Сценарий "Прощание с елкой"
материал (младшая, средняя, старшая, подготовительная группа)

Харыйаны кытта быраһаайдаһыы сценарийа.

Ыытааччы: Дорооболоруҥ, о5олоор! Саҥа Дьылбыт үүннэ, Дракон сыла кэллэ. Корүҥ эрэ, харыйабыт чуҥкуйбут. Соҕотох садикка туран хомойбут. Кинини уһугуннарабыт даа? Тохтооҥ эрэ, харыйабыт тугу эрэ сибигинэйэр (иһиллиир). Аа, оҕолор чуумпурдуннар, болҕойдуннар уонна олоппоско олордуннар. Мин тыастан- уустан куттанан турабын- диир.

Оҕолор бары олороллор.

Кинини сэргэхситэ таарыйа уотун күлүмүрдэтиэххэ, сандаардыахха. Оччоҕо кини үөрүө, биһигинниин көрүлүө. Биир, икки, үс харыйа уота сандаар (3 төгүл).

Ёлка уота умайар.

Бары илиибитин тутустубут, уонна хоробуоттуоххайыҥ. Икки круг оҥоробут. Кыралар ортоку тураллар, улахаттар улахан хоровод оҥороллор. Уонна харыйабытыгар анаан ырыа ыллыыбыт.

• Маленькой елочке
• Лаглайбыт күөх харыйачаан

Аны билигин оонньуу оонньуохпут. Харыйабытын симиэхпит. Оонньуубут аата «Мы повесим шарики». Музыканнан оонньуубут. Бары бииргэ үтүктэбит.

Оонньуу «Мы повесим шарики»

Наһаа үчүгэй оонньуу дии. Олоппоско баран олоруҥ, ким кэлэрин көрүөхпүт.

Нарын муусыканнан Хаарчана киирэр.

Хаарчаана: Дорооболоруҥ, оҕолоор! Бу мин Тымныы О5онньор сиэнэ Хаарчаана буолабын. Саҥа Дьылбыт үүннэ, үөрүү- көтүү аргыстанна. Мин эһиэхэ бэйэм эрэ ыалдьыттыы кэллим, Эһээ Дьыл бэйэтэ сатаан кэлбэтэ. Оҕолордуун баран оонньоо диэтэ. Оонньуубут да, оҕолоор?

О5олор: Аһаа!

Хаарчаана: Мин хаар кыыһа буолабын, онон хаарынан бырахса оонньуоххайыҥ. Бастаан кыралар, онтон улахаттар. Ол гынан баран быраабыланы тутуһабыт. Харыйабытын уонна бэйэ- бэйэбитин сэрэнэбит.

Хаар бырахсыы

Маладьыастар! Олоппоско баран олоруҥ.

Эмискэ тыал музыката тыаһыыр, саһыл тоҥо- тоҥо киирэн кэлэр.

Саһыл: Ыччуу ычча, мин дэлби тоҥнум. Дорооболоруҥ, дьоллоох оҕолор! Миигин кытта оонньооҥ, сэргэхситиҥ.

Хаарчаана: Саһыл барахсан, аны киэбирбэт инигин? Үтүө санаалаах эрэ буоллаххына, оҕолор эйиигин кытта оонньуохтара.

Саһыл: Мин бу сылга барытын өйдөөтүм. Дьүһүнүм, майгым уларыйда. Онон миигин кытта доҕордоһуҥ! (көрдөһөр).

Ыытааччы: О5олоор, саһылы кытта Саҥа Дьыллааҕы поеһынан айанныаххайыҥ.

Новогодний поезд

Маладьыастар. Бары биир круг оҥордубут эрэ. Билигин Хаарчаана үтүлүгүнэн эһиги илиигитин, муннугутун, кулгааххытын, иэдэскитин, искитин, атаххытын тоҥортуо. Эһиги түргэн үлүгэрдик кистии охсуохтааххыт.

Оонньуу «Тоҥоруом»

Хаарчаана: Бары да түргэттэргит эбит. Баран олоруҥ. Өссө биир оонньуу оонньотуом. Икки хамаандаҕа арахсабыт. Уонна хаары биир чөмөхтөн(сугроб), икки чөмөх оҥоробут. (хамаанда5а 8 о5о, күрдьэххэ хаар ууран баран обручка ууран иһэллэр).

Оонньуу Чөмөх хаар

Бары хамаандалар маладьыастар. Көрүҥ эрэ, харыйабыт үөрбүт- көппүт. Ол да буоллар бириэмэ ыгым. Харыйабытын кытта быраһаайдаһар бириэмэбит кэллэ. Бары киниэхэ “Сыл бүтүүтэ көрсүөхпүт”- диэн иллээхтик этиэххэйиҥ!

Ыытааччы: Эһиэхэ эмиэ барыгытыгар көрсүөххэ диэри. Хаарчаана, саһыл кэлэн биһигинниин буолбуккутугар махтал буоллун! Бары хаартыска5а өйдөбүннүк курдук түһүөххэйиҥ!

Манан кыракый аралдьыйыыбыт түмүктэнэр.