙ ҡуяйым.

Кәрәҙҙәрҙе алып  күрһәтә. Һауыттарға һала.Уйын шул рәүешле дауам итә.

Йомғаҡлау: Беҙ һеҙҙен менән бөгөн умарталыҡта булдыҡ, һәм бал ҡорто тормошонан күп нәмәләр белдек.

• Уйын һеҙгә оҡшанымы?
• Умарталыҡта һеҙ нимәләр эшләнегеҙ?
• Ниндәй ролдәрҙе башҡарҙығыҙ?