Сценарий праздника Шагаа для старшей группы
методическая разработка (старшая группа)

Муниципальное бюджетное дошкольное образовательное учреждение д\с №4 «Сайзанак»

«Шагаа - тыва чоннун байырлалы!»

Улуг болуктун уругларынга

:

Кижизидикчи башкы:

Донгак С. А

Мугур-Аксы 2020ч

                               «Шагаа - тыва чоннун байырлалы!»

Сорулгазы: 1. Чанчыл болган тыва чоннун байырлалы Шагаа-биле уругларны таныштырар;

2. Уругларны хой чон мурнунга бараалгап билирин, шулук, ырыны, танцыны тода коргузерин сайзырадыр;

3. Оскен торээн черинин культуразынга уругларны ооредип кижизидер.

Словарлыг ажыл: кудук базып, чолукшуур, думаа-ханаа, сол-ла, дээжизи. 

Дерилгези: Байырлалды эрттирер залда тыва огнун дериг-херекселдерин таарый салган. Тыва хогжум аялгалары.

Киржикчилери: Кырган ава, кырган ача, башкы, уруглар.

Башкы: Амыр-мендинер айтырбышаан, кайгамчыктыг Шагаа-биле кудук базып могейбишаан, уругларын бистер-аалдап чедип келдивис кырган-авай, кырган-ачай! Аалынарда мал маганынар, амыр тур бе?, тайбын тур бе? (Уруглар кырган-ава-биле денге чолукшуур, оожум тыва аялга ойнап турар).

Кырган ава: Амыргын-на амыргын! Мал маганывыс тайбын эки тур уругларым. Шаг шаандан тура бистин ада-огбелеривис чаа чылды уткуп, байырлап чораан болгай.  Шагаага эрги чылды удээр, чаа чылды уткуур, ынчангаш шагаанын будуу хунунде улус шупту удувас, хондур ойнап-хоглеп, тывызыктажып, улегер домактажып, дурген-чугаага, кажык дээн ышкаш оюннарга чижип тура хонар турган. Чаа чылдын эртенинде огде орган улус аржаан-биле чуннуп, идик-хевин харга кактаар. Тей кырынга сан салгаш, от-костун кырынга артыштан эгелээш, бугу аъш-чеминин дээжизин салгаш, оран-тандызынга оргуп, чудуп-тейлеп, йорээл салыр чорааннар.

Башкы: Шагаа деп чул ол уруглар?

Кежик: Шагаа дээрге тыва чоннун

Чаагай сузук чанчылы-дыр.

Айнын чаазын, хуннун эртезин

Алгап йорээн байыры – дыр.

Шаанак: Огбелернин

Ончу кылдыр

Шаандан тура

Салгалдарга

Арттырып каан

Шагаазы бар –

Чараш чанчыл.

Ален: Чылдын соолгу эргилдези –

Чыккылама кышты солуур

Чаагай часты уткуп алыр,

Шагаа айы чаа чыл-дыр.

Дана: «Аа», «шаг» дижир

Сузук ойде

«Ава» черге

Судун оргуур.

Санын салып,

Чалбаргылаар.

Чаа хун-биле

Амырлажыыл!

Кадак сунуп

Чолукшуулу!   

 (Тыва хогжум аялгазы - биле кырган-ава артыжаар.)

Кырган ача:  Арат-чонум, ажы-толум,

                         Амыр-менди айтырбышаан,

                          Буурул бажым могейдим.

                         Айым чаазы, хунум эртези

                         Ажы-чемивис делгеп алган,

                         Чаа чылывыска оргуп,

                         Чамбы-дипке чалбарып тур мен!

(Ол-бо чукче чалбарып могеер, артыш салып айдызаар.)

Башкы: Артыштын чыды багай чуулдерден камгалап, арыглаар, сагыш сеткилди оожургадып, мага бодувусту сергедип куш киирер. Артышты тыва чон шаг шаандан тура амгы уеге дээр ажыглап чоруур.

(Ол уеде кырган-ава чажыын белеткээр, тос-карак-биле судун оргуп тура)

Кырган ава: Айым-хунум, дээрим оршээ!

                      Аржаан суглуг хемнерим оршээ!

                      Аным-меним, тайга-тандым оршээ!

                       Холегелиг Ак-Баштыым оршээ!

                        Бажы бедик Монгун-Тайгам оршээ!

                       Чажыым чажып, чалбарып тур мен,

                                оршээ хайыракан!!!

Кырган ача:  Чаа унген куске чылдын найырында

                          Чедип келген ажы-толувуске йорээл доктаап,

                          Элбекшили ковей болуп бодаразын,

                           Эмизинге багай чуве арлы берзин!

                                  Курай-курай!  (шупту курайлаар)

Башкы:         Шагаа деп чул?

                        Шагаа дээрге тыва чоннун,

                        Чаагай сузук чанчылы-дыр.

                        Чаа чылдын шагаа ырын

                        Чаштар биске бараалгадыр.

Улуг болуктун уругларынын кууселдезинде ыры «Шагаа хуну келген».

Башкы:         Шагаа хуну моорейлиг,

                        Адыг-чарыш маргылдаалыг,

                        Шуру шуудуп, кажык адып

                        Тывызыктан тываалынар!        

        (уруглар тывызыын ыдарга, ада-иелер тывар, тып чадай берген таварылгада баажызын айтырып ап болур.

«Тызыым дытта, тоолум дошта» тывызыктар моорейи.

Ай-Кылана: Дээрде тепкииштиг, ховуда кокпалыг. (ээремчик)

Яна: Шокар тоннуг, шоглап эртти. (дуктуг ары)

Виолета: Чаргаш тоннуг, чанчап эртти. (сааскан)

Сылдыс: Тии чок торгум, дизии чок чинчим. (дээр, сылдыстар)

Д.Сандан: Дорбелчин боттуг, дорт чузун малдыг. (кажык)

Аделина: Коорге коску, тударга туттунмас. (холеге)

Айдаан: Тудуп аарга, тудумга ой.

Октаарга шойлуучел, ораарга дурлуучел. (аргамчы)

Яков: Кулак, кудуруу, даваны чок

Кургаг черге мунмас аъдым. (хеме)                

   Башкы: Тывызыктап тоолдаштывыс-даа, дыжын хандыр хоорештивис-даа.  «Тыва чонувустун оюннары» - деп ырывысты бараалгадып ырлаптар бис бе уруглар?!

Башкы: Дурген-чугаа, кожаннажыр, дыка чараш сагылгалыг бис. Ам дараазында дурген чугаага моорейден чарлаайн.

Денис: Хаяалаза

Хаяаланзын

Хаяаларга

Хаяаланзын!

Чээргенелзе,

Чээргеннелзин,

Черзи чудук

Черге чытсын!

Батый: Туруглаза,

Туругланзын,

Чунма, телер

Чудавазын!

Чыраалаза,

Чыраалазын,

Чылгы малдар

Чыраалазын.

Туяа: Шынаалаза

Шынаалазын,

Шыгын оъттап,

Шынаалазын,

Ооретсинзе,

Оорушкулуг,

Оорлерим дег,

Ооренир мен.

Сулдем: Билдим, билдим

Биче шынаа –

Шынаалаза,

Шыргай сериин,

Серииннелзе –

Сериин чайлаг,

Чайлаглаза –

Чаагай сиген.

Башкы: Шагаа хуну моорейлиг,

Адыг-чарыш маргылдаалыг,

Чадан адаал, багдан кагаал,

Адааннажып тевек тевээл.

Бирээ, ийи, уш че-ве!

Бир-даа катап дужурбээли.

Алдан ажыр тепкеш,

Ам-даа туруп могавас.

Тевек теп турувуста.

Денди демниг толдер бис.

(Оолданын танцы самы «Тевек»)

Башкы: Шагаа байыр уезинде

Саржаг, чокпек, далган тараа,

Ак чем элбек – тавак долу

Аъш-чем дугайында шулуктеривис ыдыптаалынарам чаа уруглар?!

Монгун-Очур:

Шымырарып унген коктен

Шынап ынчан сут саан элбээр.

Холу чемзиг авайларнын

Хойтпаан ишпээн тыва ховар.

Рустам:

Тыва чемде курут ышкаш

Дылга, ааска эстип калыр.

Ынчалзажок кужур ханар

Ындыг чемни кым-даа тыппас.

Ограадай:

«Суттуг чемнер хоолулуг» деп

Суме – чагыы энерелдиг.

Чоптуг, ишчи кырган-авам

Чокпек хайындырып ооредип каан.

И. Сандан:

 Чыды чаагай далганымны

Чыглып келген торел-доргул

Саржаг каггаш, суттуг шайга

Сагыш хандыр былгап чиир бис.

Аселья:

Хырбачалыг мунун ишкеш,

Хыы-ханар – кужур ханар.

Тыва кижи аъжы- чеми

Тывызыксыг, эмниг домнуг.

Башкы: База бир тыва чемивистин бирээзи хырбача болгай, Хырбачавысты ырлаптар бис бе чээ уруглар!?

Булат:

Эргилделиг чылдарывыс

Эн-не соолу хаван чылы-дыр,

Кеми-даа чок, багы-даа чок-

Кээргенчиг амытан-дыр.

Хаван чылын хундуленер

Хаван дижип, соглевенер.

Харын, ону алгап йорээп,

Хамык улус тейлеп чоруул.  

Санджай:

Амыдырал база билир

Айыыл халап эндевес-даа

Чогум боду уян-даа бол

Чолу бедик амытан – дыр.

Хамык чылдар эгези боор

Куске чылын хундуленер

Карыш четпес боттуг-даа бол,

Кучу ында, могейинер!

Ай-Белек:

Шагаа хуну уругларга

Шагнын чаагай байыры-дыр

Оюн-тоглаа, каткы, чугаа

Ол хун черле узулбес – тир.

 Башкы: Шагаа хунун каастаар кандыг солун оюннарны ойнавас боор, шаг шаандан тыва оюн «Чинчи чажырар», кончуг-даа солун оюн ойнаптаалынарам че уруглар!                                                

  Оюн уругларга) «Чинчи чажырар»

Башкы: Эр хейлер! Дыка-ла солун кылдыр ойнадынар.

                                  Тыва кыстын сынын каастаан

                                   Чычыы торгу хевин кеткен

                                   Тывызыксыг, тоолзуг чараш.

                                   Тыва чурттуг уругларнын

                                   Танцылаарын корээлинер.

           (тыва аялганын уделгези-биле уруглар самы).

Башкы: Ам дараазында ада-иелерге «Узун тынышка» моорейден чарлаалынар!

Башкы: Долгандыр четтинчипкеш ойнаптаалынарам чаа уруглар!

                                           Хоровод «Арбай хоор»

Кырган ава: Огге кирген аалчы, аяк эрии ызырар, хундулеп сунар тыва чемивис, хундуткелдиг суттуг шайывыс, суксаанда суксун чидирер, сергедип куш киирер, амданныг-ла тыва шай!

(Аалчыларга шай кудуп, столда салган тыва чемнер биле хундулээр)

Башкы:                       Бистин байырлалывыс дооступ тур

Чонувустун шагаа байырында

Чолукшуп –даа, ойнап-хоглеп-даа, алдывыс

Сеткил сергек, омак-хоглуг кириштивис,

Аалынарга оорушку, хоглээшкин узулбезин кырган-авай, кырган-ачай.

Шагаавыста ыт чылын уткудувус

Чаа чылда арат чонум байлак чорзун!

Курай! Курай! Курай!

Ажыглаан литература:

1. Шагааның дөзү болгаш езу-чанчылдары. Шагаа байырлалынга тураскааткан Төгерик ширээниң материалдары. Кызыл,хоорай 2015ч.
2. Шагаам-сузуглелим.Чап Чулдум. Кызыл 1998ч.
3. Кужугет А. К. Шагаа // Круг знания. Научно-информационный журнал. Вып.I. Кызыл, 1998.С.46.