Иртәнге гимнастика комплексы "Кулга- яулык, тәнгә-саулык"
план-конспект занятия по физкультуре (младшая группа) по теме

Иртәнге  гимнастик күнегүләр комплексы

“Кулга –яулык, тәнгә-саулык”

(татар халык бизәкләре белән чигелгән кулъяулыклар куллану)

(икенче кечкенәләр төркеме) 

 Колоннага тезелү, исәнләшү. Бер-бер артлы атлап йөрү, җиңелчә йөгерү, Бирем белән йөрү ( чүгәләү, сикерү, төрле якка йөгерү). Түгәрәктә тезелү.

1. «Нинди матур кулъяулыклар ».

 Б.т.: аяклар аерылган, кулларда кулъяулыклар: кулларны алга сузу, кулъяулыкларны күрсәтү , б.т. кайту. -  5 тапкыр кабатлау.

2. « Кулъяулыклар юабыз».

Б.т.: аяклар бергә, алга таба иелеп кер юган хәрәкәтләр ясау. Б.т. кайту. – 5 тапкыр кабатлау.

3.  « Кулъяулыкларны киптерәбез»:

Б.т.: аяклар аерылган, кулларда кулъяулыклар: кулларны уң якка өскә сузу-, кулъяулыкларны элү , б.т. кайту. Шул ук хәрәкәтләр сул якка ясала -  5 тапкыр кабатлау.

4. « Кулъяулыклар белән уйныйбыз».

Б.т.: аяклар бергә, уң кулда кулъяулык, сул кул билдә: сикерү хәрәкәтләре ясау, аннары кулъяулыкны сул кулга тотып урында гына атлау хәрәкәтләре ясау ,  -  5 тапкыр кабатлау.

5.  Гади йөрү. Борын белән сулыш алу — куляулыкны өскә, һаваны авыздан чыгару, куляулыкларга эрү . 3 тапкыр кабатлау. Тыныч кына атлап залдан чыгу.

Барыбыз да сәламәт, зарядкага мең рәхмәт.