"Шапка, шарф кигән кар бабайлар”
план-конспект занятия (старшая группа) на тему

“Татарстан Республикасы Саба  муниципаль районы ш.т.б. Байлар Сабасы гомуми үсеш бирүче төрдәге Саба №2 “Әллүки” балалар бакчасы”                              мәктәпкәчә  белем    бирү  муниципаль  бюджет    учреждениесе

Зурлар төркемендә

ябыштыру шөгыле

Тема: “Шапка, шарф кигән кар бабайлар”

                                                                                                                 Саба

                                                                                               “ Әллүки” балалар бакчасы

                                                                                                        1 кв. кат. тәрбияче

                                                                                                              Гараева М.М.

            Тема: “ Шапка, шарф кигән кар бабайлар”

            Максат: традицион  булмаган  алымнар кулланып “ Кар бабай” ябыштыру, почта, интернет хезмәте белән таныштыру,  геометрик  фигураларны белүне камилләштерү, иҗади – эстетик күзаллауларын  ныгыту.

            Методик алымнар: проблемалы  сорау кую, җавап, мактау., уен, күрсәтү, аңлату, әңгәмә

            Җиһаз: альбом, клей,кисточка, салфетка,  мамык дисклар, слайд- почтальон рәсеме,кызыл, кара фломастерлар, клеенка, әзер  төсле шакмаклы кәгазь;

            Эшчәнлек барышы: Матур конвертта  балаларга хат күрсәтелә.

• Балалар, безгә бик матур конвертта хат килгән, аны мөгаен хат ташучылар- почтальон алып  килгәндер. Менә шунда тәрәзә төбендә ята иде.Ничек уйлыйсыз кемнән булыр икән бу хат?( күрсәтә)( Җаваплар).Тыңлагыз, хатны ачып укыйм( хат укыла)
•  Чыннан да балалар, сез уйлаганча инде Яңа еллар үтеп китсәдә, кыш бабай  безне тагын үз янына чакырган. Ул бит инде бездән еракта, икенче балалар янында.Ләкин әле ул урманда “кар бабайлар парады” үткәрергә җыена икән, безне шунда үзебез ясаган кар бабайлар белән конкурста катнашырга чакыра икән.Балалар барабызмы конкурста катнашырга? Кар бабайлар ясыйбызмы?( җаваплар).Балалар белән кардан кар бабайлар әвәлиләр һәм табакка утыртып куялар. ( Ял минуты: “ Кышкы урман”)Кар бабайларның эреп бетүләрен күзәтү.

Нәтиҗә ясау: карның җылыга кергәч эреп бетүен ачыклау.Урамда ни өчен эремәве хакында сорауларга җавп бирүләренә ирешү.

Балалар, булмады инде бу.Нишләргә инде безгә?Нәрсәдән генә ясап карарга инде бу “ Кар бабайны”?( җаваплар)Әйдәгез интернет- почта дигән хезмәтләр бар хәзер, менә шуннан кар бабай  әвәләргә  материалга заказ бирик.( телефоннан “ заказ бирә”)Ял минуты: “ Професии”

Кыңгырау тавышы. Балалар безгә мөгаен почта китерделәр.( конвертта  мамык дисклар алып керә) Менә нәрсәләрдән ясарга мөмкин икән! Нәрәләр бу балалар?

Ә бу дискларда эресә нишләрбез7( җаваплар).Әйе, алар беркайчан да эри алмый, чөнки алар чын кар түгел.

          Балаларга ясап күрсәтелә .  Балалар белән бергә эшчәнлек. Эшчәнлекне йомгаклап  балалар белән  нәрсә эшләүләре, аларга бигрәктә бу эшчәнлектә нәрсә ошавы турында сөйләшү, нәсәнең  бердә ошамавы турында балаларның фикерләрен тыңлау.Балаларны  актив булулары өчен мактау, рәхмәт җиткерү.