Физкультминутки на алтайском языке
материал по физкультуре

Муниципальное бюджетное дошкольное образовательное учреждение «Усть-Канский детский сад»

Физкультминуткалар

                                                                                            Таскадаачы: Селишева А.А.

Кан- Оозы jурт, 2019 j.

Амадузы:

Ўлгерлер ажыра балдардын санаазын, тилин темиктирери;

Ўренчиктерди огош jаштан ала бойынын су-кадыгын баалап, чеберлеп, эди-канын таскадып jÿрерине таскадар;

Ару-чек болорына, нак ла киленкей кылык-jанга таскадар;

1. Он колымда-беш сабар,

Сол колымда –беш сабар,

Эки колымда-он сабар.

Сабарларым кÿрежет,

Бой-бойыла jакшылажат.

Бир jаан биледий

Нак jÿрет jажына.

2. Тышкары кÿчÿк ойногон

Секирген, мантаган, чотогон:

1. отура тÿшкен,
2. секирип ийген,
3. ары айланган,

4-бери айланган.

3.Колдорым бойлоры чабынат,

Буттарым бойлоры баскындайт.

Бойым эмди секиредим,

Катап, катап отурадым.

4. Он колым-бу!

Сол колым-бу!

Он будым-бу!

Сол будым-бу!

Колдорымла чабынарым,

Буттарымла баскындарым,

Колдорымды кöдÿрерим,

Буттарымла секирерим.

4. Jалбырак ÿзÿлип учат

Араайын кейде айланат.

Тöмöн, тöмöн тÿжет,

Jерге келип jадат.

6 .Боро кушкаш чöйилген

Ончо бойын силкиген.

Бажыла кекиген,

Кара кöзиле имдеген,

Канаттарыла талбынган

Ары баскан, бери баскан

Арып эмди отурган

Кожондоп ол баштаган:

Чик-чирик! Чик-чирик!

7. Аннын туразы jаан

Кöзнöгинен ол кöрöт.

Койон аркада мантайт

Айлын онын токылдадат:

-Тук-тук, эжигин ачсан,

Анда калjу анчы!

-Койон, койон, койонок

Тÿрген кирзен айылга!

8. Бир, эки, ÿч-

Кушкаштар учат бийикте.

Тöрт, беш, алты

Калыйт саста бакалар.

Алты, jети, сегис-

Тийин агаштан секирет.

Он, он, он-

Балдар школдо ÿренет.

9. Ўренчик зарядка баштады:

Он jанына кöрöт,

Сол jанына кöрöт,

Öрö кöрöт, тöмöн кöрöт,

Он бутла секирет,

Сол бутла секирет

Араай jерине отурат.

10.Баскындайдыс, чабынадыс,

Отурадыс, турадыс.

Колыс öрö, чике, тöмöн.

Кÿлÿмзиренедис нöкöргö,

Отурадыс jериске.

11. Агаштар салкынга jайканат

Он jанына энилет,

Сол jанына энилет,

Ончо бойы силкинет.

Jалбрактары ÿзÿлип

Ары-бери учкулайт.

12. Салкын, салкын, салкынак

Агаштарды ол jайкайт.

Jалкын, кÿкÿрт табыжы

Кизирт эдип угулат.

Jааш, jанмыр ээчиде

Сугарат тегерик jеристи.

Кÿн, кÿн, кÿнигеш

Ончо jерди jарыдат.

13. Саста эки бака

Эки jажыл нöкöр

Эрте танла jунунган,

Коларткышла арчынган,

Буттарыла секирген,

Колдорыла чабынган,

Бек болорго бакалар

Jÿгÿрген ле jÿгÿрген.

14. Понедельникте эжингем,

Вторникте jурангам,

Средада jÿгÿргем,

Четвергте футбол ойногом,

Пятницада биjелегем,

Субботто jунунгам,

Воскресеньде амырагам.

15. Сÿÿйдим мен сÿÿнчини

Эрте танда зарядканы.

Баскындайдым, секиредим,

Отурадым, турадым.

Ару-ару jунунып

Школго мендеп барадым.

16. Чингиз зарядка баштады, (балдардын аттарын солыр)

Шура бажын белдеди,

Анна колын кöдÿрди,

Денис колын силкиди,

Игорь будын силкиди,

Алёша бийик-бийик секирди,

Егор ичин белдеди,

Айдар бойы белденди,

Диана катап-катап отурды.

16. Аркада андар jуулыжып

Jуундап турат тыныда.

Айу базат jайбандап,

Койон коркып секирет,

Бöрÿ улыйт ачынып,

Тÿлкÿ ончозын эбирет

Ары-бери айланат.

18.Бичип, бичип арыдым

Беш сабарым арыды.

Бийик, бийик калырыс

Бийик тууны ажарыс.

Болчок бажым белдерим

Буттарымды силкиирим,

Бир катап энилерим,

База катап отурарым.

16. Бичи, бичи, бичикчи

Бийик-бийик калырыс.

Jуран, jуран, jурукчы

Jенил, jенил секирерис.

Ары-бери айланып,

Алты алтам алтаарыс.

Ойто катап бурылып,

Он катап отурарыс.

16. Ончо балдар мендегер

Солун jерлер кöрöрис.

Самолётко отурыгар

Ыраак учуп барактар.

Кööликке отурыгар

Рульдан тудуп мантадарыс.

Jеерен атка отурыгар

Алтай jерле jорторыс.

20.Агаштан jалбрак ÿзÿлип,

Кейде араай айланат.

Ары-бери jайканып,

Jерге тÿжÿп уйуктайт.

16. Jолдо бистин нöкöрис

Öндöр биске ÿредет.

Кызыл öни-от ошкош,

Сары öни-кÿн ошкош,

Jажыл öни-öлöндöр,

Ады онын светофор.

Кызыл öнин кöрзöм лö

Jаныс jерге турадым.

Сары öни кöрÿнзе

Эмеш сакып аладым.

Jажыл öни чыкса ла

Jолды тÿрген öдöдим.

Светофорло нöкöрлöш

Амыр-энчÿ jÿрерин!

16. Кандый jакшы jайгыда

Эжинерге, ойноорго.

Кандый jакшы кÿскиде

Ары-бери базарга.

Кандый jакшы кышкыда

Секирерге, jынылаарга.

Кандый jакшы jаскыда

Тартынарга ла jÿгÿрерге.

16. Энеме мен болуштым:

Айак-казан jунадым,

Айыл ичин jалмадым,

Кöнöктöргö суу экелдим,

Тышкары одын jарадым.

16. Тенериде кушкаштар учат,

Jаланда койондор секирет.

Анчы олорды шыкалайт

Адарга мылтыгын белетейт.

Балдар кыйгырат олорго:

-Качыгар куштар, койондор!

24. Кöрÿк, кöрÿк, кöрÿгеш

Бели чоокыр кöрÿгеш.

Эрте танда ол турат

Jÿзин jунат, мойнын арчыйт.

Айлын ару ол jалмап,

Зарядка эдип ол чыгат.

Бир, эки, ÿч

Кöрÿгеш кÿчтÿ болор!

16. -Бис шулмус чычкандар

Кап! Коп! Кÿп!

-Кемнен де коркыбайдыс

Кап! Коп! Кÿп!

-Кискенен де коркыбайдыс

Кап! Коп! Кÿп!

-Ай!Ой! Уй!

Болужыгар, аргадагар!

Кап! Коп! Кÿп!

16. Менин болчок мечигим

Секирет ле секирет.

Менин кызыл мечигим

Тоолонот ло тоолонот.

Менин сары мечигим

Айланат ла айланат.

Менин jажыл мечигим.

Отурат ла отурат.

16. Койон, койон койонок

Шулмус бÿткен койонок

1-колын кöдÿрет,

2-оны тÿжÿрет,

3-отура тÿжет,

4 -туруп келет

5 катап секирет.

16. Бир, эки, ÿч

Суучак агат шоркырап.

Тöрт, беш, алты

Кöбöлöк амыр учат.

Jети, сегис, тогус

Серткиш калып амырайт.

Он, он, он

Араай jериске отурарыс.

16. Бичиичи болорго

Бир катап айланарым.

Эмчи болорго

Эки катап чабынарым.

Ўредÿчи болорго

Ўч катап отурарым.

Тискинчи болорго

Тöрт катап секирерим.

Билимчи болорго

Беш катап кекирим.

16. Бошпок бÿткен айучак

Топ-топ-топ.

Шулмус бÿткен тийинеш

Ток-ток-ток.

Чыйрак бÿткен койонок

Скок-скок-скок.

Сÿмелÿ бÿткен тÿлкÿ

Хлоп-хлоп-хлоп.

16. Мешке, мешке, мешкечек

Аркада öзöт кÿскиде.

Тозокты алып барадым

Мешкелер терип jÿредим:

Ак мешке, jылjырык мешке,

Кÿрен мешке, кайын мешке.