“3 һаны һәм цифры менән таныштырыу” ( уртансылар төркөмө)
план-конспект занятия по математике (средняя группа)
3 һанының барлыҡҡа килеүен аңлатыу һәм уның тамғаһы булған 3 цифры менән таныштырыу.1ҙән 3кә тиклем һанарға һәм предметтарҙы уң ҡул ярҙамында һулдан уңға табан һала белергә өйрәтеү; арауыҡта йүнәлеште билдәләү күнекмәләре.
Скачать:
Вложение | Размер |
---|---|
![]() | 18.71 КБ |
Предварительный просмотр:
Илеш районы муниципаль районы муниципаль мәктәпкәсә белем биреү учреждениеһы
Түбән Йәркәй ауылы “Баланы үҫтереү үҙәге – балалар баҡсаһы”
“3 һаны һәм цифры менән таныштырыу”
( уртансылар төркөмө)
Йәнбирҙина Айһылыу Флүр ҡыҙы
2021 йыл
Маҡсат: 3 һанының барлыҡҡа килеүен аңлатыу һәм уның тамғаһы булған 3 цифры менән таныштырыу.1ҙән 3кә тиклем һанарға һәм предметтарҙы уң ҡул ярҙамында һулдан уңға табан һала белергә өйрәтеү; арауыҡта йүнәлеште билдәләү күнекмәләре.
Һүҙлек эше: уңда – һулда, машина, төҙөлөш
Йыһазландырыу: йөк һәм еңел машиналар һүрәттәре, төрлө төҫтә геометрик фигуралар, 1-ҙән 4- кә тиклем һандар, Доман карточкалары, «Танграмм» уйыны.
Таратма материал: һәр балаға математик полотно, геометрик фигуралар – өсмөйөш, дүртмөйөш, 1-ҙән 4- кә тиклем һандар, төҫлө ҡәләм һәм геометрик фигуралар, һандар рәте төшөрөлгән бит, «Танграмм» уйыны.
Дәрес барышы:
Тәрбиәсе: Балалар, әйҙәгеҙ уйын уйнап алайыҡ.
Уйын «Пантомима»
Балаларҙың кәйефтәре нисек? – йылмаялар.
Балалар мине нисек ишетәләр? – ҡулды алға һуҙып баш бармаҡты күрһәтәләр.
Иртәнсәк балалар баҡсаға нисек киләләр? – урында йүгерәләр.
Балалар бер-береһен нисек һағынғандар? – бер-береһен ҡосаҡлап һөйәләр.
Тәрбиәсе: Афарин. Балалар, бөгөн йома, нисек уйлайһығыҙ аҙнаның нисәнсе көнө?
Балалар: Аҙнаның бишенсе көнө.
Тәрбиәсе: Дөрөҫ, әйгәгеҙ ҡабатлап алабыҙ.
Бала: Бөгөн йома, аҙнаның бишенсе көнө.
Тәрбиәсе: Афарин. Бөгөн беҙ нисек 3 һаны барлыҡҡа килеүе һәм 3 цифры менән танышабыҙ. Өҫтәлдәр артына рәхим итегеҙ.
Тәрбиәсе: Ауыл урамдарында төрлө машиналар йөрөйҙәр. Беренсе-йөк машинаһы, икенсе-еңел машина, тағы спорт машинаһы ла осрай, бөтәһе өс машина. Әйҙәгеҙ бергә һанайыҡ әле.
Балалар: Бер, ике, өс, бөтөһе өс машина.
Тәрбиәсе: Кем таҡта янына сығырға теләй?
Бала: Бер, ике, өс, бөтөһе өс машина.
Тәрбиәсе: Афарин Нәилә.Балалар, Нәилә нисек һананы?
Балалар: Дөрөҫ һананы.
Тәрбиәсе: Афарин. Ә хәҙер, балалар геометрик фигуралар, һандар рәте бирелгән ҡағыҙ битендә: нисә машина бар, шул тиклем өсмөйөштө буяғыҙ. Афарин, һандар рәтенән өс цифрын табып яҙып ҡуйығыҙ.Ильгинә, һин нисә өсмөйөштө буяның?
Бала: Өс өсмөйөштө.
Тәрбиәсе: Дөрөҫ, афарин. Айгөл, һин ниндәй цифрҙы яҙҙың?
Бала: Өс цифрын.
Тәрбиәсе: Афарин. Иғтибар, карточкалар менән эшләйбеҙ. Карточкала нисә нөктә һанайһығыҙ, шуны цифр менән күрһәтегеҙ.
Балалар: Бер, ике, өс.
Тәрбиәсе: Афарин балалар, иғтибарлы булдығыҙ. Ә хәҙер һеҙгә математик полотно һәм ваҡ геометрик фигуралар кәрәк. Иғтибар, өҫкө юлға ике өсмөйөш фигураһын уң ҡул менән һулдан уңға һалырға кәрәк. Регина, һин нисә өсмөйөш һалдың?
Бала: Ике өсмөйөш һалдым.
Тәрбиәсе: Афарин. Радим, һин ниндәй ҡул менән һалдың?
Бала: уң ҡул менән.
Тәрбиәсе: Радим, һин полотноның ҡайһы яғынан һала башланың?
Бала: Һул яғынан.
Тәрбиәсе: Афарин Радим. Аҫҡы юлға өс дүртмөйөштө һалығыҙ. Самат һинең дүртмөйөштәрең ниндәй төҫтә?
Бала: Дүртмөйөштәр ҡыҙыл төҫтә.
Тәрбиәсе: Афарин. Самира, аҫҡы юлда нисә дүртмөйөш һалдың?
Бала: Өс дүртмөйөш һалдым.
Тәрбиәсе: Балалар, әйтегеҙ әле, ниндәй фигура күп?
Балалар: Дүртмөйөш күп.
Тәрбиәсе: Дөрөҫ. Нисек уйлайһығыҙ, нисәгә күп?
Балалар: Бергә.
Тәрбиәсе: Афарин. Тимәк, өс икенән бергә ҙур. Бергә ҡабатлайыҡ әле .
Балалар: Өс икенән ҙур.
Тәрбиәсе: Азалия, ҡабатла әле иҫбатлағанды.
Бала: Өс икенән ҙур.
Тәрбиәсе: Азалия, дөрөҫ ҡабатланымы?
Балалар: Дөрөҫ ҡабатланы.
Тәрбиәсе: афарин Алина, афарин балалар. Беҙҙең машиналар юлға сыға, уйнап алырға саҡыра.
Уйын «Күңелле машиналар»
Моторҙарҙы ҡабыҙабыҙ, урындан ҡуҙғалабыҙ (ҡулдарҙы әйләндерәләр)
Уңға, һулға боролабыҙ, һикереп тә алабыҙ-бер, ике, өс (һикерәләр)
Тигеҙ ерҙә йүгерәбеҙ, бик күңелле еләбеҙ (йүгерәләр)
Бына килеп тә еттек, хәл йыйҙыҡ – бер, ике, өс.
Машина килеп туҡтаған тауыш ишетелә. Төҙөүсе килеп инә.
Төҙөүсе: һаумыһығыҙ балалар.
Балалар: һаумыһығыҙ.
Төҙөүсе: һеҙ аҡыллы балалар, миңә ярҙамығыҙ кәрәк.
Тәрбиәсе: балалар, һеҙгә нисек ярҙам итә алырҙар икән?
Төҙөүсе: көндәр һыуынып китте, эште тиҙерәк бөтөрөр инек, төҙөлөш материалдары ташырға машиналар етмәй. Зинһар, машиналар эшләп бирегеҙ!
Тәрбиәсе: балалар, ярҙам итәйекме?
Балалар: ярҙам итәйек.
Тәрбиәсе: төҙөүсе, хәҙер балалар «Танграмм» уйынын ҡулланып йөк машиналары төҙөп бирерҙәр. Балалар, әйҙәгеҙ бергәләп уйындың атамаһын ҡабатлайыҡ әле.
Балалар: «Танграмм» уйыны.
Тәрбиәсе: афарин. Тимур, машина ниндәй өлөштәрҙән тора, әйтеп үт әле? балалар иғтибар менән тыңлағыҙ!
Бала: кузов, кабина, тәгәрмәстәр, руль.
Тәрбиәсе: балалар. Тимур машинаның бар өлөштәрен һанап үттеме?
Балалар: эйе, бар өлөштәрен һананы.
Тәрбиәсе: афарин Тимур. Иғтибар. Беҙ машинаның кузвынан эшләй башлайбыҙ, ул ҙур өсмөйөш. Кабина бер ҙур, бер бәләкәй өсмөйөшөтән һәм бер дүртмөйөштән тора. Балалар, нисек уйлайһығыҙ, квадратты ниндәй фигураларҙан эшләргә була?
Балалар: ике өсмөйөштән.
Тәрбиәсе: дөрөҫ, афарин балалар.
Төҙөүсе: афарин балалар, һеҙ барыһында дөрөҫ эшләнегеҙ. Балалар, һеҙ ниндәй юл ҡағиҙәләрен беләһегеҙме?
Балалар: тротуарҙан йөрөргә кәрәк. Юл аша сыҡҡанда светофорға ҡарарға кәрәк. Юлда йүгерергә ярамай.Өлкәндәрҙең ҡулдарына тотоноп атларға кәрәк.
Төҙөүсе: бик аҡыллы балалар икәнһегеҙ. Рәхмәт, шәп йөк машиналары килеп сыҡты. Миңә эшкә барырға ваҡыт етте, һау булығыҙ.
Балалар: һау булығыҙ.
Тәрбиәсе: афарин. Беҙ бөгөн эшмәкәрлектә нимәләр эшләнек?
Балалар: нисек 3 һаны, 3 цифры менән таныштыҡ. Һананыҡ, өсмөйөштәр буяныҡ, өс цифрын яҙҙыҡ, уйнаныҡ.
Тәрбиәсе: афарин аҡыллыларым, рәхмәт.
По теме: методические разработки, презентации и конспекты
![](/sites/default/files/pictures/2016/04/01/picture-776211-1459500470.jpg)
МӘКТӘПКӘСӘ ЙӘШТӘГЕ БАЛАЛАРҘЫ БАШҠОРТ ХАЛЫҠ ӘКИӘТТӘРЕ МЕНӘН ТАНЫШТЫРЫУҘА ИННОВАЦИОН ТЕХНОЛОГИЯЛАР ҠУЛЛАНЫУ
В материале описывается опыт работы по использованию инновационных форм работы при ознакомлении дошкольников с башкирскими народными сказками...
![](/sites/default/files/pictures/2017/12/13/picture-985987-1513166046.jpg)
Тема: "Тема: «Кейеҙ баҫыу. Кейеҙ баҫыу шөғөлө менән таныштырыу.» Урта төркөм балаларына белем биреү эшмәкәрлеге
laquo;Кейеҙ баҫыу. Кейеҙ баҫыу шөғөлө менән таныштырыу.»Урта төркөм балаларына белем биреү эшмәкәрлеге...
![](/sites/default/files/pictures/2021/09/18/picture-1289234-1631942002.jpg)
Ата-әсәләр менән эш. " Әкиәт илендә " Уртансылар төркөмө.
Ата-әсәләр менән күңел асыу. "Ғаиләм менән әкиәт илендә" Балалар үҙҙәренең туғандары менән бер әкиәт әҙерләп сәхнәләштерәләр. Был байрам беҙҙең төркөмдә йылда үткәрелә. Ата -әсәләр маска-кос...
Кескәйҙәрҙе ауыҙ тел ижады менән таныштырыу:Өләсәйемдең йомғағы.
Маҡсат:Кескәйҙәрҙә ауыҙ тел ижадына ҡарата ҡыҙыҡһыныу уятыу.Тел төҙәткестәр аша балаларҙың телмәрендә башҡорт өндәрен дөрөҫ әйтелешен нығытыу.Хәтерҙе яҡшыртыу,төркөмдә йылы мөхит тыуҙырыу.Бер-береңә я...
![](/sites/default/files/pictures/2021/01/09/picture-1303083-1610209579.jpg)
Телмәр үҫтереү өлкәһе Тема: Г.Ситдыҡова “Президент исеме” хиҡәйәһе менән таныштырыу. Өлкәндәр төркөмө
Г.Ситдыҡованың “Президент исеме”хиҡәйәһе менән таныштырыу, Башҡортостандың тәүге президенты тураһындағы белемдәрен киңәйтеү, һорауҙарға тулы яуап бирергә өйрәтеү, башҡорт өндәрен дөрөҫ әйт...
![](/sites/default/files/pictures/2021/11/01/picture-1358586-1635767913.jpg)
Уртансылар төркөмө өсөн дәрес өлгөһө "Математика иленә сәйәхәт"
5-кә тиклем һанай белеү күнекмәләрен нығытыу; геометрик фигураларҙы таный, айыра һәм уларҙың атамаларын әйтә белеүҙе нығытыу...
![](/sites/default/files/pictures/2022/01/19/picture-1378523-1642591278.jpg)
Түбән Йәркәй “ Баланы үҫтереү үҙәге - балалар баҡсаһы”ның уртансылар төркөмөндә башҡортса һөйләм телен үҫтереү түңәрәгенең 2020-2021 уҡыу йылына перспектив-тематик эш
Уртансылар төркөмөндә башҡортса һөйләм телен үҫтереү түңәрәгенең 2020-2021 уҡыу йылына перспектив-тематик эш планы...