«Төҫлө туптар әүәләү» темаһына икенсе кескәй төркөмдә художестволы-эстетик тәрбиә бүлегенең ойошторолған белем биреү эшмәкәрлеге конспекты.
методическая разработка по аппликации, лепке (младшая группа) на тему

«Төҫлө туптар әүәләү» темаһына икенсе кескәй төркөмдә художестволы-эстетик тәрбиә бүлегенең ойошторолған белем биреү эшмәкәрлеге конспекты.

Маҡсат. Балсыҡ киҫәген ике ус эсендә (таҡтала) өйрөлтөп тупсыҡтар йомапларға өйрәтеү.

Балаларҙың ҡул суҡтары хәрәкәтсәнлеген, телмәрен, зиһенен үҫтереү.

Әүәләүгә ҡыҙыҡһыныу, йәнлектәргә һөйөү тәрбиәләү.

I.Ойоштороу моменты.

Тәрбиәсе матур ҡумта эсенә уйынсыҡ бесәй йәшереп ҡуйған.

 -Был матур ҡумтала нимә икән?

 -Беҙгә бесәй ҡунаҡҡа килгән бит!

II.Төп өлөш.

Бесәйҙе ҡарау.

 -Бесәй матур ғына! Һаумы, бесәйкәй!

 -Бесәй ниндәй төҫтә? Бесәй аҡ төҫтә. Йөнө йомшаҡ ҡына, тотоп ҡарағыҙ әле?

 -Уның күҙҙәре, тәпәйҙәре, мыйығы, ҡойроғо бар.

Шиғыр тыңлау.

 -Беҙҙең бесәйҙең йөнө

Бик йылы һәм бик йомшаҡ.

Ул яратҡан уйынсыҡтар -

Йомро туп һәм йөн йомғаҡ.

 -Бесәйҙең йөнө ниндәй икән?

 -Ул нимә уйнатырға ярата икән?

 -Бесәйҙәр кескәй туптар менән уйнарға ярата. Уны иҙәндә тәгәрәтә, артынан йүгерә.

Дидактик уйын “Ниндәй туп юғалды?”

 Тәрбиәсе ҡыҙыл, һары, күк төҫтә туптар күрһәтә, төҫтәрен балаларҙан әйттерә. Туптарҙы яулыҡ менән ҡаплай ҙа һиҙҙермәй генә бер тупты йәшерә. Яулыҡты асып, ниндәй туп юҡлығын балаларҙан һорай.

 -Ниндәй төҫтәге туп юғалды? Бына икән бит.

 -Ә туп ниндәй формала? (Түңәрәк).

Физкультминутка «Бесәйкәй һәм сысҡандар”.

Тәрбиәсе бер балаға бесәй битлеге кейҙерә. «Бесәй» балаларҙы баҫтыра, балалар ҡаса.

 -Бесәйкәйем аҡ ҡына, аҡ ҡына, йомшаҡ ҡына.

Ипләп кенә йөрөй ул, сысҡандарҙы баҫтыра.

Хәҙер бесәй тота бит, ҡасығыҙ һеҙ, сысҡандар!

Йөнө йомшаҡ булһа ла, тәпәйендә тырнаҡ бар!

 -Бесәйкәй, һин балаларҙы баҫтырма. Улар хәҙер һиңә уйнар өсөн тупсыҡтар әүәләрҙәр.

 -Әйҙәгеҙ, балалар, беҙ уға пластилиндан төрлө төҫтә туптар әүәләйек.

Туптар әүәләү.

 -Пластилинды ике ус араһында әүәләп тә, таҡтала тәгәрәтеп тә түңәрәк туптар яһап була.

-Ҡыҙыл төҫлө пластилиндан туп яһайбыҙ. Хәҙер йәшел туп әүәләйек. Аҙаҡ күк төҫлө тп эшләйек бесәйкәйгә.

III.Йомғаҡлау.

 -Бына күпме туптар әүәләнек бесәйгә! Ул ҡыуана, рәхмәт әйтә. Дуҫтары менән бергәләп туп тәгәрәтеп уйнарҙар инде. Ә хәҙер ул беҙҙең менән хушлаша.