Инсценировка "Бакчада".
материал на тему

           Инсценировка «Бакчада»

Кыз-

Кәҗә-

Кәбестә-

Суган-

Кишер-

Помидор-

Кыяр-

Сарымсак-

Кабак-

Кәҗәләр-

Яшелчәләр биюе. (музыка астында чыгып бииләр дә, түтәлгә кереп утыралар)

Кыз:  (кәрҗин тотып керә, җырлый)

          Әни тагын эш кушты-

          «Бакча ни хәлдә икән?

          Белеп кайт әле» - диде.

          «Яшелчәләрне җыеп

          Алып кайт әле» - диде.

Нәрсәгә дип азапланып утыралар икән бу яшелчәләр? Ни файдасы бар икән аларның?

1. Кәбестә:

 Мин булам - Кәбестә.

            Үзем яшькелт төстә.

            Күлмәгем күп катлы,

            Үзем бик тә татлы.

            Ашларга да төшәм мин

            Бәлештә дә пешәм мин.

            Чөнки мине балалар

            Көн дә көтеп алалар.

        Кыз: 

                  Ярар, сине алырмын,

                  Кәрҗинемә салырмын.

2. Суган: 

      Минем исемем – Суган.

           Мин Һиндстанда туган.

           Мине бик тә мактыйлар,

           Шифалы дип атыйлар.

           Салатка да турыйлар,

           Тураганда елыйлар.

         Кыз: (юатып)

                Ярар, сине алырмын,

                Кәрҗинемә салырмын.

3. Кишер: 

Минем исемем – Кишер.

            Теләсәң, болай пешер.

            Теләсәң, ашка тура.

            Мине яраткан бала

            Озын гомерле була.

Кыз:        Ярар, сине алырмын,

                Кәрҗинемә салырмын.

4. Помидор:

Мин - Помидор,Помидор.

           Кояшка гел карадым,

           Шуңа күрә кызардым.

           Кыз: 

                Ярар, сине алырмын,

                Кәрҗинемә салырмын.

5. Кыяр: 

Үзе яшел, үзе тәмле,

           Һәм чәнечкеле була.

           Турасаң да, тозласаң да,

           Кетер-кетердәп тора.

          Кыз: 

                Ярар, сине алырмын,

                Кәрҗинемә салырмын.

6. Сарымсак:

           Мин - Сарымсак, Сарымсак.

           Салкын тиеп авырмассың,

           Әгәр без бергә булсак.

          Кыз: 

                Ярар, сине алырмын,

                Кәрҗинемә салырмын.

7. Кабак: 

Ә мин булам – Кабак.

           Әйтмим, кабат-кабат.

           Бик файдалы зат мин.

           Тик мин җәяү кайтмыйм.

(кулларын күкрәгенә куеп, турсаеп баса)

Кыз: Ярар, күтәреп кенә алып кайтырмын үзеңне. Турсайма. Кәрҗинем бәләкәйрәк булган, тиз генә кайтып дәүрәген алып килим әле. (китә)

Кәҗә җырлап керә:

Мин – Кәҗә-Мәкәрҗә.

Аерыдыр тоякларым.

Бакча эчләрен гизәргә

Яралган аякларым.

Яратам кишерен,

Яратам суганын,

Кәбестәсен, борчагын.

Яратам мин барын да!

Мә-мә, мә-мә-мә,

Барыгыз да үземә.

Дусларым!  (дусларын чакыра)

Музыка. Кәҗәләр биюе.

(яшелчәләр белән түгәрәк ясап куышканда Кыз керә)

 Кыз: Минем яшелчәләрем,

Еламагыз, туктагыз.

Бернидән курыкмагыз!

Кәҗә бакчага кергән –

Чыбык татыйсы килгән.

Кәҗә: Таяк белән чыбыкка

Кәҗә малы бирешми.

Дөнья күргән кәҗәгә

Аннан курку килешми.

Яшелчәләр кәҗәләрне түгәрәк эченә алалар, чыгармыйлар.

Музыка: «Кот Леопольд»

Кәҗәләр: Кызганыгыз безне, зинһар.

                Бүтән бакчага кермәбез, яшелчәләргә тимәбез.

Кыз: Гафу итәбезме боларны?

Бергә: Гафу итәбез.

Музыка: «Кот Леопольд»

Дуслык турында җыр.