Теруччубун билиим
проект (средняя группа)

Бырайыак  “Тѳрүччүбүн билиим”  

Саха киһитэ туора сир киһитин көрсө түстэ да, төрдүн – ууһун ыйытар үгэстээх:: «Хантан хааннаах, кимтэн кииннээх киһигиний?» диэн. Саха омук биир үтүө үгэһэ уруум – аймаҕым диэн өйдөбүлэ. “Төрөөбүт дьонун – сэргэтин, төрөөбүт норуотун кытта сибээһэ быһынна да, киһи үөтэлээбэт”,- диэн саха народнай суруйааччыта Софрон Данилов суруйан турардаах.

Оҕону иитии педагог – оҕо – төрөппүт схематыттан тахсан оҕо олоҕор алтыһар дьонун – сэргэтин бүтүннүү хабар. Оҕону иитиигэ ийэ, аҕа эрэ кыттар буолбатах – эдьиий, убай, күтүөт, саҥас, эбээ, эһээ. Ыраах – чугас аймах бүттүүн хайа эрэ өттүнэн этэн – саҥаран эрэ буолбакка, быһыытынан – майгытынан, холобурунан иитэр – үөрэтэр. Хас биирдии ыал, уруу – аймах бэйэлэрэ да билбэттэринэн оҕону иитиигэ үтүө өрүттэрдээх, үгэстэрдээх. Ону таба көрөн, арыйан уһуйаан иитэр – үөрэтэр үлэтигэр туһаныахха, дьиэ кэргэни кытта биир сыалы – соругу туруорунуохха диэн өйтөн – санааттан бу бырайыак тэриллибитэ.

Аныгы кэмҥэ эдэр көлүөнэ уонна өбүгэ ситимэ мөлтөөтө, оҕо кыра эрдэҕиттэн бэйэтин өбүгэлэрин буолуохтааҕар чугас урууларын, аймахтарын туһунан билбэт. Холобурун ыллахха, оскуолаҕа киириэн иннинээҕи саастаах оҕолор эбэлэрин, эһэлэрин ааттарын, тугунан дьарыктаналларын билбэттэрэ – олоххо баар көстүү.

Бырайыак сыала: Оскуола киириэн иннинээ5и саастаах оҕоҕо төрүччүтүн билиhиннэрии

Соруктара: Оҕоҕо дьиэ кэргэн историятыгар интэриэһи үөскэтии, төрөппүттэргэ, дьиэ кэргэн үгэстэригэр ытыктабыллаах сыһыаны иитии, төрөппүттэри төрүччүнү оҥорууга көхтөөхтүк кытталларын ситиһии.

Бырайыак хабар кэмэ: 3 сыл (орто, улахан, бэлэмнэнии біліх)

“Төрүччү”  бырайыак ыйдарынан былаана. 1 сыл

“Төрүччү”  бырайыак ыйдарынан былаана. 2 сыла (Улахан біліх)

“Төрүччү”  бырайыак ыйдарынан былаана. 3 сыла (бэлэмнэнии біліх)