Сценарий праздника 9 мая
методическая разработка (младшая группа)

Улуу Кыайыы 80 сылыгар аналлаах аралдьытыы сценарийа

2 кыра бөлөх

Буолар күнэ: Ыам ыйын 7 күнэ 2025 сыл

Сыала: О5олорго Кыайыы өйдөбүлүн биэрии, Ийэ дойдуга бэриниилээх буолууга иитии

Туттуллар тэриллэр: проектор, экран, ленталар, 2 кегли тиэммит быалаах массыына, пазл “Байыаннай техникалар”, альбомтан быһыллыбыт холууптар, өҥнөөх кумааҕылар, килиэй

Музыка «День Победы». Байыаннай таҥастаах о5олор илиилэригэр флажоктаах хааман киирэллэр, төгүрүччү хаамаллар, саахымат тураллар

Музыка «Принимаю я парад»

Ыытааччы: 

Ыам ыйын ча5ылхай халлаанын анныгар

Ньиргийэн биир ырыа тыллара тар5анна,

Ол ырыа тыллара өй сүрэх ылларан

Эргиллэн кэлбэтэх саллааты аҕынна.

Уруй буоллун Кыайыы күнэ!

Өспөт сүҥкэн кэриэс күнэ!

Айхал буоллун көҥүл күнэ!

Өлбүт герой тиллэр күнэ!

        Саха саллаата ханна ханна тиийбэтэ5эй. Улуу Москва столицабытын туруулаһарга, кырыктаах Ленинград блокадатыгар, Сталинградтааҕы кыргыһыыга, Украинаны, Белоруссияны, Прибалтиканы босхолооһуҥҥа, Польшаны, Венгрияны, Румынияны, өстөөх арҕаҕын Берлины самнарыыга барытыгар саха хорсун саллааттара бааллара. Кинилэр эр санаалаахтарынан, сэмэй майгыларынан, туйгун ытааччыларынан аатырбыттара.

Минута молчания. Биир дойдулаахтарбытын, сэрии хонуутуттан төннүбэтэх, биһиги дьоллоох олохпут иһин олохторун биэрбит бу күҥҥэ кыайан тиийбэтэх сэрии, тыыл ветераннарын сүһүөхпүтүгэр туран ахтан – санаан ааһыаҕын...

Презентация көрүү “Кыайыы күнэ”

       Биһиги Сахабыт сирин дьоно бу Улуу сэриигэ көхтөөхтүк кыттыбыта. Ол күнү биһиги эһэлэрбит, эбэлэрбит үчүгэйдик өйдүүллэр, биһиги бары ол күнү умнуо суохтаахпыт!

Хоһоон «Кыайыы күнэ»

Оонньуу хомулук «Байыаннай техникалар»

Ыытааччы:  Ыам ыйын 9 күнэ

Улуу Кыайыы өрөгөйө

Үөрүн – көтүн оҕолоор,

Күөрэгэйдиин ыллаһан

Көтө – дайа үҥкүүлээн.

Оонньуу “Паараҕын бул”

(Музыка. Оҕолор ыһыллан сүүрэллэр, музыка тохтуур, араас өҥнөөх ленталар параларын булаллар)

Хоһоон «Билигин мин кырабын»

Ыытааччы: Хас биирдии уол улаатта5ына массыына ыытыан ба5арар. Армия5а эмиэ суоппардар бааллар. Билигин ким түргэнник снарядтаах массыынаны ыытарын быһаарыахпыт.

Оонньуу «Суоппардар»

(2 о5о тахсан быалаах массыыналары эрийэллэр, ким урут массыыната кэлбит, кыайар)

 Оҥоһук оҥоруу “Эйэ холууба»

Ырыа «Саллаат буолуом»

Түмүк.

Бүгүн биир киһилии сэриини утарабыт,

Оҕо барахсан көҥүллүк көччүйдүн,

Сибэкки барахсан силигилии үүннүн,

Күөрэгэй чыычаах уһуннук ыллаатын,

Сэрии суох буоллун!

Айхал, Улуу Кыайыы күнүгэр!

Хаартыскаҕа түһүү