Поездда кызыклы сәяхәт
план-конспект занятия по математике (младшая группа) по теме

Тема: “Поездда кызыклы сәяхәт”

Максат:

1. Блалаларны төс, форма һәм зурлык буенча классификацияләргә өйрәтү; схемалар белән эшләргә өйрәтү; берничә кисәктән берне төзүне, җыюны ныгыту.
2. Игътибарлылык, күзәтүчәнлек, хәтер,логик уйлау сәләтен үстерү.
3. Матурлыкны күрә белергә өйрәтү, зәвык тәрбияләү.

Үстерешле тирәлек: урындыклардан ясалган поезд, билетлар, төрле төсле чәчәкләр.

Үткәрү формасы: уен ситуацияләре аша белем бирү.

Методик алымнар: телдән аңлатма, биремнәр, уеннар, күрсәтмәлелек.

                                                Эшчәнлек барышы

Хәерле көн сиңа,

Хәерле көн миңа,

Хәерле көн безгә,

Хәерле көн сезгә,

Хәерле көн барыбызга!

• Балалар, мин сезгә бик кызыклы сәяхәткә барырга тәкъдим итәм. Сез ничек уйлыйсыз, без анда ничек барырбыз икән. (балалар җавабы)
• Дөрес, без поездда барырбыз.Поездның йөртүчесе бүген Әдил булыр.Поездга утырыр өчен безгә билетлар сатып алырга кирәк. Кассага барып, Софиядән билетлар алыгыз (балалар кассадан билетлар сатып алалар).
• Балалар, сез беләсезме,  поездда билетларны тикшерә, тәртипне кем саклый?
• Кондуктор.
• Әйе, кондуктор билетларны тикшерә һәм барлык пассажирлар да үз урыннарына утыруларын карый. Бүген безнең поездда Риналь кондуктор була.
• Сез үзегезнең кайда утыруыгызны билетларга карап белә аласыз. Анда сезнең урындыктагы рәсем  нинди төстә, нинди зурлыкта һәм фигурада икәне күрсәтелгән. Ә Риналь сезнең дөрес утыру утырмауны тикшерә. (балалар урындыкларга утыралар, машинист сигнал бирә)

Поездга без утырдык

Сәяхәткә җыендык.

Бип-бип-бип, бип-бип-бип

Сәяхәткә җыендык.

Барабыз урман аша,

Безгә кояш елмая.

Бип-бип-бип, бип-бип-бип

Безгә кояш елмая.

• Беренче тукталыш “Чәчәкле алан”. Поезддан төшәбез.                                    (Поезддан өшкәч балалар куянны очраталар)
• Балалар, мин чәчәкле аланда сикереп йөри идем, бик көчле җил исте дә, барлык чәчәкләрнең таҗларын өзеп бетерде. Хәзер чәчәкләр матур түгел инде. Балалар, сез миңа чәчәкләрнең таҗларын җыярга булышасызмы?
• Әйе. (балалар төс һәм форма буенча чәчәкләр төзиләр)
• Рәхмәт сезгз балалар.(куян )
• Ә хәзер без поездга утырып юлга кузгалабыз.

Поездга без утырдык

Сәяхәткә җыендык.

Бип-бип-бип, бип-бип-бип

Сәяхәткә җыендык.

Барабыз урман аша,

Безгә кояш елмая.

Бип-бип-бип, бип-бип-бип

Безгә кояш елмая.

• Икенче тукталыш “Кызыклы йорт” дип атала. Без өстәл артына утырабыз. Сезнең каршыгызда матур өйләр, карточкалар бар. Өй түбәсендәге рәсемнәрне күрәсезме? Нәрсәләр ясалган анда? (балалар җавабы)
• Сезгә һәр катка  дөрес рәсем куярга кирәк, ләкин катлардагы рәсемнәр кабатланмасын. (балаларның мөстәкыйль эше)
• Кемнәрнең эше бетте, поездга утырабыз да бакчага кайтабыз.
• Молодцы! Булдырдыгыз.
• Бүгенге эшчәнлектә актив булганыгыз өчен рәхмәт. Кунакларыбыз белән саубуллашабыз.