Йăвана пулăшар-ха
план-конспект занятия по физкультуре (младшая группа)

 «Элĕкри 1-мĕш №-лĕ «Çăлкуç» ача сачĕ

«Йăвана пулăшар-ха»

Иккĕмĕш вăтам ушкăнра ӳт-пĕве çирĕплетмелли вăйă занятийĕ

Димитириева Надежда Витальевна,

физкультура инструкторĕ

Тĕллевсĕм: Театр вăййисене усă курса ачасен сывлăхне çирĕплетесси.

Сывлăха çирĕплетмелли задачăсем:

1.15см хăма тăрăх утма вĕрентесси.

2. Малалла сикме хăнăхасси.

3.Кĕвĕ çеммипе килĕшӳллĕн утма, тĕрлĕ хусканусем тума хăнăхасси.

Вĕренӳ задачисем:

1.Йывăрлăхсене пĕр-пĕринпе канашласа çĕнтерме хăнăхтарасси.

2.Пĕр-пĕрне пулăшма, йывăр вăхăтра пулăшма вĕрентесси.

3.Туслă пурăнма вĕрентесси.

Аталану задачисем:ÿт-пĕве, сывлăха çирĕплетесси, хăйсене ушкăнра, спорт залĕнче тытма хăнăхтарасси, кирлĕ хатĕрсемпе тĕрĕс усă курма вĕрентесси.

Заняти йĕрки.

Ачасем воспитательпе  ушкăна кĕреççĕ. Пĕр-пĕрне сывлăх сунаççĕ.

Воспитатель: Ачасем, атьăр-ха, пысăк çаврашка тăватпăр. Пĕр-пĕринпе алăран тытӑнатпăр, йăл кулса сывлăх сунатпăр.

(Макăрнă сасă илтĕнет).

Воспитатель: Ачасем, кам макăрать унта? (Воспитатель йăвана тытать).

                         Йăва сасси: Эпĕ йăва, йăва тус,

  Сар çу çинче пиçнĕ-скер.

Тухса тартăм эп килтен

Тупаймастăп тĕрĕс çул!

Воспитатель: Ачасем, Йăвана киле таврăнма пулăшатпăр-и? Анчах ăçта каймалла-ши пирĕн? (Воспитатель Йăвана хурать те аллине Би-ба-бо мулкач тăхăнать).

Мулкач: Йăва, йăва, йăва тус! Эпĕ сана çисе яратăп!

Ачасем: Мулкач , тусăм, эс ан çи

         Пĕчĕк сарă йăвана.

              Асаттерен те вăл тарнă,

              Асаннерен те вăл тарнă.

              Таврăнмашкăн килелле,

           Пулăшсамччĕ эс ăна!

                                      Мулкач: Пулăшни-вăл ырă ĕç!

         Пулăшатăп эп сирне

     Çакă тӳрĕ çулпала

        Эсир утăр малалла!

(Мулкач çухалать).

Ӳт-пӳ çирĕплетмелли хусканусем

1.Ачасем малалла пĕчĕк утăмсемпе утаççĕ (30 çек.)

 (Такăр,тӳрĕ çулпалла

Ак, утаççĕ, ачасем!

Сарă, сарă Йăванне

Часах тупĕç кил-çуртне!)

2. Алăсене çÿлелле çĕклесе, чĕрне вĕççĕн утаççĕ.(30 çек.)

(Пысăк, çӳллĕ йывăçсем ,

Тĕл пулаççĕ çул çинче).

3. Вăтам утăмпа утаççĕ. Пĕшкĕнсе лараççĕ.

Тăраççĕ, лараççĕ (3-4 хут).

4. Воспитательпе пĕрле чупаççĕ (20 çек.)

5. Вăтам утăмпа утаççĕ. Сывлăш çавăрса илеççĕ.

Тĕрĕс сывлаççĕ.

Воспитатель аллине кашкăр маскине тăхăнать.

                                Кашкăр: Йăва, йăва, йăва тус

Эпĕ сана çисе яратăп!

                                 Ачасем: Кашкăр – кашкăр, кашаман,

    Хăрамастпăр тек санран

   Ӳт- пĕве çирĕплететпер,

       Вăйлă та маттур пулатпăр!

  Ак, пăхсам эс, кашаман,

       Пит маттур-çке шăпăрлан!

Воспитатель:Ачасем, атьăр-ха, кашкăра эпир епле маттур та вăйлă пулнине кăтартатпăр.

Мечĕкпе ӳт-пӳ çирĕплетмелли хусканусем!

1. «Мечĕке çĕклер çӳле» 4 хут.

Урасем хул пуççипе пĕр тан. Алăра мечĕк. Мечĕке малалла тăсмалла, çӳлелле çĕклемелле, аяла антармалла.

2. « Мечĕкпе пĕшкĕнмелле» 4 хут.

Урайне лармалла, урасене сармалла. Мечĕк кăкăр умĕнче. Мечĕке çӳле çĕклемелле,урайне выртмалла мечĕкпе урайне перĕнмелле. Каялла çĕклемелле.

3. «Мечĕке кустармалла»

Чĕркуççи çине ура тупанĕ çине лармалла. Мечĕке сылтăмалла, сулахаялла хамăр йĕри-тавра кустармалла.

4. « Мечĕк тавра сикмелле».

Мечĕк урайĕнче. Мечĕк йĕри-тавра сикмелле.

(Куçсем мечĕк çине пăхаççĕ).

Воспитатель аллине упа маскине тăхăнать.

Упа : Йăва, йăва, йăва тус

            Эпĕ сана çисе яратăп!

Ачасем:Ан çисем, упа, эс Йăвана,

       Тарнă вăл асаттерен,

         Тарнă вăл асаннерен.

      Пулăшсамччĕ эс ăна

                 Çул тупмашкăн килнелле!

Упа: Маттур, эсир ачасем. Йăвана йывăрлăхра прахман. Эсир питĕ лайăх ачасем,туслă пурăнатăр. Туслăхра–вăй! Часах Йăвана киле çитме те пулăшатăр ак!

(Упа çухалать)

Ӳт-пӳ çирĕплетмелли хусканусем.

1. «Кĕпер урлă каçар».

Ачасем пĕр - пĕрин хыççăн тăраççĕ. 15 сантиметр хăма тăрăх каçаççĕ. Алăсем пилĕк çинче. Воспитатель пуçсем тата çурăм тӳрĕ пулмалли çинчен аса илтерсех тăрать.

2. «Тунката çинчен тунката çине»

Урайĕнче çаврашкасем выртаççĕ, ачасем çав çаврашкасем çине сикеççĕ.

Тилĕ (би-ба-бо) тухать.

Тилĕ: Ак кунта иккен Йăва, ачасем те кунтах.

Часах эпĕ сире çисе яратăп!

Ачасем: Чее тилĕ, эс тăхта,

Вылясам, эс пирĕнпе!

Тилĕ: Юрать, выляма эпĕ хавас!

«Чее тилĕ» вăйă.

Ачасем залра чупаççĕ. Тилĕ сак çинче ларать. Кĕвĕ каять. Кĕвĕ чарăнсан тилĕ ачасене хăвалать.

Ачасем тараççĕ. Сак çине лараççĕ. Темиçе хут выляççĕ.

Тилĕ: Маттур эсир, ачасем! Ăçталла эсир çул тытнă?

Ачасем: Эпир Йăван пӳртне щыратпăр. Пулăш-ха эсĕ пире, Тилĕ тус!

Тилĕ: Авă, Йăва килĕ!

Воспитатель Йăвана чӳрече сакки çине лартать.

Воспитатель: Халĕ пирĕн каялла ача садне каймалла, ачасем.

Эсир питĕ маттур, хăюллă, ачасем! Йăвана киле çитме пулăшрăр. Сире уншăн акă пĕчĕк кученеç.